يا كثر ما نذكر من الناس غالين

اليوم ياعيني علامك ترفين=ولانتي على العادة بنثر الدموعي
أمايبي يلفيك علم ماهو زين=والا اتذكر ماغدى من ربوعي
ياكثر مانذكر من الناس غالين=حدر الثرى ماعاد فيهم رجوعي
راحو مراح منه ماهمب ملفين=صارت منازلهم عذاب للشوعي
الله على وقت مضى مثل هالحين=ابعد علي اليوم من حب كوعي
الياذكرته والمخاليق غافين=جريت مايفتح مفالج اضلوعي
يوم ان وقتي مقبل يا ادعج العين=عروس عشق ومعجبتها الدفوعي
دنيا نبي منها عدال الموازين=وتميل لوني في خطاها جزوعي
تضحك لناس بالفرح مستمرين=وناس تجيهم بالكدر والفجوعي
وصارت بها سود المفانع شياهين=وفحولها صارا اتبوع التبوعي


القصيدة للشاعر المعروف" صقر النصافي "

اشراق ,دمعة حنين ,رهام معجبون بهذا

الموضوع الأصلي: يا كثر ما نذكر من الناس غالين || الكاتب: محروم || المصدر: منتديات انين الروح

https://www.anin-ro7.com/vb

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر