منى زكى: الممثل بينسى ضغوطات الحياة ومشاكلها أمام الشاشة
تحدثت النجمة منى زكي عن التحديات والصعوبات التي تواجهها في مجال التمثيل، مشيرة إلى أن هناك ضغوط كثيرة في الحياة تواجههم، لا يجب أن تظهر على الشاشة للجمهور في أغلب الأحيان.
وقالت منى زكي خلال لقائها في برنامج Sold Out Interviews مع الإعلامي محمود سعد، والمذاع عبر منصة watch it الإلكترونية: "نعمة كبيرة من ربنا إني أشتغل الحاجة اللي بحبها، حيث أن هناك ناس كتير بتفضل وقت طويل عشان تعرف هي عايزة إيه ولكن دا ميمنعش إن فيه ضغوطات في الحياة، فكلنا عندنا ضغوطات ومشاكل بس بنسب مختلفة".
منى زكي من برنامج sold out
منى زكي من برنامج sold out
وتابعت: "إحنا دورنا كفنانين متمسكش في إحساس واحد، ومينفعش تظهر مضغوط طول الوقت، لأن في التصوير لازم تبقى حالة تانية بعيدة عن مشاكلك"، وأن الفنان من الممكن أن ينزل إلى التصوير على الرغم من معاناته من حالة وفاة أو مشكلة كبيرة دون أن يظهر ذلك، موضحة: "احنا أحيانا بيبقى عندنا حالات وفاة وبننزل نشتغل، والمفروض منبينش دا للناس، مش مجرد شوية مشاكل أو ضغط، ومش بنعمل كدا عشان نمثل عليهم، ولكن شغلتنا لازم إنك تتغاضي عن نفسك وأنت فيك أي، وتدخل عوالم الشخصيات اللي بتمثلها، اللي عايشه بشكل تاني وبمشاعر مختلفة".
يذكر أن الفنانة منى زكي تألقت بشكل كبير مؤخرا من خلال مسلسلها "تحت الوصاية" الذي عرض في السباق الرمضاني الماضي، وهو من تأليف خالد وشيرين دياب، وإخراج محمد شاكر خضير وانتاج ميديا هب سعدى - جوهر، وشارك في بطولته بجوار منى زكى كل من: دياب، أحمد خالد صالح، نهى عابدين، رشدى الشامى، مها نصار، على الطيب، أحمد عبدالحميد، محمد السويسري، وعدد آخر من الفنانين وعُرض على شاشة قناة dmc و dmc دراما ومنصة watch it.
الإهداءات
05-31-2023, 09:30 PM
منى زكى: الممثل بينسى ضغوطات الحياة ومشاكلها أمام الشاشة
العرض الشجري