رواية بردان ياحضن الدفا عطشان واظماني الجفا

البارت 42 ..





عن كل نجم ظهر بسدل أجفاني
لعل ما عيش حزني لحظة غروبه

وعن كل خل طويل الصمت كفاني
الصاحب اللي قليل الهرج عذروبه

وعن كل ثوب جديد بالبس أكفاني
وأدله ولا ألقى رسايل هم في جيوبه

أنا الجفا ليه أخاف الناس تجفاني
وأنا الحبيب الذي من يعشق عيوبه

راعي الوعد وأن صدق مرة ولاقاني
يحتار بين السراب وقلب محبوبه

يامن عذابه يشققني ويرفاني
فرقاك غصب علي بالحيل مكتوبه

خبرت نصف تعب من نصفه الثاني
بعضي الرماد وبعضي نار مشبوبه



" المبدع .. بدر بن عبدالمحسن " ..





:
:
:



بعد ثلاث شهور ..




شركة الفارس ..


دخل سعود على بتال ومعاه ملف .. رمى الملف على الطاولة و بتعب / خلصت ..
بتال كان يطالع بالاب توب و مركز بالشغل .. طالع سعود وهو رافع حواجبة باستغراب / و ليش معصب ..
سعود تافف / مو معصب بس تعبان شوي .. و وراي شغلة ضرورية ..
بتال لف كرسية شوي و سحب الملف و هو يطالع بالملف / ايش هي الشغلة ..؟
سعود يعدل نسف شماغه .. ابتسم / رايح اشوف البيت اللي ابي اشترية .. " وبسخرية مع قهر " .. مهر بنت عمك ..
بتال ابتسم و هو يطالع بالملف / العيب مو في بنت عمك .. العيب في قلبك ..
سعود بنبرة مقصود / قلبي و الا قلبك ..
بتال ابتسم بوجع و هو يقفل الملف .. سحب جواله و فتحه .. و بحه محملة بتعب / ما ودك تروح لشغلك ..
سعود هز راسة .. و بهدوء / رايح .. الله يبلي اللي حبيناهم بحب يجعلهم يمسون ويهذون باسمنا ..
بتال رفع راسه يطالع اخوه / هههههههههههه .. لالا .. ههههههه .. العوبة انهتك خلاص ..
سعود ابتسم وهو يعضي شفته السفلية بقهر .. اشر لاخوه بيده .. " مع السلامة " .. و طلع ..
بتال رجع يمسك جواله و هو يقلب في صور سلطان والظبي .. ابتسم بشوق / كبرتوا يا عيون بابا ..
" تنهد بشوق " .. وحشتوني .. متى امكم ترحمني .. " تنهد " .. الله كريم .. الله كريم ..







ـــــــــــ







بيت ابو عبدالعزيز ..



صلاح ينزل فنجان القهوة وبقهر / انا بس ابي اعرف .. من يوصل لها الاخبار .. وايش اللي هي فهمته ..
و ايش اللي احنا ما فهمناه .. هالبنت بتجنني .. الا جننتني وخلاص ..
متعب بضيق / و حنا ابتعدنا عنها .. و من يوم سكنوا عند اهلها .. وحنا ما نجلس معاها ولا نعرف ايش اللي تبغيه ..
صلاح فرك جبينه بتعب / قالت لي بصريح العبارة .. اضعف لي شركة الفارس ..
سالتها ليه .. قالت لي نفذ الحين وبعدين اقول لك .. " طالع متعب " .. ايش تفهم من كلامها ..
متعب يهز اكتافه / ما ادري .. العنود ما تفهم لها الا لكلمتها وجه لوجه ..
صلاح بعصبية / انا كلمتها .. قلت لها بتكسرين اهلك .. بتطعنينهم بالظهر .. صرخت عليه و عصبت ..
و من بعدها ما تكلمني .. الا برسايل .. ويوم قلت لها ما راح انفذ اللي تبينه .. و دعمت الفارس بمشاريع ..
جن جنونها .. و سحبت كل الصلاحيات و التوكيل و حولته لـ غنام .. " سكرتير راكان سابقا " ..
متعب بنظرات ساخرة / وتسال من يوصل لها الاخبار .. اكيد غنام ..
صلاح بثقة / لا .. لو هو غنام ما كان كل طالعة ونازلة بلغني عنها ..
متعب بتساؤل / قايلك شي عن شركة الفارس ..
صلاح هز راسة / ايه .. قال ان خسروا الفارس مشروع .. بس المفاجأة قبل شهر .. سند كبر راس المال الشركة ..
و صار شريك بالنسبة اكبر .. و رعد كذلك زادت نسبته .. والعنود من عرفت ما عاد كلمته ..
متعب بخوف / ليكون تعبت .. و حنا ما نعرف ارضها من سماها ..
صلاح هز راسة / لا ما صار فيها شي .. لو صار شي كان عرفنا .. وانت مصدق ان راكان وطلال ما يعرفون مكانها ..
متعب بقهر / ويوم يعرفونه ليه ما يقولون لنا ..
صلاح و هو يتنهد بضيق / يمكن اوامر العنود ..
متعب ضرب رجلة بقهر و عصبية / هالبنت بتذبحني ..






ـــــــــــــــ


بالمزرعة ..



صوت صراخ و ضحك سلطان والظبي بكل الصالة مسموع .. مع ضحكات سارة و نايف ينشد ..

حـمـام ياشـادي الـواحه
هيضتني يانـزيـل الـدوح
الـروح ماهـيب مـرتاحه
من حالـهـا والجـروح جـروح
لا شافـت الطير بـجـنـاحـه
يـكفـخ وجـو الـفـضاء مـفـتـوح
قامت بـالاشـوق نواحــه
لاشـك عـيـا يـسر الـنوح
صحيح مافـي الهـوى راحـه
لاصرت فـي غـابـتـك مـطروح
والـحـب بـلـواه فـضـاحـــه
راعـيـه لـو يجـحـده مـفـضـوح
شـكـواه مـاتـشـفـي جـراحـه
والـروح خـطـر عـلـيها تــروح
دايــم بالاسـرار بواحــه
لو كان مافي الحكي مصلوح


" خالد بن سعود الكبير " ..


العنود وهي على الكرسي الهزاز وتطالع المزرعة من خلف زجاج الشباك الكبير ..
تنهدت / الروح ماهيب مرتاحه ..من حالها والجروح جروح ..
سمعت صوت نايف قريب منها .. وهو يكمل غناه ../ شـكـواه مـاتـشـفـي جـراحـه ..
شـكـواه مـاتـشـفـي جـراحـه .. والـروح خـطـر عـلـيها تــروح .. والـروح خـطـر عـلـيها تــروح ..
دايــم بالاسـرار بواحــه .. دايــم بالاسـرار بواحــه .. لو كان مافي الحكي مصلوح .. .. لو كان مافي الحكي مصلوح ..
نايف وهو يمسح على شعرها و بهدوء / عنودي ..
العنود من قرب نايف عندها غمضت عيونها .. وبهمس / هممممممم ..
نايف بهمس / ازعجتك ..
العنود ببحه / لا .. غاني مرة ثانية ..
..... من وراهم / ايش رايك انا اغاني لك ..
العنود فتحت عيونها بسرعة و بحدة طالعت براكان اللي كان لبس بنطلون زيتي و بلوزة بيج مخططه بزيتي ..
راكان نزل نظاراته الشمسية و يقبل راس العنود و توجه لشباك اللي قبال العنود / ايشلون صحتك الحين ..









قبل ثلاث شهور ..




قبال العناية المركزة ..
نايف بعصبية و صراخ / ايش سويتوا لها .. هذا اللي وعدتني فيه يا راكان .. تهتم بها وتسمعاها ..
تبطل تعاندها .. هذي اخرتها .. ذبحتتتتتتتتتتتها .. غييييببببوبة يا راكان غيبووووووبة ..
راكان يشد بشعره مقهور و زعلان على حال اخته / .........




بعدها با عشر ايام ..


الممرضة .. / انا متاكدة انها فتحت عيونها ..
الدكتور برسمية / يمكن صحيت ورجعت للغيبوبة ..



دخل لغرفة اخته ..
شافها بنفس الوضع ..
كانها نايمة طبيعي .. قرب منها و هو يجلس على ركبتها مو مهتم للوجع ..
مسك يدها و قبلها .. و همس / عنود .. حبيبتي .. اذا تسمعيني اضغطي على يدي ..
العنود ضغطت على يده و فتحت عيونها بهدوء .. نايف بفرحة وقف / عنود ..
العنود بهمس خافت وهي تمسك يده / هششششش .. ابيك بشغلة ..
نايف بمحبة / امري ..



بعد يومين ..

ابو سطام بتعب / وين راحت .. علموني ..
راكان بقهر / ما ندري .. لو كنا ندري كان شفتنا قاعدين يا جدي ..
ابو سطام بضيق / كله مني .. كله مني .. هي حلفت .. وانا ما صدقتها ..







الان ..



العنود بقهر وهي تطالع بنايف / ليه قلت له ..
راكان ابتسم وهو يلتف لها / العنود .. ترا انا اللي قلت لنايف يجيبك هينا ..
و زياد هو اللي يجيب لكم الاكل و اللي تحتاجونه ..
العنود بصدمه تطالع راكان / .................
راكان جلس على كرسي ثاني جنب العنود و بهدوء / كيف صحتك ..
العنود صدت عنه و هي تطالع غروب الشمس / بخير ..
راكان بنبرة مقصودة / واخبار الشركة .. و اوامرك .. و مخططاتك ..
العنود طالعته وهي رافعة حاجب / ايش قصدك ..
راكان تنهد وهو يهز الكرسي و يطالع الشباك / فتحت شركة صغيرة .. شركائي طلال و زياد و سيف ..
النسبة الكبيرة لي انا .. و بعدي طلال و زياد نفس النسبة .. و سيف نسبته صغيرة جدا ..
العنود ببرود / مبروك .. وانا ايش دخلني تقولي عن شغلك ..
راكان وقف وهو يسمع اذان المغرب .. وبنبرة مقصودة / علشان شركة الفارس .. لا تتعرضين لها ..
العنود رفعت حاجب بسخرية .. راكان بادلها بنفس النظرة و تركها و طلع ..
ساره دخلت عليها .. كانت لبسه بنطلون اسود ضيق و عليه بلوزة بيضاء عريضة توصل لنص الفخذ ..
قاصة شعره مدرج قصير .. لنص رقبتها .. وبسبب الحناء صاير لونه احمر .. بابتسامه / العنود ..
العنود طالعت ساره وابتسمت .. من لمن سوت العملية و شالت اثار الحرق تغيرت نفسيتها / هلا بشيخة البنات ..
ساره / ههههههههه .. من انا والا هالصغيرونه الحلوة .. " وهي تمشي شيخه قبالها " ..
العنود تحضن شيخه و تقبل خدها / فديت شيخة البنات اللي كبرت وصارت تحط شباصة بشعرها ..
شيخه تلفت بالمكان مستغربه .. ساره بضحكة / وصارت تمشي ..
سمر بهدوء / السلام عليكم ..
العنود بهدوء و قفت / وعليكم السلام ..





ـــــــــــــــ





بيت ابو سند ..



سند توه داخل البيت بعد ما صلى المغرب ..
سحب جواله من جيبه و فتح المكالمة / هلا حسني .. " عقد حواجبه " .. وعليكم السلام .. خير حسني ايش فيه صوتك ..
" رفع حاجب " .. من .. " وبثقة " .. لا ما عليك .. راشد سافر خلاص .. تطمن .. من اللي يسالك .. وعن ايش .. اهاا..
" باستفسار " .. ومن معاه .. ايه .. ايه .. طيب حسني .. انت خلك طبيعي .. دقايق و جايك .. بس لا تقول لاحد ..
" قفل المكالمه و رجع جواله لجيبه .. توجه لسيارته .. شغلها و طلع من المجمع متوجه لـ الشاليه "..




ــــــــــــ





بيت ابو صقر ..
رجعت مياسة بعد ما انكتب البيت باسمها و غيرت البوية " صبغ الجدار " .. و الاثاث ..
وهذا اول يوم لهم .. بعد التغيير ..



ريهام تعدل و قفتها .. وهي تتالم من ظهرها / ااااه .. احس ظهري انكسر ..
رنا تنهدت .. و بفرحة / اهم شي انه خلاص بنرتاح .. و بنقعد في بيتنا .. بحرية ..
روان ابتسمت / انتي مو مطوله .. الدراسة قربت تخلص .. و العطلة شهر و تبدا ..
ريهام صدت بضيق / ................
رنا كشرت و بقهر / انا كل ما جيت ابي انسى تذكريني ..
روان / هههههههههههههه ..
ريما دخلت و وجهها ذابل / ايش فيكم ..
رنا بقهر / هالملقوفه روانوه .. ما تشوفني مستانسة الا تطري العرس ..
ريما ببرود / اذا ما تبين بدر قولي ما ابيه .. و محد راح يغصبك عليه ..
ام صقر دخلت عليهم و بعصبية / ايش ذا الكلام .. مو تاخرت الملكه معناتها خلاص ..
رنا لبدر .. وريهام و روان ربي يرزقهم .. وانتي هذا حنا خلصنا من البيت .. ترجعين لزوجك ..
ريما بضيق / يمه .. انا و غيث خلاص .. انتهى اللي بينا ..
ام صقر بعصبية / وليه .. ايش الموضوع ..
ريما انفجرت بكي / خلاص يمه .. ما ابيه .. معاد احبه ولا هو يحبني ..
رنيم دخلت و باستغراب / ايش فيكم .. " تنهدت بضيق " .. رجعنا لسالفة غيث وريما ..
ام صقر بحدة / اقول انتي وياها .. انتم عارفين ان ...... " سكتت و هي تطالع ريهام ورنا وروان " ..
ما ابي اتكلم .. " طالعت رنيم وريما " .. وانتم الحقوني .. لزم اتكلم معاكم ..
رنيم اتكت على الجدار و بيدها شال فهد .. مرت من قبالها امها و لحقتها ريما اللي تمسح دموعها ..
رنيم طالعت خواتها .. وبتعب / فهد نام بالصالة .. كل شوي طالعوا له .. نيمته على الارض ..
روان توجهت لها / انا رايحه عنده ..
رنيم تعدلت بوقفتها / طيب ..
ريهام رمت الفوطة اللي بيدها و جلست على الكرسي .. رنا طالعتها و بهمس / ريهام ..
ريهام و هي تطالع اظافيرها / هممممم ..
رنا بهمس و كان خايفه احد يسمعه / ظنك من جد ابوك مسافر .. والا بمكان ثاني ..
ريهام طالعتها و باستغراب / اذا مو مسافر اجل وين ..
رنا رفعت كتوفها / ما ادري ..
ريهام بطفش / فاضية صراحة ..
رنا كشت بيدينها على ريهام / مالت .. " وصدت عنها .. تكمل تمسيح الدولاب " ..






ــــــــــ





بيت ابو عناد ..




ام عناد بحنان / استودعت الله اللي لا تضيع و دائعة .. ربي يحفظك .. فمان الله .. لا تسرع ..
و لوقف عند الاشارة .. قفل الباب و الزجاج .. انتبه لنفسك .. و لا تطالع بالجوال .. طيب .. فمان الله ..
ابو عناد بسخرية / مو توك قايلتها له و هو عندك ..
ام عناد " نزلت جوالها على الطاولة " .. / اذكره .. فيها شي ..
ابو عناد هز راسه / لا .. بس التخرف ذا بطليه ..
عناد / هههههههههه يبه .. خلها على رحتها ..
ابو عناد هز راسه برضاء / انت الحين قلي .. تباني اخطب لك والا لا ..
عناد تنهد / والله يبه ما ادري اشلون نخطب و نفرح و ام سلطان ما ندري عن مكانها ..
ابو عناد بهدوء / لنا شهرين ونص .. وحنا ناجل .. وراكان قالها لك .. مشي امورك انت واخوك ..
و انا عندي احساسه بانه يعرف مكان اختها .. ولو ما يعرفه ما كان زين امور شركتها و فتحها ..
عناد بهدوء / والله ما ادري يبه اذا يعرف مكان اخته .. بس امور الشركة من زمان وهو يشتغل فيها ..
ابو عناد / الله يوفقه .. انا كلمت عمك فهد .. وقال بيشاور البنت ..
عناد بهدوء / خير ان شاء الله ..
ام عناد تنهدت بضيق / وربي يرزق ريهام .. والله انها مو عاجبتني ..
ابو عناد هز راسه و بهمس / ريهام جاها نصيبها .. و ان شاء الله ان امرها تزين ذا المره ..
ام عناد بتساؤل / من خطبها ..
ابو عناد بهمس / قالي سلطان .. يقول خالتي شارت عليه يزوج زياد .. وسالوا زياد و زياد ما عارض ..
عناد هز راسه / انا سمعت راكان من قبل قال شي عن ذا الموضوع .. " و باستغراب " .. بس اذكر ان زياد مو موافق ..
ام عناد / يمكن غير رايه .. و ليه ما يوافق .. " التفتت على ابو عناد " .. و فارس و ابرار ..
ابو عناد / طلعت نتايج تحاليلهم .. و الملكه ان شاء الله مع بدر و عناد وزياد .. باذن الله نفرح بهم جميع ..
عناد بابتسامه / انا لا تلزقوني فيهم .. انا خلوني لحاااااااااال .. وعلى كيفي ..
ابو عناد بضحكة / ايش بتسوي .. وين عناد الاول .. اللي ما يعجبه الحال المايل ..
عناد / والى ذحين ما يعجبني .. بس انا ما ابي الرجه .. ابي ملكتي عادية و بسيطه وبدون جنان .. رواقه ..
ام عناد وابو عناد ابتسموا .. ابو عناد / ربي يتمم فرحتك .. و يطول بعمرنا و نشوف عيالكم ..
عناد يقبل يد ابوه / ربي يخليك لنا .. " حس بالجوال .. سحبه من جيبه وشاف المتصل .. " ابو فهد " .." ..






ـــــــــــــــــ




بالشالية ..





ياسر يغني بصوت عالي و هو يزين الفحم لشوي / ياليل خبرني عن امر المعاناة .. ياليل خبرني ..
يالليل خبرني عن امر المـ.. " قطع عليه صوت احد ثاني يغني .. رفع راسة وبارتباك رمى العصى اللي بيده ..
و صار يمسح يدينه في بنطلونه الجينز الازرق " .. / هلا ..
سامر و صقر و كم شاب اصدقاء لياسر و سامر و صقر صارو يطالعون في بعض ..
سامر و صقر و ياسر مرتبكين و متوترين .. الشباب يطالعون فيه باستغراب .. واحد منهم / ماعرفتونا ..
سند جلس على الفرشة وسحب التكاية و تكى عليها .. و بصوته الحاد / معاك سند ..
بتال جلس جنب سند و اتكى و هو يلف السبحه على اصبعه بحركاة دوران / معاك بتال ..
عناد يرفع عاقلة و يشده على راسة ويرجع ينزله بين يدينه و بصوت بارد و كانه مو مهتم بس النبرة ما تطمن / عنااااد ..
الشباب طالعوا في بعض و شكل الوضع ما يطمن .. و قف واحد منهم / يبدو ان و جودنا غلط ..
ياسر وقف و بارتباك و هو يبتسم / لا .. هذا اخوي و عيال عمي .. ااا .. يتعرفون عليكم ..
عناد بسخرية وهو يلف عقاله على يده / اقول يويسر كم الفرق بينك و بين اللي معاك ..
ياسر طالعه وهو عاقد حواجبة بضيق .. و احد من الشباب / اعمارنا متفرقه .. انا 24 سنه ..
و هذا اخوي 15 سنه و هذا ... " قاطعه سند بنظرات حادة نارية " ..
سند بحدة / نعرف كل شي عنكم .. الله يستر علينا وعليكم .. " واشر له بحاجبه .. اطلعوا " ..
الشباب طالعوا في بعض بعصبية و قهر .. طالعوا في ياسر و بسخرية / ما دام انك بزر ليه تجي عندنا ..
و احد من الشباب و هو يشرب مشروب غازي / يا ابو .. لا انفطمت من حليب الماما والبابا تعال عندنا ..
" طالع سامر و صقر " .. وانتم يا الذنب .. لا عاد نشوفكم .. " وبخبث " .. لا ناكلكم ..
" وهو يغمز ويرسل لهم بوسة في الهواء " .. " سامر و صقر طالعوه بقهر " ..
عناد كان بيوقف و يربي هالمسخ .. لكن بتال مسك يده .. بعد ما طلعوا .. عم الهدوء المكان ..
سند بامر لسامر / صب شاهي ..
سامر ارتبك .. / اغيره لكم لان برد ..
بتال بسخرية / لالا .. و تعلمنا ..
سند ارتخاء على التكايه وغمض عيونه و بهدوء / انا ابي اريح شوي .. لخلص العشاء صحوني ..
ياسر من طلعوا الشباب التفت على الفحم و صار يقلبه و ينتبهه للحم و معطي الشباب ظهرة و هو متوتر ..
عناد سحب شماغه و نزلة جنبة و ريح جسمه .. و بتال نفس الشي .. عناد بتساؤل / وين راكان ..
بتال باستغراب / من جد ما تدري ..
عناد هز راسه / اي والله ما ادري .. ليه عسى ما شر ..
بتال تنهد / راح لأخواته .. و بعدها بيروح لخالاته بتبوك .. يبي يتطمن عليهم ..
عناد باستغراب / يعني يعرف مكان اخته ..
بتال تنهد / الله يهديك .. الخطه كلها من راس راكان و .. " اشر على سند " .. هالمنسدح ..
عناد رفع حاجب و بعصبية / وحنا لنا شهور ندور و شايلين هم .. " طالع بسند " .. و هذا يغيب بالايام ..
و لا سألنه قال ادور على نايف و خواته .. " اخذ فنجان قهوة كان طايح قباله و رماه على سند اللي كان غافي "..
سند فز بخوف و قعد .. وبعصبية / ايش فيه ..
بتال انفجر ضحك / هههههههههههههههههههههههههههههههههههه ..
عناد رفع حاجب و كتم ضحكته / تستاهل علشان مره ثانية ما تلعب علينا ..
سند بغضب / عنااااااد .. ايش الخبال هذا .. مانت شايفني نايم .. " نفض يده بالهواء و رجع انسدح وغمض عيونه "..
عناد و بتال عرفوا ان سند مو متحمل شي .. واضح ان عنده موضوع كبير .. سكتوا و كل واحد مسك جواله ..
و صار يطقطق فيه .. اما ياسر و صقر وسامر فالرعب تملكهم .. سند معصب و واضح ان جيتهم مو عابره ..







ـــــــــــــــــ






بمزرعة العنود ..


بعد العشاء ..




راكان جلس جنب العنود و اخذ فنجان الشاهي .. وبهدوء / ايش رايك بعد بكرة نروح لتبوك ..
خلود وخديجة ولدو وجدي سوا عمليه فأشرايك مره و حدة نسلم و نغير جو ..
العنود طالعته وبهدوء / اممممم .. نروح ..
راكان مسك جواله و صار يطقطق فيه ... ابتسم / فيه باقي من العشاء والا خلصناه ..
العنود باستغراب / لا اتوقع فيه ..
راكان ابتسم / تاكدي لان بيجونا ضيوف ..
العنود باستغراب / من الضيوف ..
راكان / ههههههه واحد ملقوف و زوجته و عياله .. اسالي قبل لا يوصلون ..
العنود رفعت جوالها و اتصلت على زهرة و قالت بان فيه عشاء و طلبت منه تبلغ الشغالات يجهزونه ..
راكان صور الظبي وسلطان و طقطق بالجوال و بعدها قفل الجوال و رماه جنبه ..
العنود طالعته و بهدوء / ايش عندك ..
راكان رجع يصب له شاهي ابتسم و بنبرة مقصودة / سلامتك ..
العنود تنهدت و هي تصد عنه / .................
راكان طالعها و بهدوء / انا عرفت كل شي .. كل اللي يملكة ابوي و اللي تملكينه .. بس فيه سؤال محيرني ..
ليه جدتي الظبي كتبت كل اموالها باسمك .. ما عداء كم عماره و كم محل باسم خلود وخديجة .. ليه ..
ليه ما كتبت شي باسم نايف .. و ابوي كان كاتب و صيته من قبل سنين .. وليه اسهمه بالشركة باسمك و باسم سند ..
العنود بغموض / ............
راكان بهدوء / عنود .. ابي افهم .. ايش اللي بينك و بين سند و شركة الفارس ..
صلاح جاني و قال انك تبين تخسرين شركة الفارس .. ليه .. وانا اعرفك مانتي طعانت الظهور ..
العنود تنهدت / هذي وصيت ابوك .. شركة الفارس ترجع تحت جناح سطام ..
راكان باستغراب و عدم فهم / كيف يعني ..
العنود التفتت على اخوها / شركة الفارس اساسا اسسها ابوك .. و لمن راح الرياض .. تركها لجدك و عمامك ..
و عمامك طلعوا ابوك منها .. ولمن استقر ابوك بالرياض .. قال ان شركة الفارس لزم ترجع تحت سلطة شركة النايفه ..
راكان بتفهم / يعني تكون من ضمن مجموعة النايفة ..
العنود هزت راسها / بالضبط ..
راكان تنهد / و انتي كيف كان ودك ترجعينها .. تكسرينها .. و تكسرين عمامك .. طريقتك خطاء .. كذا تذلين عممامك ..
العنود طالعته و بهدوء / يعني ؟؟!
راكان بهدوء / كان بامكانك ترجعينها تحت مجموعة النايف بطريقة تزيد قوة لعمامك مو تضعف ..
العنود رفعت حاجب / هااااا ..
راكان بهدوء / ابوك سنين وهو يدعم شركة الفارس .. وحتى لمن كان بعيد عنها كان يدعمها ..
و اي احد يبي يضرها كسره .. وهو مايبي يشارك اخوانه لانه مكتفي باللي عنده .. و تدرين ان ابوي الله يرحمه ..
كان يبي يدعم عمي عبدالعزيز علشان يفتح شركة مستقله له ولعياله .. و لعمي خالد بعد .. بس بفضلك ..
هديتي هالاشياء .. " هز راسة " .. انتي فهمتي طلبة بطريقة عدوانية .. ما ادري ليه ..؟
العنود بعصبية / ليه .. لان الفارس ما قدموا لابوك و لا لانا شي .. كانوا يتعاملون معانا بجفا ..
فتعاملت معاهم بجفاء .. جدتك قبل و بعده ابوك .. و بعده انا .. اشلون اقدم لهم شي فيه خير ..
راكان بصدمة / عنود ..
العنود مسكت راسه / اص راكان اص ..
راكان طالعها بضيق و حزن .. وقف و مسح على شعرها .. / اهدي .. وبعده راح نتكلم ونوضح الامور ..
تركها نزل تحت و هو ضايق على حال اخته .. عمرها ما شاف العنود بهالقسوة و هالضياع .. وقف على درج المدخل ..
وهو يفكر بايش راح يسوي مع العنود و يرجعها لوضعها القديم بايام ابوة و جدته ..
سمع صوت سيارة توقف و راه .. التفت و شاف طلال نازل وهو لبس برمودة بيضاء و بلوزه زرقاء ..
راكان ابتسم / يالله ايش هالنشبة ..
طلال ابتسم / بس حلوة ..
راكان انتبه لمرام وهي تنزل من السيارة صد عنهم و هو يقول / جيب لي عزوز بس ..
طلال اخذ عبدالعزيز من يدين مرام و تقدم لراكان .. مرام دخلت للفلة وهي تمسك يد مريم و تمشيها معاها ..
و الشغالة وراها شايلة شنطة عبدالعزيز ..اللي تو ما اكتمل عمره شهرين .. ابتسمت اول ماشافت سارة ..
مرام بابتسامة / ما شاء الله .. " بعد ما سلمت على سارة وسالتها عن الحال و الاحوال " .. محلوة يا بنت ..
ساره تنفخ خدودها / صرت دوبيه ..
مرام بضحكه / هههه لا والله جسمك ما شاء الله صار روعه .. و غمازتك وضحت مره .. الحمدالله على سلامتكم ..
ساره ابتسمت / الله يسلمك .. و الحمدالله على سلامتك .. وين عزوز .. جايبين له هدايا كثيييرررر من امريكا..
مرام ابتسمت / فديتكم .. و ين العنود وسمر ..
سارة و هي تدخل مرام / العنود هينا بالصالة .. وسمر راحت تنيم بنتها ..
دخلت مرام وهي مبتسمه / السلام عليكم ..
العنود ابتسمت وقفت / و عليكم السلام .. هلا وغلا ..






ــــــــــــــــ

:







بالشالية ..




بعد العشاء ..

سند يمسح يدينه بالمناديل وبسخرية / والله تعرف تضبط العشاء يا يويسر ..
ياسر بهدوء يخفي رعبه وتوتره وهو يصلح ابريق الشاهي على الفحم / هني وعافيه ..
سند طالعها بنظرات حادة و هو يفرك با اصابعه / ............
عناد بسخرية / اقول يويسر .. من وين اشتريت هالتيس ..
ياسر بنفس الهدوء وهو يشوف لون الشاهي / من ابو محمد ..
بتال بسخرية وكانه مقهور / تؤت ؤ تؤ .. ايش ذانب التيس المسكين ..
لو ذبحت واحد من هالتيوس اللي تسحبهم وراك يا الثور ..
ياسر وسامر و صقر " ينتظرون لحظة القصاص " / .................
سند طالع صقر و اشر براسة على ترمس الشاهي الي قبل قالهم يصبون له منهم / صب لي فنجان من ذا الترمس ..
صقر يبلع ريقه / بردت و اختلف الشاهي .. ياسر سوا ابريق جديد ..
سند توجه لترمس و صب له فنجان .. شرب منه و حس بمراره غريبه رمى الفنجان و الترمس على الارض بغضب ..
سند بغضب / تضحكون على من انتم .. على بالكم نايم على اذني .. وما ادري بسواياكم .. " وبسخرية " ..
لا .. وبدير مسوي فيها كبير و مغطي على افعالكم .. ما اردا منكم الا هو ..
ياسر بعصبية و قف / حنا كبار و عقلنا براسنا .. يعني انتم اللي تسـ....
كف من يد سند خله يلتف بالرمل .. ياسر حط يده على خده .. سند بعصبية / و الله و طلع لك صوت يا ياسر ..
سامر الي كان مرة يطالع ياسر ومرة سند و بنص عين يطالع بتال لم يدينه على صدرة ويطالع سامر بنظرات حارقة ..
صقر قابض يده و حطهم على فمه .. و يطالع ياسر و الدم طلع من فمه ..
لكن شهق اول ما شاف سند يضرب ياسر بالعقال .. التفت على عناد اليقال بسخرية / جايك الدور يا الصقر ..
صقر التفت برعب على سند اللي يتلفظ على ياسر باشين الالفاظ و ارذلها ..
سامر برعب يطالع ياسر .. حس بخدر برجولة ويدينه .. ما يدري كيف عرفوا .. كل اللي يسوونه كان بسر ..
التدخين .. التفحيط .. معاكسات البنات .. السهر .. المنشطات .. السحب عن الجامعه .. لمن طولوا و محد عاقبهم ..
فكروا ان محد يدري عنهم . ولا احد يراقبهم .. حس بشي حار على ظهر .. شهق وهو ينقز يبي يبتعد ..
بس حس بالضربة الثانية من عقال بتال اللي حس فيها انها قسمت ظهرة بنص ..
صقر انفجر بصراخ عليهم لكن عناد كان اسرع و بدا بجلد صقر ..






ـــــــــــــ







بيت ابو طلال ..


بالصالة ..


ابو طلال يقبل يدين صغيرته هيام .. و يلعبها ..
نوال جلست تحت الكنبة وهي ترج الرضاعة .. / بابا .. ابي ارضعها ..
ابو طلال يبتعد عنها / طيب .. " وبتساؤل " .. وين مريومه الصغيره ..
الجازي بهدوء / اخذهم طلال و راح لاخواته ..
نوال تمثل .. تنهدت بحزن / اخونا باعنا يبه ..
ابو طلال مو فاهم شي / انتم ايش تقولون ..
مريم بضحكة / طلال يوم عرف ان راكان رايح لاخواته العنود وسارة و قام قال لمرام اجهزي رايحن لهم ..
ابو طلال ابتسم / خله يروحن لها .. " تنهد بضيق " .. يمكن يريحون نفسيتها شوي ..
الجازي بضيق / اي والله .. مسكينه هالبنت .. ما شافت يوم حلو من طيحت ابوها ..
ابو طلال بضيق و حزن / ربي يفرجها عليهم .. و يعنهم .. " التفت على نوال بهدوء ".. بابا نوناا ..
نوال رفعت عيونها باستغراب وهي كانت تطالع بهيام وهي ترضع بحضنها / اوووووه ..
بابا انت تدلعني .. من زمان ما سمعتها منك .. نونا .. ايش صار ..
ابو طلال ابتسم / بكرة تسمعينها كل يوم من غيري اللين تلوع كبدك ..
نوال عقدت حواجبها / ايش قصدك ..؟
ابو طلال بهدوء / صار لزم تجهزين لزواجك .. سعود اليوم اشترا فله صغيرة .. وكتبها باسمك ..
نوال بحرج / ................
الجازي تنهدت / انا قايلة لها من زمان تشتري اغراضها وتجهز امورها برواقه لكن هي ما تسمع الكلام ..
ابو طلال بسخرية / مصدقة ان بتقعد اللين ما سعود يجمع مهرها ..
نوال بصدمة / وعسى مو منفذ شروطي ..
ابو طلال ببرود / من قال .. لا يا بابا بيدفعهم كلها وبنفذها .. بس تتزوجون و يدفعها بالاقساط ..
نوال بقهر سحبت الرضاعة من فم اختها / لا هذا غش ما يصير بصراحه ..
ابو طلال رفع حواجبة و فتح عيونه / ايش اللي غش ..
نوال وهي تحرك يدها والرضاعة فيها / انكم تقولون له خلاص خـ.....
الجازي تسحب الرضاعة بقوة من يد بنتها و هي تسكت الجازي باليد الثانية .. وبعصبية / قومي ..
نوال تطالع امها بخرعة / يمه ابـ.....
الجازي مره معصبة / اقول قومي من قدام وجهي .. بغيتي تذبحين اختك .. قووووووووومي ..
نوال تقوم بضيق / والله هذا ظلم حرام عليكم ..
ابو طلال / هههههههههههههههههههههههههههههههههه ..
ريان بشماته / تستاهلين .. انا قلت لك صيري اختي ومحد يقدر يقولك شي بس انتي تبين تصيرين اخت هويام ..
نوال بسخرية / هويام .. عاد من زينك علشان محد يخافون منك ..
ريان ينفخ صدرة / ايوه يخافون مني .. لاني انا السلطان سوليمااااااان ..
نوال تبوس وجه يدها وقفاها / يا ربي عفوك ..
ابو طلال يطالع بـ أولاده ويضحك عليهم .. مريم اخذت هيام الصغيرة اللي تو عمرها شهرين وصارت ترضعها ..






ـــــــــــــــ






يوم جديد ..




شركة الفارس ..


سلطان بعصبية / خلهم بالمزرعة .. وانا اوصي عليهم ابو محمد .. ان ما خليتهم يتربون ..
سند بضيق / بس اللي فرحني ان دمهم نظيف من المخدرات ..
سلطان تنهد / الحمد الله .. " و بنبرة مقصودة " .. و راشد ايش صار عليه ..
سند بجمود / وصل المدينه و سجنوه ..
سلطان بضيق / متى محاكمته ..
سند هز اكتافه / يقول المحامي اللي كلفه غيث انه بعد اسبوع ..
سلطان هز راسه بضيق / لا حول و لا قوة الا بالله ..
سند بضيق / الله يرحم خالي سطام لانه كان يحميه و يساعده .. تمادى عمي راشد بخطاه ..
سلطان وهو يرجع ظهرة على الكرسي / سطام ماكان يساعدة الا علشان البنيات .. خايف عليهم ..
لكن هو اللي تأذى الله يرحمه .. " وبصدمة " .. انا تفأجات يوم قلت حاولوا يقتلونه .. لكن راح فيها نايف و امه ..
الله يرحمهم ويغفر لهم جميع ..
سند بهدوء / اللي عرفته .. ان خالي كان يستخدم عمي راشد بدون لا هو يدري .. وكشف كثير من تجار المخدرات ..
بس لمن اكتشفوه ..كانوا بيقتلون عمي راشد .. بس هو تفطن بان الي يبلغ الحكومة هو خالي سطام وصار يلعب عليه ..
سلطان هز راسة / ولمن مرض سطام .. غيروا خططهم .. بان يسحبون راكان و نايف لعصابتهم ..
سند / بضبط .. " و باستغراب " .. بس ليه ما كانوا يتقربون من زياد .. برغم انه اخوهم ..
سلطان تنهد / بصراحة وانا عمك زياد مو عاجبني .. بارد و دايم سارح ..
سند هز راسة / اية انتبهت .. وراكان انتبه .. علشان كذا قال خله يتزوج راح ينشغل باله بعياله و يتحرك شوي ..
سلطان برضاء / ايه الله يوفقه .. راكان احسه هـ الايام مستكن شوي ومركز .. مو مثل قبل ..
سند بعذر / قبل كان مصدوم .. و الحين الحمد الله ..
سلطان بضيق / بس العنود مقطعة قلبي .. " و بهمس " .. شفت الشيب براسها .. من كثر الهموم شيب راسها ..
سند بضيق / ناسي كيف كانت حال خالي .. و بعد مات قدامها .. وبطريقة بشعه ..
سلطان هز راسة بالم / لا ما نسيت .. جعله بجنات النعيم هو وجميع المسلمين ..







ــــــــــــــــ







بالمزرعة "مزرعة الفارس " ..




ياسر بتافف / هفففففففففففففف .. انا احس راسي صار يطبخ من حرارة الشمس ..
سامر و هو ياكل تمرة / و الله ينطبخ من الشمس و لا من بربرة هالنيجيري اللي حاطه اخوك فوق روسنا ..
صقر بقهر / انا مو قاهرني الا ابو محمد .. كل ما كلمناه .. قال مالي دخل ..
سامر بتساؤل / الا اقول و ين صبري ..
ياسر وهو يعدل مجرا الماي / صبري راح من زمان .. من لمن راح نايف ..
سامر يشيل الترب الي طلعه ياسر من مجرى الماي و رماة بمكان بعيد ...
صقر / اقول ايش رايكم نروح و نشوف الكاسر .. " و بخبث " .. و نسوي له شي يفقع كبد بتيل ..
ياسر و قف شغل و رفع راسة / والله من البزرنه .. الكاسر طلع حق العنود .. وصبري اخذه معاه ..
صقر رفع حاجب و شاف ياسر عاقد حواجبه بغضب .. كمل شغلة في رص الحجارة على مسار الماي وهو ساكت ..







ــــــــــــــــــــ



بمزرعة العنود ..



العنود على ظهر الكاسر و تركض به بجنون ..
طلال وهو متكي على السياج و بجنبة راكان / اووووف .. معصبة ..
راكان بضيق / ما ابيها تعصب ..
طلال طالع بنايف و زياد و رجع طالع راكان / ايش بتسوي معاها ..
راكان ببساطة / راح اخذ كل شغل الشركة .. فرع الرياض راح يكون تحت يد ابو غازي مثل ماكان ..
وراح اكبر شركة الفارس .. اتفقت مع عمي و سند على هالشي .. و راح ابقى انا بشركتنا الصغيرة اتعلم فيها ..
طلال / انا اقصد العنود ..
راكان ابتسم / راح ارجعها لمملكتها .. تامر و تنهي .. و تفرح و تغني .. راح ارجعها العنود الغنوج ..
طلال رفع حواجبه / الله يعينك ..
راكان برد سريع / وانت معاي ..
طلال طالعه .. وبصدق / والله اني حبيت العنود و قربت من نفسي و فهمتني اكثر من نفسي ..
" التفت يطالع العنود " .. بس انا ما فهمتها ابد .. " وبضيق " .. برغم اني اشوف الحزن والضيق بكل تفاصيلها ..
راكان تنهد وهو يطالع اخته / ما كانت كذا .. بس اخر سنه كان و اضح الهم عليها .. و اكسرتني ..
طلال طالع العنود و سرح فيها .. وابتسم وتذكر بتال اللي حلف انه يجي لهم بالمزرعة .. طالع راكان ..
طلال بضحكة / راكان ..
راكان طالعة و باستغراب اشر له براسة / ايش فيك ..
طلال بضحكة / بتال جاي .. ايش رايك نحوسة ..
راكان صد وبضيق تنهد / والله يا طلال ماني فايق له .. انا كل ما اشوفه و اتذكر انه هو اللي كسر ظهر العنود ..
النار تشب بصدري .. انا ما احط الوم كله عليه .. بعد انا اتحمل و العنود و جدي .. كلنا ..
طلال بضيق طالع الصغار اللي يلعبون مع ساره و نايف ../ ما اكلها الا هالصغيرين ..
راكان هز راسه / وانا ايش اللي مضيق صدري غيرهم .. ما ابيهم يعيشون بفراق و شتات ..
طلال بنبرة مقصودة / يعني بترجع العنود لبتال ..
راكان تعدل بوقفته و هو يشوف العنود تنزل من ظهر الكاسر .. / اذا العنود رضت .. واذا لا ..
والله لو يحب القمر ما رجعتها له .. لو اوقف بوجه الكل .. " ابتسم للعنود " .. كبرتي و عجزتي ..
العنود ابتسمت وهي تتنفس بتعب / لا والله .. بس لان من زمان عن الرياضة ..
راكان بحنان / بس لاتتعبين نفسك ..
العنود جلست على احد الكراسي و هي تنزل بوتها .. و بسخرية / راكان ما تعودت منك هالحنيه ..
" وبحزم " .. لا تحسسني باني ضعيفة ترا اجيبها على راسك .. انتبه ..
راكان بضحكة / ههههههههه .. لا بس ابي احسسكم اني اخوكم الكبير .. " لعب بشعر العنود شوي و نزل يقبل خدها " ..
العنود طالعته بنظرات ساخرة و شفاتها ترتسم ابتسامه بارده .. طلال بضحكة / او ياذي النظرة تقتل الطموح ..
راكان يتنهد بمزاح / اااااه العنود من يومها قناصة و بمقتل ..
راكان سمع صوت رنين جواله سحبه من جيبه و فتح المكالمه و بضحكة / هلا .. ايش تبي .. مالك عيال عندنا ..
هههههههه .. طيب يا قوي .. حياك .. " قفل المكالمة و رجع الجوال بجيبة " .. بتال يبي عياله ..
قالها و هو يطالع بالخيول تدور بالميدان و تاكل من حشايش الارض .. العنود صدت عنه و صارت تطالع الخيول ..







باخر الليل ..



طلال و راكان و نايف و زياد يلعبون و رق .. " بلوت او باصره " ..
طلال بقهر يرمي الاوراق اللي معاه / لالالالا .. هذي ثاني مرة نخسر فيها ..
نايف بتافف / الحظ قايم معاك الليلة يا ابو شيخه ..
راكان / ههههههههههه .. الحمدالله .. والله يبعد عيون الحساد عنا ..
طلال يطالعه بنص عين وهو يريح نفسه و يتكي / اهاا بس لا يكثر .. يا كم مرة كسرنا فيها راسك ..
التفت وراه .. و شاف العنود و مرام و ساره و سمر جالسين على الطاولة و قبالهم مكسرات و ترمس شاهي و قهوة ..
و كلهم ملفتين بجلال الصلاة .. و مرام و سمر متبرقعات ..
طلال بابتسامه / عنود .. تعالي عندنا نبي نسولف معاك ..
العنود طالعته و ابتسمت / ايش تبغى مني ..
طلال يرفع حواجبه و بضحكة / اول شي .. بطلوا اكل من هـ المكسرات .. مغير بتنفخكم ..
مرام فتحت عيونها للاخير و هي فاهمه بانه يقصدها بالكلام .. شهقت بصدمة ..
طلال يكمل بخبث / ترا نعرس عليكم ان انتفختوا .. نبي وحده جسمه مثل غصن البان ..
العنود اخذت فنجان قهوة واعطته مرام و بتحريض / ارمية ..
مرام ما صدقت خبر و رمته على طلال .. بس طلال تحاشاة و ضرب بالتكاية ..
راكان و نايف وزياد / هههههههههههههههههههههههههه
طلال ابتسم / هههههههههه ام عزوز حبيبتي انتي لو تصير كبر البرميل احبك ولا اعرس عليك ..
بس انا اقصد امسيكينه ام شيخة ترا راكان ما ينضمن ..
راكان يضحك / ههههههههه .. طلاليل و الله لو تكلم من اليوم لبكرة .. سمر متاكده ان قلبي مبصوم عليه اسمها ..
ختم كذا .. " وهو يضرب يديه في بعضها " .. حصريا لسمر بنت سلطان .. حب الطفولة و المراهقة و الشباب ..
العنود تقوم من على الكرسي و هي تاخذ ترمس الشاهي و صحن المكسرات و تقدم من اخوانها ..
جلست بينهم و هي مبتسمه / جعل ربي يهنيكم و يخليكم لبعض .. " طالعت طلال و بهدوء و ابتسامه رايقة " ..
ايش تبي تسمع طلال بيك .. ايش عندك من سوالف ..
طلال بضحكة / هههه .. ام سلطان .. الله يهديك .. تعرفين اني اخاف من نظراتك ذي و نبرتك الباردة ذي ..
العنود ضحكت / هههههههههه .. " وبغنج " .. طيب علشانك راح نغيرها ..
راكان بنبرة مقصودة وهو يطالع ملامح وجهها / خلي نبرتك الباردة ونظرتك هذي لبكرة لجاء بتال ..
العنود رفعت عينها له و برود / و خير اذا جاء .. يبي يشوف عياله .. " وبخبث " .. ما يشوفني ..
راكان ابتسم و بخبث / بس يمكن يطلب يكلمك ..
العنود بحزم / ما بينا كلام ..
راكان هز راسة و بهدوء / طيب ..
طلال بيغير الوضع / امممم .. العنود .. احكي لنا شوي عن الظبي ..
نايف بضحكة / طلال ايش فيك .. من زمان و ات بس تسال عن جدتي ما كفاك اللي قاله لك جدي ..
طلال بحماس / لا .. ابي اعرف اكثر ..
العنود باستغراب / جدي كلمكم عنها متى ..
طلال بحماس / من زمان .. المهم انتي قولي لنا غير اللي قاله ..
العنود بضحكة / هههههه .. طيب هو ايش قالكم ..
طلال باعجاب / قالي قصة يوم جاهم ضيف بعد وفاة اخوانها و مرض ابوها .. كيف تعلمت الذبح و طبخته ..
العنود هزت راسها .. راكان با استغراب / الا اقول يا العنود .. الاموال اللي عند جدتي الظبي .. من وين لها ..
العنود بهدوء / ورثته من ابوها .. ليه ؟ ..
راكان باستغراب هز كتافه / جدي سعود يقول ان جدي جابر خسر كل امواله بعد و فات عياله و مرضة ..
العنود بهدوء / انا اقولكم السالفه .. اللي كثير ما يعرفها .. جدي جابر .. لمن ماتوا عياله و مرض ..
خاف على بنته .. برغم ان ولد عمها سند و اللي كان راح يكون زوجها ماييبه شي ومعروف برجولته و قوته ..
الا انه خاف ان يكون حب سند لـ الظبي علشان مالها .. قام و باع حلالة كلة و ترك امواله عند صاحبا له برا القرية ..
وقال لمت يجيك احد و ياخذ هالفلوس وكان بينهم بيت قصيد يعرف انه مرسول من صاحبة ..
و يوم من الايام .. كانت جدتي الظبي تطرز ثوب .. كانت تطلع قهرها وحرقة قلبها على اخوانها بتطريز ..
كل ماخلصت من ثوب تصدقتبه على واحد فقير عن نية واحد من اخوانها .. وهذاك الليلة .. دخلوا عليها حريم ..
واسالوها ايش تسوي باخر اللي ياظبي يوم تشعلين نارك و تغنين و تسولفين .. قالت وحدة .. ليكون حبيبك ..
قامت جدتي وقالت لهم ايه حبيبي .. وانتم اشغلتون عنه .. و طردتهم .. وهم احتروا عليها .. و راحوا يهرجون بقفاها ..
و زاد الهرج .. وتناقلوة من لسان للسان وهي ما تدري .. الين سمعه سند و جاها ابخر اللي و سمعها ..
و ضربها و قهرها وقهر ابوها .. وحلف ابوها انه يزوجها لراعي اللي ربه و لا يزوجها لسند ..
اللي حفت رجولة وهو يترجى بعمه انه يسامحة و يدلة على مكان الظبي ..
راكان بصدمة / يعني جدتي كانت متزوجة قبل جدي سعد ..
العنود / لا .. الراعي هو جدي سعد .. المهم ..
راكان يقاطعها / كيف تزوجها .. وين اخفاها ..
العنود تنهدت / بنفس الليلة .. الي سند ضرب الظبي فيها .. جدي ارسل واحد من الرعيان اللي حول بيته ..
ينادي الراعي اللي عند جدي .. و نادوه و ما طاع الشمس الاوهو عنده و الشيخ بعد موجود ..
وقاله انه يبي يزوجه لبنته .. وجدي سعد كان يهوا جدتي الظبي .. و فرح ان جدي جابر يبي يزوجه بنته ..
لكنه تفاجاء يوم قاله الحين تتزوجها وتاخذها وتطلع من الديرة وقبل لا تغيب الشمس .. ولا احد يعرف لكم طريق ..
و فعلا تزوجها وراح .. وبما ان بيته باطراف القرية محد عرف شي الا بعد ما كانت الشمس بكبد السماء ..
راكان / وليه جدي بنى بيته باطراف القرية ..
العنود / لانه يبي يبعد عن ريحة عيالة والاماكن اللي كانوا فيها .. لعل يقدر يصبر كبدة و يقويها .. المهم ..
بعد زواج الظبي بكم يوم توفى جدي جابر .. وما درت عنه جدت يالا بعد شهور .. جاها الخبر مع واحد من الرعيان ..
قابل سعد صدفه .. و بعد ما قدرت تشد حالها راح عند صاحب ابوها .. واخذت الفلوس منه ..
و حلفت انها معاد تقبل على بيت الفارس اللي قهروها فوق قهرها .. و زودوا قهر ابوها اللين مات ..
راكان / و جدي سعد .. ايش سوا معاها ..
العنود تنهدت / جدي سعد .. لقاه واحد من عيال عمه بعد سنين من زواجه .. بعد ما جابت جدت امي و خالتي شمه ..
و جابت خديجة .. و بينهم جابت كثير بس كانوا يموتون .. و قهرها و ظامها اكثر . .لانها كسيرة جناح ..
لكن سبحان الله .. ربي جمعها مع اخوها اللي برضاعة منصور .. و شدت نفسها .. وقدرت تقهر ال سعد ..
لكن جدي سعد كان ابليس مرافقه .. و قدر انه يبعدها عن اخوها .. بانه غير البيت .. وبعد سنين ..
قابلته بالمستشفى وهي توها والد بنايف .. و يوم عرفت بان جدي سعد وده ياخذ كل ما بحيلتها و يرميها ..
رضعت متعب حتى يكون عزوة لنايف .. الحقية بصلاح و ارضعيه .. ومن بعيد لبعيد كانت تقرب من اخوها ..
الين ما صادفت ابوي بمكه ..و شافت الشبة اللي بينه وبين اخوها نايف .. و هو اللي قطع قلبها .. و سوت المستحيل ..
اللي زوجته من امي لكن حلفته انه ما يقول لاهله و خاصة ان سند كان متبطش باهلة و قاهر حريمهم وكاسرهم ..
وهي قلبها قاسي و حالفه على البعد والجفاء الا انه ضعيف جهة سند .. لو سند لقاها و قالها ارجعي لترجع معاه ..
طلال باستمتاع / يعني كانت تحبه ..
العنود / الا قول مجنونة فيه .. كانت لضاقت عليها و قهرها سعد بضربه لها .. تقص من شعرها و ترسله لها ..
وهو يعرف ذا العلامة .. كانوا يتراسلون نبها من قبل لا جافوها ابوها واخوانها .. فيقوم هو يترجاء عمه و يسامحها ..
وهو كل ما جاته من شعرها خصلة يجن جنونه .. و يروح يوجع نفسة ازود ..
راكان بتساؤل / طيب ليه ما يمسك الرجال اللي يجيب الرسايل و يساله عن المكان ..
العنود / كان يسويها .. بس هي اقوى .. كانت ترسلهم من سوق او من مكان بعيد و لا يعرفها فيه احد ..
و بعد هم ما كانوا يعرفون اسم جدي سعد الحقيقي .. غير الراعي ..
راكان هز راسه .. طلال باستغراب / كيف ما يعرفونه ..
العنود بتعب / ابوه كان شارد من عند اهله .. ثار او شي زي كذا .. وتزوج من قرية جدتي ..
و جاه سعد .. و طلو فترة ما هو جالس عند جدي جابر .. ساله عن اهله و عن اصلة و ماسمح لاحد يسالة عن شي ..
حتى لا يجيه احد من اهل الثار و يضره ..
طلال و هو ياكل فستق و بضحكة / مسلسل بدوي .. " و بكوميديا " .. و ضحى و ابن عجلان يا ولد ..
الكل / هههههههههههههههههههههه ..






ـــــــــــــ

يوم جديد ..




بالمول ..

نوال معاها مجموعه من الاكياس .. وتطقطق بجوالها و بضيق / ابرار ليه ما ترد عليه ..
مرام ابتسمت / يمكن خجلانه ..
دقايق و الا ابرار و شجون يدخلون عندهم .. و بهمس / السلام عليكم ..
مرام و اماني و نوال .. / وعليكم السلام ..
نوال / ليش تاخرتوا ..
ابرار بخجل / و لا شي ..
نوال بصدمة / نعم .. لي انا " و بعوبتها المعتاده " .. من عيونك اللي من وراء البرقع عارفة ان فيه شي .. قولي يالله ..
ابرار بخجل و احراج من مرام / خلاص بعدين ..
اماني بضحكة / نوال يا الخبلة مستحية من مرام ..
مرام باستغراب / تمزحين .. ههههههههه .. مو منجدك ابرار ..
شجون جامدة و حتى انفاسها جامدة / ............
ابرار ببحة خجوله / خلاااااص ..
مرام بضحكة / طيب خلنا نكمل تسوق ..
ابرار تهمس لنوال / يبي يشوفني .. وامي قالت اختاري فستان حلو ..
نوال ابتسمت و بخبث / مو هو شافك وخلاص ليه يعني يبي يشوفك مرة ثانية ..
ابرار تضربها بكوعها و بحرج / وجع لعدوينك نوالوه .. لا تحرجيني .. انا امي توها بلغتني .. يووووه نوال خايفه ..
نوال مبتسمة / لا تخافين ولا شي .. خلك عوبة مثلي حتى تطيحينه على وجهه .. الا تعالي متى يبي يجيكم ..
ابرار بغصة / اليوم بعد العشاء ..
نوال بصدمة و صوت عالي / ايييييش ..
مرام تضربها على كتفها وبفشلة / وطي صوتك ..
نوال بذهول / تعالي اسمعي .. اخوك يبي يشوفها اليوم .. امس مملك واليوم بيشوفها .. ايش الفجعنه هذي ..
مرام بضحكة / طيب ايش فيها .. المهم .. " وهي تمسك يد ابرار " .. انتم خلكم هينا .. " و هي تاشر لهم على كوفي "..
انا عندي شغلة مع زوجة اخوي نقضيها و نرجع .. " ابرار بخجل صارت تصدد عنهم " ..
نوال بقهر / لا والله .. رجلي على رجلكم ..
مرام اشرت لها بعيونها يعني فيه مفاجاة .. نوال بقهر و اصرار / ما نبي نقعد " وهست لها " .. من بعيد لبعيد ..
مرام هزت راسها و مسكت يد ابرار و مشت لمحل المجوهرات .. اللي كان ينتظرهم فيها .. فارس و عناد ..




انتهى ..

البارت 43 ..






لو هو غضب بيحت ما ضم جوفي
من الغثا واظهرت عقب االعقل جهل

ولو هو الم ما طال عندك وقوفي
ولا جيت أبا اسمع قصة الذيب والحمل

ولو هو ندم كسرت باقي سيوفي
على دروب الوصل ومفارق الشمل

صوت العظام اللي تكسر حروفي
مابه كلام تنطقه شفتي سهل

إن جيت امش الدمع تبكي كفوفي
وإن جيت أقول الشهد يوذيني النحل

الحمل ماهو اللي تشيله كتوفي
الموت لا صارت كتوفي هي الحمل

ومن قال باكر قلت باكر حتوفي
والباقي إنشد عنه ضراية الرمل



" بدر بن عبد المحسن " ..






بتبوك ..



...../ هههههههههههههههههههههه ..
خديجة بزعل وهي تكتم ابتسامتها / الله يسامحك ..
راكان بضحكة / لالا .. ههههه .. جد خالتي .. مايشبه باباي .. سبانخ سبانخ .. " وهو يضغط على خشم ولد خديجة "..
خديجة تضرب يد راكان .. و وجهها احمر تكتم ضحكتها و تحاول تمثل الزعل / ترا ازعل جد ..
راكان / ههههههههههههههههههههههههه .. طيب يازيتونه .. الا بلوتو وين راح .. ههههههههههههههههه ..
خديجة تسحب فنجان قهوة وبترميه بوجه راكان .. راكان / ههههههههههههههههههههههههههههههههه
شيخه الي جالسه على الطاولة و مبسوطه وهي تحوس الحلى .. ضحكت ضحكتها المعروفه / هيهيهه هيههه ..
التفت عليها راكان وهو مبتسم .. بس فز وهو يشوفها حايسه وجهها و ملابسها .. و بضيق / لا يا بابا ..
خديجة بضحكة / هههههههههههه تستاهل .. جعل سمر تنيمك اليوم على الارض وبلا فراش ..
راكان يشيل شيخة و هو خايف انها توسخه .. و بخوف حقيقي / خلني اروح اوديها اشغاله تغير لها قبل لا تجي امها ..
و الله لتـ ... " قاطعه شهقت سمر " ..
سمر و النقاب بيدها / هيييييئئئئئئئئئئئئئئئئئ .. راااااكااااان ..
راكان زم شفيفه بقهر و طالع خديجة اللي انفجرت ضحك ..
العنود وراء سمر طالعتهم باستغراب .. / ايش فيكم .. " ومن شافت شيخه تمصمص اصابعها و تطالعهم ببرائه "..
هههههههههههههههههههههههههههه .. ربي يسعد الشيخة اللي بردت خاطر عمتها ههههههههههههههه ..
خديجة وهي تمسح دموعه / هههههههههههههه يستاهل .. " التفتت على سمر وبتحريش " ..
نيميه بالصالة شفتي الممر الي بين غرفتك و غرفة العنود نيميه فيه ..
راكان يطالعهم و بقهر لان واضح ان سمر عصبت / مو اليوم .. خليه بكره ..
العنود و خديجة / هههههههههههههههههههههههههههههههههههههههههه ..
راكان بصدق / والله .. " سمر سحبت شيخة من يدين ابوها بقهر و دخلت الاستراحة " .. حرام .. اليوم يوم مميز ..
لا تروح عليه هالليلة .. " وبصراخ " .. سموره حبيبتي انتي ..
خديجة بستغراب / اي ذكرى .. انتم ما تزوجتوا بثمانية .. لسه باقي شهر وزود على ذكرى زواجكم ..
راكان يجلس و بسخرية / انتم يا الحريم عندكم خرابيط يا كثره .. " وهو يقلد سمر " .. ذكرى يوم الخطوبة ..
ذكرى يوم عقد القران .. ذكرى يوم زواجنا .. يوم حملي .. يوم ولادة شيخه .. " ورجع لصوته " .. فضاوة ..
..... من وراه بقهر و عصبية / لا احسن ينام بالحوش ذا ..
راكان بخرعة التفت وراه / من متى هينا ..
سمر تقلده بسخرية وقهر / انتم يالحريم خرابيط .. " طالعت فيه بغضب و صدت عنه و دخلت الاستراحة " ..
راكان يطالعها بنظرات و تعابير وجهه مضحكة .. التفت على العنود بقهر و شاف خديجة جالسة على الارض تضحك ..
والعنود مغطية وجهها .. راكان بضحكة ممزوجه بقهر / تضحكون .. ربي يخلي لي .. زياد ونايف .. ادخل عندهم ..
العنود سحبت منديل و مسحت دموعها من الضحك / هههههههههههههههههههههههههههه .. تستاهل ..
سارة وهي طالعه من الاستراحة و تمسح على شعرها .. بفرحة / ايش رايكم ..
راكان التفتت عليها .. ابتسم / الحلو حلو لو يصحى من النوم .. " وبغرور " .. كيف لو يشبه لراكان ..
سارة تخصرت و بقهر / يغسل وجه بصابون الله يعينه ..
راكان بضحكة مع استغرا ب/ انتم ايش فيكم عليها .. انا لو رايح مع مساعد وزياد و نايف مو احسن لي ..
خديجة قفلت جوالها .. والتفتت على راكان / هذا سليمان وصل و دخل هو و ابوي لقسم الرجال .. روح لهم ..
خلود و معاها و لدها بين يدينها .. بابتسامه / سلام ..
راكان باعجاب / ما شاء الله .. ايش الحلاوة ذي .. الله يعينك يا مساعد ..
خلود حمر وجهها و بحرج / رويكين .. قلة ادب ..
العنود بغنج .. / ركوني .. ما قلت لي ايش رايك فيني ..
راكان طالعها .. العنود من دخلت وهي لبسه عباتها و لفه الشيلة .. بصدمة / قصيتيه ..
العنود وهي تلعب بشعرها من الغره / ايه .. " و بزعل " .. مو حلو ..
راكان بعصبية / و ين باقي شعرك .. ليكون خليتيه با لصالون ..
العنود ببرائه / ايه ..
خديجة ساكته بصدمة ../ .............
خلود و سارة مبتسمين .. دخلت سمر و هي لبسه بنطلون احمر و باكسسوارات سوداء و بلوزة بيضاء ..
فيها نقشات خفيفه سوداء بدون اكمام .. و جزمة حمراء و اسود .. بفلونكه بيضاء ..
تاركه شعرها اللي بس حددت قصته الفكتورية .. و زوده الكحل بعيونها ..
جلست جنب العنود و حطت رجل على رجل .. و حطت شيخة بحضنها و كانت ملبستها شورت احمر و بلوزة بيضاء ..
راكان لشعورين التفت عليها .. و هي صاده عنه .. العنود طالعت في اخوها و طالعت في سمر و ابتسمت ..
خديجة انتبهت لشباصه اللي اسفل شعر العنود .. رفعت يدها و سحبتها .. و انفلت باقي شعر العنود ..
خدجة تنفست براحة /حسبي الله على عدوينك .. و الله صدقت ..
راكان بارتباك / هاا .. طولتيه ..
الكل / هههههههههههههههههههههههههه ..
معادا سمر .. اللي كتمت ابتسامتها .. راكان رفع يده على شعره و صار يرجعه على وراء / سلام ..
خلني اروح لجدي و بلوتو قبل لا تخبص لـ الاخير .. " وهو رايح لجهت الرجال " .. و لا تزيدون النار حطب ..
الكل / ههههههههههههههههههههههههههههه ..







ــــــــــــــــــ




في محل المجوهرات ..




ابرار ترجف .. مرام كاتمة ضحكتها بالقوة و هي تسالها / ابرار .. اي واحد عجبك ..
ابرار ودها تبكي من الاحراج و الخجل .. عناد وفارس يطالعون با جهة الاساور ..
عناد و ده ياخذ لامها و فارس عجبته الفكرة وقرر ياخذ لامه ..
عناد التفت عليهم و سمع مرام تقول .. / غرام عجبها هذا و تقولك خذية ..
التفت بستغراب على اللي دخلت و وقفت جنبهم .. و سحبت الخواتم .. تطالع فيهم ..
ابرار و مرام طالعوها باستغراب .. نوال بقهر / و الله من عدامة الذوق ..
سحبت خاتم و كان افخم و احد و احلى و احد .. / هذا روعه .. من وانا واقفه هناك وهو عاجبني ..
عناد بعصبية / هذي العوبا متى تعقل .. " وبخبث رفع جواله و اتصل على سعود " ..



بعد ربع ساعة ..


دخل سعود و ابتسم لعناد و ارسله بوصة في الهواء .. نوال طارت عيونها و هي تشوفه ..
مسكت يدين ابرار و هي تحلف / والله ما اخليك .. " وبقهر " .. اخوك نذل ..
عناد يتقدم منهم وفارس و سعود .. عناد بحزم وهو يطالع اختها / خلصينا .. شوفي الخاتم مقاسك او لا ..
فارس و مرام واقفين جنب بعض و هم يتهامسون و ياشرون على طقم ناعم .. و جاهم البايع طلع لهم و بداء يتكلم معاه ..
ابرار تسحب يدها من يدين نوال .. و بغصة / نوال اتركيني خليني اشوف الخاتم ..
نوال بهمس / لا تبعدين .. " و هي تسحب الجوال من شنطتها " .. " لكن انسحب منها الجوال و هي انسحبت معاه " ..
سعود بضحكة / يا المجنونه ما راح اسوي لك شي ..
نوال تحاول تفلت يدها بدون لا احد ينتبه .. و بهمس حاد / سعود اتركني ..
سعود بهدوء / نوال بلا جنان .. نبي نتكلم شوي .. تعالي .. " وهو يا خذها و يروح بها جهت الكوفي " ..






ــــــــــــــــ






بالجامعة ..




شجون تمسح دموعة / حسبي الله ونعم الوكيل ..
غرام اللي كانت واقفه باحد زوايا الجامعه و تسولف مع مرام على الواتس و تشوف الصور اللي ترسلهم مرام ..
قفلت جوالها و توجهت لصديقاتها با لكافتيريا .. بس وقفت باستغراب وهي تشوف شجون تمسح دموعها ..
تقدمت منها و يخوف / شجون .. ايش فيك .. صار شي ..
شجون اللي اشتاقت لغرام انفجرت بكي و هي تحضن غرام .. غرام جلست جنبها و هي تبعدها و تطالع بوجهها ..
بخوف / شجون .. ايش الموضوع ..
شجون غطت وجهها و صارت تشهق .. غرام بضيق سحبتها و حضنتها .. و بتهدء / خلاص .. حبيبتي اهدي ..
بعد دقايق و شجون تشرب موية .. غرام بهدوء / همم ايش اللي خلك تبكين ..
شجون بغصة / ما اقدر اقولك ..
غرام تنهدت / شجون .. مـ .....
شجون قاطعتها و هي توقف / السواق برا ينتظرنا ..
غرام وقفت معاها / طيب .. " مسكت يدها " .. ابعدي عن سمية .. صدقين ما راح تفيدك ..
شجون رجعت تبكي هزت راسها بلا و هي تلبس شيلتها .. غرام بحزم / شجوووووووووون ..
شجون سحبت شنطتها وكتُبها و تركتها و راحت .. غرام بضيق / الله يهديك يا شجون ..






ــــــــــــ






بتبوك ..







سمر و العنود و سارة .. جالسين على طولة و قبالهم ترمس شاهي و معجنات ..
سمر تطقطق بجوالها و هي مبتسمه .. / شوفوا .. شوفوا .. " وهي تعطي العنود جوالها " ..
ساره بفرحة / حفلة ابرار ..
سمر تهز راسها وهي مبتسمه / ايه .. مسوينها صغيرة ..
العنود تطالع بصور و هي مبتسمه / الله يوفقهم .. " رجعت الجوال لـ سمر "..
دخلت خلود و هي مبتسمه .. / سلام ..
الكل / و عليكم السلام ..
العنود / وين كنتي ..
خلود كانت بترد بس دخلت خديجة و هي تنزل صينية فيها حلى و ترمس قهوة .. / السلام عليكم ..
الكل و عليكم السلام ..
خلود رجعت تطالع العنود / حنان تسلم عليكم ..
العنود عقدت حواجبها / اي حنان .. " رفعت حواجبها " .. حنان ما غيرها .. ليه ما خليتينا نكلمها ..
خديجة بضيق / ايش اخبارهم ..
راكان يدخل و معاه و رده حمراء بيده .. ابتسم / سلام ..
الكل / و عليكم السلام ..
العنود باهتمام / ايش اخبارهم .. كيف حالهم الحين ..
خلود تنهدت بضيق / حلتهم تقطع القلب ..
راكان ميل على سمر و حط الورده بحضنه سمر ابتسمت و هي تصد عنه ..
بس رفع راسه و ابتعد عن سمر .. و باستغراب / تتكلمون عن من ..؟
سارة / عن حنان و مها بنات خالتي شريفة ..
راكان باهتمام و هو يجلس / ايه تتواصلون معاهم .. ايش اخبارهم .. تزوجوا ..
سمر رفعت حاجب و طالعته بقهر و غيرة .. خلود / ايه .. كلهم .. مها بالقريات .. و حنان بحقل ..
العنود عاقده حواجبها / على الحدود .. ليه .. من ماخذين ..
خديجة تنهدت بضيق / مها قصتها قصة .. بعدين اقولها لك .. تزوجت واحد من عيال عم ابوها شايب ..
متغربله تغربل مسكينه احفادة اكبر منها .. و مقطوعه اخبارها عنا مرة .. بس حنان من فترة لفترة تتصل ..
و تبلغنا عنها ..
خلود بحزن / و حنان تزوجت من واحد كبير .. بس اول بخته هي .. صار عليه حادث وهو باول مراهقته ..
انبترت رجوله .. و يجيه صرع .. " و بعبرة " .. حالتها تقطع القلب .. فوق مرضة شكه و وسواسه ..
راكان بضيق / لا حول و لا قوة الا بالله .. " سمعوا صوت بكي شيخة " ..
سمر و قفت و دخلت الاستراحة .. العنود تنهدت / كله من امهم .. الله يرحمها ..
خديجة بضيق / تدرين ان ابوهم تزوج و حدة صغيرة .. و تبراء من بناته .. لو ما عمهم ضفهم و زوجهم ..
ساره بحزن / نفسي اعرف ليه خالتي شريفة كانت تسوي كذا ..
خديجة تنهدت / لان من زمان .. جات خالتها اخت امها .. وهي بعمر الـ 12 او 13 ..
خلود تقاطعها / لا اصغر ..
خديجة تتذكر /ايه صدق يمكن بـ 8 سنين .. المهم .. اخذتها خالتها .. امي بالاول رفضت ..
بس ابوي الله يسامحه اصر .. واخذتها .. و جلست عندها حول 6 او 7 سنين .. ورجعت لنا ..
رجعت لنا متغيرة مره .. نحفانه و شعرها مقصوص .. و بعدين عرفنا ان خالتها كانت تشغلها خدامة في بيوت الناس ..
العنود بضيق / علشان كذا حقدت .. و لا بعد .. جدي زوجها و احد فقير .. بس جدتي من طيب قلبها ..
ساعدته بانه يفتح له مشروع .. و يكبرة .. اللين كبر شركته .. بس للامانه .. كان يحب شريفة ..
خلود بضيق / بس هي عمت نفسها بنفسها.." و بضيق اكبر " .. تدرين ان خالتها ما كانت ميته .. وهي تتواصل معاها ..
العنود هزت راسها .. خديجة بضيق / خلاص قفلوا الموضوع .. " و قفت و راحت المطبخ " ..
العنود و قفت ولحقتها .. العنود مسكت يد خديجة / خاله ..
خديجة تجلس على الكرسي ويدها بيد العنود .. و بغصة / تدرين انها كانت مسوية سحر لنا ..
العنود بهدوء / كنت شاكة .. بس اللي متاكدة منه انها مسوية سحر لابوي و امي ..
خديجة هزت راسها / لا .. و مسوية لي و لخلود و لابوي بعد ..
العنود بصدمة / صدق ..
خديجة تهز راسها .. / قبل ما تتزوج خلود .. لمن جينا عند عمامي هنا .. عمتي ام سالم ..
ربي يطول بعمرها جابت حرمه تقرا .. ولمن قرت عليه قالت ان فيه سحر .. و ودوني لشيخ معروف..
و بعد ما قرا عليه الحمدالله طلع مني .. لانها مشربتني اياه .. و خلود بعد .. " خديجة سكتت تفكر " ..
العنود بضيق / استغفر الله .. الحين ما يجوز عليه الا الرحمة ..
خديجة بقهر / حتى الرحمة ما تجوز عليها .. كافرة .. ما تعرف لصوم و لا لصلاة ولا الحرام و تخاف من الله ..
العنود بترد .. خديجة بعصبية / خلاص .. الله يحاسبها.. خلينا بالمهم .. زياد ..
العنود باستغراب / ايش فيه ..
خديجة بثقة / مسحور ..
العنود فتحت عيونها بصدمة وخوف ../.................
...... و بصدمة من وراها / نعممممممممم ..








بيت ابو عناد ..





ابرار صدرها يطلع و ينزل .. حاسه ان قلبها بيطلع من مكانه .. تسمع تبريكات امها و خالتها ..
و مزح عناد مع فارس و ضحكهم .. و لا تفهم ايش اللي يقولونه.. ولا قادره ترفع راسها..
فجاة شافت يد ثالثه تشارك يدينها بحضنها .. جمدت و شي تحرك فيها .. حتى عيونها وقفت عن الرمش ..
فارس بصوت دافئ / قصة شعرك .. سوت بي حكاية ..
ابرار رجف كل مافيها .. و هي تتذكر اللي صار ..






نزلت من السيارة .. توها واصله من الصالون ..
دخلت استراحتهم و هي فرحانه ..
نزلت عبايتها و شيلتها و علقتهم ..
دخلت الصالة و هي مبتسمه .. سمعت صوت بالمطبخ ..
تذكرت ان غرام ايش ارسلت بالواتس .. راح تروح الماركت و تجيب اغراض الثلاجة ..
اكيد هي بالمطبخ .. ترتب الاغراض .. وتوجهت لها ..
ابرار بابتسامه و هي تدور .. / غرومه ايش رايك .. حلوه قصت شعري .. ههههههههههههه ..
توه رفع راسه من الثلاجة شد على ظهرة اللي حسة انقسم من ثقل الاكياس ..
بس جمد وهو يشوف اللي تدور قباله و تضحك .. و كانها طفله ..
ابرار و قفت و هي تتخصر .. والابتسامة على شفايفه / حلو.... " جمدت وهي تشوف اللي جامد قبالها و يطالع فيها " ..
ابرار شهقت برعب .. وهي تجري لاحد الغرف .. فارس ابتسم و هو يسمع صوت غرام ..
غرام باستغراب / ايش تبغى ..
فارس مبتسم و يطالعها مثل الابله .. غرام تاشر قبال وجهه .. / هي فارس ..
فارس انتبه / هااا ..
غرام باستغراب / ايش فيك .. " انتبهت انه حاط يدينه على ظهره " " وبخوف " .. ظهرك يوجعك ..
فارس تنهد و بفرحة /احلى وجع و ربي ..
غرام بابتسامه / حبيبي فديته .. " استغربت لمن باسها فارس على خدها و طلع من المطبخ " ..
غرام باستغراب / مو صاحي ..





ابرار نقزت اول ما حست بنغزات على خدها .. فارس ابتسم .. و بصوت دافئ / بسم الله عليك ..
ابرار بخجل / ...................
فارس يرجع يمسك يدها الباردة .. و بحنان / اقفل التكيف ..
ابرار بخجل و استغراب / بردان ..
فارس بخبث / تدفيني ..
ابرار حمر وجهها و تجمعت الدموع بعيونها .. فارس من لمع بريق الدموع .. بخوف / لالا .. امزح ..
فارس بهدوء / طيب ممكن تتكلمين .. ما يصير كذا ..
ابرار بخجل و خوف / ايش اقول ..
فارس ابتسم / اللي بخاطرك ..
ابرار ابتسمت بخجل / ...........
فارس بهدوء و هو مبتسم / امممم .. اسمي فارس .. عمري 30 سنه و شهر .. احب اسمع قصايد بدر بن عبدالمحسن ..
و اسمع صوت محمد عبده وماجد المهندس .. " و بمزح " .. يا حصة منيرة جواهر ..
ابرار باستغراب رفعت راسها تطالعه .. فارس ابتسم ابتسامه و اسعه و برومانسية / سحرني حلاك ..






ـــــــــــــــ







يوم جديد ..




العنود تطالع مرة بزياد و مرة بالطريق .. نايف جالس جنب زياد ..
سارة مع راكان و سمر بالسيارة قدامهم ..
العنود بهدوء / زياد شغل اذاعة القران .. اولادي ناموا ..
زياد ابتسم / طيب .. " و شغل الاذاعة حتى يملء السيارة صوت الذكر " ..
العنود تطالع بزياد بالمراية و شافت شفايفة تتحرك .. باستغراب / زياد ..
زياد بهدوء / نعم ..
العنود / ايش تقول ..
زياد بصدق / اردد ورا الشيخ الايات القرانية ..
نايف بهدوء / كم جزء حافظ ..
زياد / مو حافظ بترتيب .. بس من كثر ما اسمع احفظ ايات متفرقة ..
العنود بهدوء / تحس بشي لمن تسمع القران ..
زياد بغموض / ................
نايف مو فاهم الموضوع / و فيه احد ما يحس .. تحس براحة لا توصف .. شي بصدرك يكون فاضي واسع ..
" تنفس بعمق " .. حتى ريحة الهواء تتغير .. سبحان الله ..
العنود طالعت بزياد و نايف و رجعت تطالع الطريق من جهتها ..







ـــــــــــ






بيت ابو سند ..




دخلت غرام .. و دخل و راها سند .. سلموا .. غرام طلعت جناحها و سند جلس ..
ابو سند / ها متى قلوا النتايج تطلع ..
سند بهدوء / والله ما ادري .. بس عناد كلمهم .. " ابتسم و هو يتذكر اللي صار و طلعت منه ضحكة " .. هههههههههه ..
ام سند و هي تصب له شاهي / ايش فيك .. " ابتسمت و هي تعطيه الفنجان " ..
سند هز راسه و هو بضحكة / و الله ما عرفت ان عناد مجنون ..
ابو سند بستغراب / هو جاكم بالمستشفى ..
سند مبتسم / ايه .. يقول عادي اسحبوا دم مني جديد و انتبهوا هالمرة لا يقلون اني اثيوبي ههههههههههههههههههههه ..
ابو سند ابتسم / ليه ..
سند بضحكة / المرة الاولى .. علقوا عليه عيال عمي و خالي بانه يقوم مو من الفارس .. عاد هالمرة بياكدونها ..
ام سند بصدق / لا ان شاء الله ربي يسهلها و يكونون متوافقين .. و الله اني اتمناه لغرام .. " تنهدت بضيق و هم " ..
ابوسند / اي والله .. البنت مريضة .. اخاف بكرة محد يجيها ..
سند بغضب يحاول يكتمه / يبه .. ايش فيها غرام .. انا ادري انها مو راضيه بس عشانكم رضت ..
وانا سكت لان شايف ان عناد رجال ما ينعاب .. غرام الف من يتمناها .. ايش العيب اللي فيها ..
ابو سند بهم / انت ناسي اللي جاها .. ولساتها ما تشافت الشفى التام ..
سند وقف و بضيق / يبه الله يطول بعمرك .. لا عاد تعيد ذا الكلام لا انت و لا امي .. لو تسمعه غرام تموت ..
يكفي اللي بصدرها .. و اللي صار واللي قلتوه لها حتى توافق على عناد .. انا تعبت و ابي ارتاح .. عن اذنكم ..
ام سند و ابو سند سكتوا و هم يهزون روسهم .. بعد ما طلع سند .. ابو سند / يالله يا رب تخليه لنا و تطول بعمره ..






ــــــــــــــ






يوم جديد ..




طلال مسوي عزيمة عشاء بمناسبة و صول اخوانه بسلامه ..
:
:
باستراحة البنات ..
:
:
:
صوت ضحكهم و اصل لخارج الاستراحة ..
العنود دخلت بثقة و الابتسامة على وجهها .. و بهدوء / السلام عليكم ..
الكل و قف و بأصوات متفرقة / و عليكم السلام ..
ام سطام تكتم صيحتها و هي تمسح دموعها بطرف شيلتها .. العنود بابتسامه و حنان .. تقبل راسها ..
وتنزل عند رجولها .. و بصوت خافت / اعذريني .. كان لزم ابعد شوي ..
ام سطام تهز راسها / ما تلامين يا بنيتي .. بس .. " و هي تبتسم " .. تخاريف جدتك يالله حسن الخاتمة ..
العنود تقبل يدين جدتها و بوله و شوق و اعتذار .. / جعل ربي مايحرمني من هالريحة .. و الله محد يفهمني غيرك ..
ام سطام تمسح على شعر العنود و بحنية / ربي يخليك و يحفظك يا ريحة الغالي ..
العنود بابتسامة توقف و تلتفت على عماتها و زوجات عمها .. و بعد السلام و السؤال عن الاحوال ..
طلعوا البنات من المطبخ و سلموا عليها .. رنيم بقهر / ليه ما كنتي تتصلين عليه ..
العنود بهدوء مسفز لرنيم / ما ابي اسمع صوتك ..
رنيم طالعتها و هي فاتحه عيونه / حلللللفي .. " و بعصبية " .. عاد من زين صوتك .. انقلعي بس ..
العنود / ههههههههههههه .. ماشي يا رنيم ..
رنيم مبتسمه و باعجاب / ما شاء الله و اضح انك ارتحي .. و قصة الشعر جنان ..
العنود بهدوء / الحمدالله على كل حال .. " رفعت عينها و شافت شجون و اضح انها تعبانه "..
" التفتت على ريهام و شافتها هادية بس عيونها حزينه .. " .. " سمعت صوت غرام وهي تلعب مع شيخة " ..
التفتت على غرام وهي مبتسمة .. بس شافت غرام تلعب شيخة و تطالع بشجون بنظرات ضيق ..
التفتت على جدتها و هي تسالها عن خالاتها و اخبارهم .. وهي تجاوبها بابتسامة و حنان ..






ـــــــــــــــــ




بمجلس الرجال ..


سلطان يقبل سلطان الصغير و الظبي ويحضنهم بشوق ..
ابو سطام منزل راسه و يطالع بالارض و هو سارح حزين ..
بتال اخذ الظبي و جلسها بحضنه و هو يلعبها و يقبلها بشوق و جنون / ااااااااااه يا ذا الريحة اللي توسع الصدر ..
سلطان نزل من حضن جده و راح لطاولة و كان عليها ترمس قهوة و جاك ماي .. و ببراءة / باء .. باء ..
بتال ابتسم / حبيبي بابا ..
سعود اخذ سلطان وصار يلعب معاه و سلطان ضايق الا ان صار يبكي .. و هو ياشر على الطاولة / باء ..
نايف و قف .. / عطشان ..
بتال نزل الظبي .. و و قف و بحنان / حبيبي .. " اخذ الجاك و صب شوي لسلطان " ..
نايف بصراخ و هو يسحب الظبي .. اللي كبت فنجان الشاهي و كان سخن .. الظبي برعب صارت تصرخ و تبكي ..
بتال بضيق اخذ سلطان والظبي و طلع برا المجلس .. يلعبهم ..
ابو بتال بضيق / كان الصغار ما عرفونا و انكرونا .. مبطين عنا ..
ابو فهد بهدوء / ما عليه يومين و يرجعون لطبيعتهم ..
ابو بتال / لا حول و لا قوة الا بالله ..






ــــــــــــــ





بالاستراحة ..



العنود و قفت جنب شجون .. بهدوء / كيفك ..
شجون بهدوء و وجها مرسومه فيه تفاصيل الحزن .. / الحمدالله ..
العنود بهدوء / صار شي ..
شجون و هي تشرب من كاسة الماي اللي بيدها .. هزت راسها / افترقنا .. " و غصة بعبرتها " ..
العنود عقدت حواجبها / ايش تقصدين ..
شجون و الدموع امتلت بعيونها .. / يقول عني .. " طلعت منها شهقة .. و غطت و جهها " ..
العنود التفتت و راها و سحبتها لاحد الغرف .. دخلتها و قفلت الباب ..
....... سمعت شهقت شجون و لحقت شجون و العنود .. وقفت و راء الباب و هي تسمع كلام شجون ..
شجون و هي تبكي / والله ما طلعت .. و الله .. و لا اعرف احد ..
العنود و هي تمسح على كفها / خلاص .. اهدي .. و افضل لك انه صار هالشي ..
حتى تعرفين و تقتنعين ان الطريق اللي تمشين فيه حرام .. و غلط .. و ما راح يصير فيها خير ابد ..
شجون تمسح دموعها .. / بس اللي قهرني .. ان اللي كنت اعتبرها صديقة هي اللي قالت له هالكلام ..
و هو اللي " شهقت " .. اللي يعرف تربيتي .. صدقها .. لييييييييه .. " غطت وجهها و صارت تبكي بقوة " ..
العنود حضنتها و هي تسمي عليها و تهديها ..
.. هي .. تنهدت بضيق و عصبية و تركت المكان ..







ـــــــــــــــــ





بعد العشاء ..


بيت ابو صقر ..


صقر يدخل و هو واضح عليه التعب .. جلس على الكنبه .. و بتعب / السلام عليكم ..
ريهام و ريما و رنا و روان / و عليكم السلام ..
صقر يطالع ريما و بتساؤل / وين جوالك ..؟
ريما باستغراب / ليه .. " و بلا مبالاه " .. يمكن بشنطة ما طلعته .. خير ..
صقر تنهد / غيث برا .. يقول خلها تطلع لي ..
ام صقر و هي طالعه من غرفتها لبسه جلال الصلاة بحدة / ريمااا .. ليه ما تردين على زوجك ..
ريما بصدمة و ضيق / مااا ..
ام صقر و هي متجهه لباب المجلس / روحي جهزي اغراضك .. انا ابي اتكلم معاه بشغله ..
صقر وقف و كان بيتجه للمجس .. ام صقر بحدة / خلك هينا ...
صقر وقف باستغراب التفت على اخواته و رجع طالع بمكان امه اللي قفلت الباب بوجهه ..
ريما طلعت لغرفتها و هي تحاول تبلع غصتها .. دخلت غرفتها .. التفتت تدور شنطتها ..
شافتها طايحة على السرير .. توجهت لها اخذتها و فتحتها بسرعه .. فتشت عن الجوال ..
لقته بصعوبه .. فتحت وهي تشوف 20 مكالمه و 5 رسائل نصية .. و 30 رسالة واتس اب ..
المكالمات 17 من غيث .. و 3 من رنيم .. اتصلت على رنيم .. وبغصة / الو ..
رنيم بهدوء / ريما ..
ريما تبكي / تحت .. غيث تحت .. بعد هالشهور راجع ..
رنيم تنهدت بضيق / روحي معاه ..
ريما باستغراب و صدمة / نعم ..
رنيم بصوت هامس و كان احد جنبها / ريما .. امس حكموا على ابوي .. باول قضية .. 20 سنه ..
ريما سكتت وهي تجلس على السرير بضيق و خذلان و انكسار / ............
رنيم بغصة / علشان امي .. ارجعي معاه ..
ريما تبكي / ما يبيني .. اذل نفسي له ..
رنيم بقهر / ما باليد حيله .. انتي ارجعي هالفتره .. و اول ما يعتدل الوضع راح نتصرف .. ااااااه ..
ريما بخوف / رنيم ..
رنيم بعصبية وقهر / ايه .. هذا فهد .. عضني ..
ريما من بين دموعها / هههههههههه .. فديته ..
رنيم بحزن / استودعتك الله ..
ريما هزت راسها وكان رنيم قبالها / فمان الله .. " نزلت جوالها .. و مسحت و جهها "..
وقفت و توجهت لـ الحمام " اكرمكم الله " .. غسلت و جهها و توضأت .. طلعت و نشفت و جهها ..
و غيرت لبسها .. اخذت لها كم قطعه من ملابسها على السريع و حطتهم بشنطة كبيرة .. و كم غرض ..
قفلت الشنطة و لبست عباتها و نزلت تحت .. سلمت على خواتها و توجهت للمجلس .. طقت الباب و دخلت ..
غيث رفع عينه على الباب شافها و رجع طالع با ام صقر و لا كانه غايب عنها من شهور ..
غيث بجدية / هذا كل شي .. و الطلاق تم و شاهد عليه سند و ابو بتال و ابو عناد .. و البيت تسجل باسمك ..
والارض باسم صقر .. " و قف " .. تمرين على شي يا عمه ..
ام صقر توقف و بحنان / ما يامر عليك عدو .. اتعبتك معاي ..
غيث ابتسم / لا تعب و لا شي .. " يقبل راسها " .. يا لله فمان الله .. وطلع من الباب الثاني للمجلس " ..
ريما تطالعه و هو خارج و لا كانها موجوده .. ام صقر بحزم / بنت .. الحقي زوجك تعبان جاي من سفر ..
ريما ببرود قبلت راس امها و لبست برقعها و طلعت له .. شافت صقر واقف معاه و يضحك ..
ركبت السيارة و هي تبلع عبرتها .. ركب جنبها و توجه للبيت و بدون لا ينطق بحرف ..






ـــــــــــ







بيت ابو سند ..



سند بعصبية / انتي تبين تخربين بيت اختك ..
رنيم بقهر / ايش اخرب .. اقولك هو جابها ورماها عند بيت امي و راح ولا قال لها كلمه ..
و بعدين ارسل لها .. ماصار بينا نصيب .. اعذريني .. والحين راجع ياخذها كذا ..
سند بعصبية / استغفر الله العظيم .. " و هو يجلس على السرير " .. طفي الانوار بس خلينا ننام ..
سمع صق على الباب .. رنيم سحبت روب القميص اللي لبسته و لفته عليها .. سند وقف وتوجه للباب ..
فتحه و شافها غرام .. سند باستغراب / فيه شي ..
غرام تبلع ريقها و بتوتر / اسفه ازعجتكم ..
سند بحزم / لا ازعاج ولا شي .. ايش عندك ..
غرام وهي تطالع برنيم و تطالع بسند بنظرات متوترة و خايفه و ضايعة ..
سند مسك يدها و دخلها .. قفل باب الشقة .. و سحبها لمكتبه .. و قفل باب مكتبة ورنيم تطالع فيهم متكتفه ..
بعد ربع ساعة طلع سند من المكتب و هو ثاير و معصب .. و وجهه احمر .. غرام تجري وراه و تناديه ..
رنيم و قفت و باستغراب و خوف / ايش فيكم ..
سند فتح باب الشقة و نزل الدرج بعصبية .. و غرام وراه .. فتح باب جناح ياسر و قفلة الباب بالمفتاح ..
قبل لا تدخل غرام .. سمعت صراخ سند و ياسر .. و طلع الصوت و اضح ان سند يضرب ياسر ..
ابو سند طلع من غرفته مستغرب و خايف / ايش فيكم ..
غرام تبكي وهي تطق الباب / يبه .. سند .. الحقوة قبل لا يذبح ياسر .. سنننننننند ..
ابو سند يتقدم من جناح ياسر و يطقه بقوة و يصرخ / ياولد افتح الباب ..
فارس طلع من جناحه و هو مستغرب / ايش فيهم ..
ام سند وهي تبكي / لا والله تذابحوا ..
ابو سند بعصبية / اكسر الباب .. اكسروه ..
فارس رفس الباب كم رفسة لكن ما انكسر .. ابو سند بعصبية / جيب شي يكسره بسرعه ..
فارس اتصل على بتال و رعد و قالهم يجون يشوفون الموضوع .. لان كسر الباب مو حل ..








ـــــــــــــــــــ


بيت ام عزام ..



دخلوا بيتهم .. كان هو قبلها .. نزل رمى شنطتها على الارض .. و المفتاح على الطاولة و سحب الفوطة ..
ودخل على الحمام " كرمتوا ".. و هي واقفه و راه موجوعه و مكسورة .. نزلت برقعها و شنطتها الصغيرة ..
ونزلت عبايتها .. جلست على الكنبة بالم .. بعد ربع ساعة طلع و هو بس لف الفوطة على اسفل جسمه ..
ريما رفعت عيونها فيه .. وهو ولا التفت عليه .. نشف شعره و لبس بيجامته و رفع الفرشة و نام ..
بكل بساطة .. وقفت بالم و دخلت الحمام " كرمتوا " .. و ضلت فيه اكثر من نص ساعه .. و هي تبكي ..
ما طلعت الا لمن سمعت طق على الباب .. و بعدها جاها صوته و هو يطلب منها طلع من الحمام ..
غيث اول ماطلعت و شاف عيونها و وجهها احمر سحبه لصدرة و ضمها بشوق .. و بحه / اعذريني ..
ريما انفجرت بكي / ليه .. انا ايش سويت .. " و صارت تشهق "..
غيث و هو يقبل كل مكان بوجهها بوله و شوق / مو انتي .. انا .. انا اللي سويت .. اعذريني ..






ــــــــــــــــــ






بالاستراحة ..



سند مثل الاسد المجروح يدور بحوش الاستراحة ..
بتال واقف عند البوابه و هو لبس بجامه ببنطلون رمادي و بلوزة بيضاء ..
وعناد جالس قباله على كرسي و بلوزته مقطوعة ازاريرها من قدام ..
بتال شاف عناد ياشر له انه انجنن .. " يقصد سند " .. بتال اشر له .. بانه يروح .. " يقصد عناد " ..
عناد وقف و توجه لسيارته طلع فيها و مشي للبيت ..
بتال التفت على سند و بحزم / ايش صار ..
سند يدور بقهر .. و بعصبية / لا تكلمني يا بتال .. لا تكلمني ..
بتال تكتف و سند جسمه على الشجرة ..
سند بدا يسوي حركات رياضية تخفف من غضبة .. وقف و دخل الاستراحة .. بتال دخل و راه ..
شافه يدخل الحمام " كرمتوا " .. توضأ و طلع صلى .. و صلى .. وصلى .. و بتال يراقبه ..
الا ان هدي غضبة .. رمى جسمه على الارض و غمض عيونه و صدرة يطلع و ينزل الا ان انتظم ..
بتال بخوف قرب منه .. و بهمس / سند ... سند ..
سند بتافف / ااااف .. خليني انام ..
بتال بضحكه / نام ياعم و خلنا حنا نام ..








ـــــــــــــــ






بالمستشفى ..




رعد بهدوء صافح الدكتور / شكرا دكتور ..
التفت على ياسر اللي يده انكسرت و ملفوف على راسه .. ابو سند جالس جنبه ووجه واضح عليها التعب ..
هبط السكر وكان راح يروح فيها ..
رعد / خلاص .. خلصنا ..
وقف ابو سند و اللي اسنده رعد اللين يوصلون السيارة ..
فارس بهمس حاد / لا تكذب .. ايش سويت حتى سند يثور هالثورة عليك ..
ياسر يبعد فارس عنه .. و بعصبية / قلت لك ولا شي .. خلاص .. " و بداخله يتوعد بغرام "..
فارس بهمس حاد / بس لمعلوماتك .. سند حالف انه ما راح يخليك ..
ياسر بعصبية / يبي يذبحني .. وانا رجال اسوي اللي ابيه و محد له دخل فيني .. "ترك فارس و لحق خاله و ابوه "..
فارس بعصبية / ليته كسر رقبتك .. و قطع لسانك .. " ومشي وراهم وهو معصب "..







ــــــــــــ






يوم جديد ..




شقة رعد و هيفاء ..




هيفاء و بطنها المنتفخ تجلس بتعب / بس كذا ..
رعد و هو ياكل زيتونه / ما اظن .. خلي سند يهدوء و بعدين نعرف السالفه ..
هيفاء تنهد / لا حول و لا قوة الا بالله .. اقول حبيبي ..
رعد يلتفت عليها / لبيه يا روح حبيبك ...
هيفاء بابتسامه / غيث رجع من السفر .. ودي انك توديني لأهلي العصر ..
رعد بهدوء / ادري انه وصل .. بس يمكن بكرة يسافر .. مثل المرة اللي قبل .. حتى زوجته مالحق يشوفها ..
هيفاء .. بضيق / لالا .. ان شاء الله بيطول .. حتى اخذ زوجته من بيت ابوها ..
رعد تنهد وهو يوقف / طيب العصر نروح لهم .. الحين عندي اجتماع و اخاف اتاخر .. تامرين على شي ..
هيفاء ابتسمت / سلامتك .. بس انتبه لنفسك ..
رعد يقبل خدها و نزل لبطنها المنتفخ .. قبله .. و بعدها تمتم بكلمات خافته جدا .. و نفث عليه ..
هيفاء باستغراب مع ابتسامه ووجه رعد قريب من وجهها / انت ايش تقول ..
رعد و قف و الابتسامة مرسومه على وجه / سر بيني و بين ولدي ..
هيفاء بغنج / تخبون عني ..
رعد يلف من وراء الكرسي .. و حضنها قبل خدها بعمق و هو يهمس / استودعكم الله .. و احصنكم من كل شر ..
هيفاء ابتسمت بحب .. رعد يوقف / انا صار لازم اطلع .. فمان الله .. " وهو يسحب شنطة الاب توب و يطلع "..
هيفاء بحب / فحفظ الرحمن ..







ـــــــــــــــ







بيت ابناء سطام ..




راكان بهمس / متاكدة ..
العنود بهمس / ايه .. لو مسحور ماكان مواضب على الصلاة .. و لا حافظ من القران .. و لا يستمع له ..
راكان / يمكن مسلم ..
العنود ترمش باستغراب / مسلم ..
راكان / ايه .. جني مسلم ..
العنود بهمس / هذا المس .. مو السحر ..
راكان / المهم .. ايش نسوي ..
العنود شافت زياد يدخل .. اشرت لراكان .. و بهدوء / زياد ..
زياد التفت عليها بعد ماجلس قبال التلفزيون .. العنود / قرب بغيناك بموضوع ..
راكان يطالعها و يطالع زياد .. زياد وقف و قرب منهم .. العنود طالعت راكان و بعدها طالعت زياد ..
العنود بهدوء / امممم .. ما انت حاب تكمل نص دينك ..
تغير وجه زياد .. احمر و ارتبك .. راكان ابتسم / ايش فيك ..
زياد و هو يصد / ما ابغى اتزوج ..
راكان بحزم / ليه ..؟
زياد بارتباك / كذا .. ما ابغى ..
العنود بهدوء / ايش اللي يمنع .. عندك البيت .. والوظيفة .. ايش ينقصك .. و بعدين انت مو صغير .. دخلت الثلاثين ..
زياد و الرجفه بدات تمتلكه .. راكان و العنود انتبهوا لها .. طالعوا بعض ورجعوا طالعوا زياد ..
راكان عاقد حواجبه / زياد .. انت مريض ..
زياد بعصبية / لا .. مو مريض .. وانا احسن واحد فيكم ..
العنود بهدوء مستغرب / طيب .. طيب .. بس ليه هالرجفه .. وليه ممتنع عن الزواج ..
راكان بحزم / زياد .. اذا ماقلت ايش فيك راح اخذك غصب للمستشفى .. يشفون علتك ..
زياد وقف و بغضب / ليه .. انا مو مجنون و لا مريض .. انا احسن واحد فاهمين ..
العنود وقفت و بتهدائة / طيب .. طيب .. بس اهداء ..
راكان و قف .. و بحدة / اسمع زين .. احنا خطبنا لك بنت عمتي مياسة .. وراح تتزوج غصب عنك ..
وراح اوديك لشيخ يقراء عليك .. يمكن بك جني .. " سحب مفاتيحة و جواله و طلع "..
زياد و قف مثل الجماد مو قادر يتحرك ولا ينطق كلمة ..
العنود هزته .. و بخوف / زياد ..
زياد التفتت عليها بضيق و زعل .. و تركها و دخل جناحه ..
العنود جلست باستغراب و خوف / مو طبيعي .. و الله مو طبيعي ..








بعد اسبوع ..
:
قبل بداية الاختبارات النهائية ..
:
وتم عقد قران زياد و ريهام ..
:

وبمناسبة ..
عقد قران .. " فارس و ابرار " .. " بدر و رنا " .. " زياد و ريهام " ...
قررة العائلة تروح الشالية كم يوم .. تغير جو و تصفية لذهن الطلبة .. ^_* ..




ام سند و ام عناد جالسين قبال البحر .. و الطاولة قبالهم متعبيه .. بترامس الشاهي و القهوة ..
وصحون المكسرات و صواني الحلى و المعجنات .. جاتهم ام بتال و معاها شيخة ..
ام سند لبسه عبايتها و برقعها .. ولبسه نظارات شمسية و لبسه قبوع من خزف ..
ولفه على اكتافه شال فيروزي صيفي .. و ام عناد مثلها بضبط .. وكانهم اثنين مستنسخين ..
ام بتال بضحكة / والله يا انكم نكته ..
ام سند و هي تعلك العلكة و تطالع باختها / الغيرة شينه ..
ام عناد وهي تعلك العلكة / حسيتها ..
عناد جاء جهتهم و هو يضحك / يمه خالتي .. ايش اتسوون ..
ان سند / لا حول لولا قوة الا بالله ..
ام عناد بحنان / امر يمه .. تبي شاهي و الا قهوة ..
ام يند / يبيك تدخلين داخل و تنحكرين ..
عناد / هههههههههههههه لا والله .. بس ابيكم تطلعون ذا اللي لبسينه ..
ام سند وقفت و بخبث / ما طلبت شي .. " وهي تبي تنزل عباتها " ..
عناد بخوف / لالالا .. اقصد الي على راسكم و كتوفكم ..
ام سند تضرب كتفه .. / والله انك ما عندك سالفه .. مير الشمس حميت ونبي ندخل داخل ..
ام بتال و هي توقف / اي و الله .. الشمس حاره ..
ام عناد تبي تاخذ الصواني .. عناد / لا يمه خليهم .. الخدامات ياخذونهم انتي ظهرك تعبان ..
ام عناد اخذت ترمس قهوة / بس اخذ ذي .. ها .. لا اله الا الله ..








في اليل .. الساعة 12 ..
:
:
الجو كان اكثر من روعه ..
:
:
:
الشباب و البنات سهرانين ..
والشيبان من تعب الطريق وحرارت الشمس بالنهار قرروا ينامون ..




بدر و فارس وسيف و غيث ملتفين و يلعبون بلوت .. و ياسر و سامر و صقر جالسين بمكان ماهو بعيد ..
خوف من سند اللي يطالعهم بنظرات تقتل و يامرهم باوامر تهلك وكانهم خدم ..
البنات جالسين على فرشة مو بعيده عن الشباب ولا قريبه .. بس صوت الشباب واضح لهم ..
والجو يساعد على وضوح الصوت و خاصه ان الهواء يجذبه لهم اكثر ..



بتال كان يلعب سلطان والظبي .. وهم يروحون لامهم ويرجعون ..
وكل مارفع عينه طاحت بعين العنود .. صدفه .. لاهو قاصدها ولا هي تقصدها ..
مسك الظبي و جلسها على بطنه و صار يلعب بيدينها و يقول هالقصيدة ..
أستكثرك وقتي على وغدا بك
عادة زماني كل ما طاب هون
ليت الذي وداك يازين جابك
تشوف عقبك كيف الأيام سون
شرق مشيت وغرب وقتي مشابك
والقلب ماله لايمٍ فيك لو ون
عقب إلهنا بك ذاق لوعه عذابك
تلـونت دنيـاه ولا تلـون
طويتني طي الورق في كتابك
حتى معاليق الحشى لك تطون
اشتقت لأيام الهوى في جنابك
يوم الشموع بليل الأحباب ضون
واشتقت أقول لهاتفك مرحبا بك
واشتقت لغيوم الصحارى تكون
عود ترى داع الهوى عند بابك
وأروى القلوب الى بعد ماترون
غنيت لك عمري ولاجا جوابك
واسمي مع مجنون ليلى تدون


العنود بصوت خافت ما سمعه الا رنيم اللي ابتسمت عليه .. / من كثره الايام الحلوة ..

ابتسم نايف و بخبث صار يغني / تقوى الهجـر ..
وش لي بقى عندك .. تدوّر لي عذر ..
لا تعتـذر
تقوى الهجـر .. ما نجبـره .. من عافنا ما ينجبـر ..
لا تعتـذر
زاح الصبر .. لا لا تعنّى لي وتمـرّ .. وتبغى الصبر ..
ويـــن الصبر؟؟
جرحي عميق .. والقلب في دمّـه غريـق
وتبغى الصبر .. ويلاه من وين الصبر .. مهما تقول لا تعتـذر
مهما تقــول .. من الأغاني والجمل .. ما يحتمل .. قلبي فدية جبر الألم
يمشي معك درب الندم .. ما يحتـمــل
يكفي عليه .. منك احتمل كذب وغـدر .. حبك سراب .. ضيعت وقتي أتبعـه
وسط الضبـاب .. وصوتك ينادي اسمعـه .. صرت أتبعه ..
واليوم في صحراء الظما .. ترمي فؤادي وتحرقـه .. ترجع تقـول ..
أبعتـذر .. ليــــه العــذر
دام الهوى .. ما له على قولك عذر .. والجرح يا جرحي يداويه الصبر ..
ليـــه العــذر ؟؟
الله كريم .. الله عليم .. هو عالمٍ بالحال .. ولا يمكن يظيم
عزاه لك .. يا قلب يا أحلى نديم .. عزّتي .. للحب لو يصبح يتيم
حبك يتيم .. وكلك ندم .. حبك يتيم
وين الندم بين السطور .. أمر العدم ماله ظهور ..
ترى هذا غـــرور .. هذا غـــرور
تمشي بطريق .. وأنا بطريق .. اللي يوديني لبعيـــــــــــد
عنّك يا أول رفيق .. البعد يعفيني المزيـــــــــــــــد
وين الوفى والتضحية .. وينك رفيق ..
وين الوفى والتضحية .. وينك رفيق ..
وبتجمع أوراق السنين
لا تنسى تجمع جروحي .. ودمعي .. وآهـاتي معــك
وقلبي بعد ما قتلته .. يا رفيقي .. ما عاد يقدر يمنعك
كل الأمر .. عاد بيديك ..
يا خلّ يا هـــاجــر ..
ما عندك عــذر


بتال ابتسم .. و هو يلتفت على سلطان اللي جمع بقبضة يده رمل و قربب عند ابوه ..
بتال يمسك كف سلطان و ينفظها و يمسحها بمنديل / سمعت يا بابا .. ايش رايك ..
العنود اللي كانت مستمعه مثلها مثل البنات .. كانت صاده بنظراته عن الجلسة ..
بعد ماسمعت كلامه التفتت عليهم .. بس فزت واقفه وهي تلمح الظبي تدخل البحر ..
و بصراخ / الظبببببببببي ..

البارت 44 ..






من خصايص عنود الصيد كثر الطواري
و عادة الظبي يجفل ليتحرك ظلاله
مايصيد الجوازي كود بخص و داري
القنص بالركاده و التسرع جهاله
و لا يعرف الطرد من لا يعرف الصحاري
ماتعرض سموم و لا تعرض شماله
كل درب عليه من المخاليق ساري
للسوالف رجال و للشكاله رجاله
و انت عشقت حياتي يا غزال البراري
اتفاول بوجهك سعد من صرت فاله
انت و الله حبيبي و انت و الله داري
إن نظرة عيوني يم غيرك جماله
ما نقطع سيل حبك بالمعاليق جاري
كن قلبي خلقه لله لحبك سباله
ليتني يا قمرها غار منها نهاري
حيث وصل الموده همسة في لياله
ليت واهج غرامك مثل وجدي و ناري
مير ماظن في دنيا المحبه عداله




" خالد الفيصل " ..





بصراخ .../ الظببببببببببببي ..
فز بتال و اقف .. و برعب راح يركض جهة البحر .. كل من كان جالس فز واقف مرعوب ..
الظبي اللي اول ماوصلت لشاطي .. صرخت امها مع برودت ماي البحر ارعبتها ..
حتى ترجع للخلف .. بالوقت اللي وصل فيها ابوها و حملها بين يدينه ..
الظبي برعب وهي فاتحه عيونه .. وبكلمات الاطفال المضحكه / بذاغذييثياثه .. << تعبت وانا اكتبها ..
بتال بخوف و غضب و ضحكه .. طالع فيها و هو يهزها بخفه / بذاغثيه هاا ..
الظبي ضحكت وهي ترفس برجولها .. وابوها ماسكها من الخلف و يضحك ..
الكل / ههههههههههههههههههههههه ..
العنود جلست بتعب حست بان الارض لفت فيها .. رنيم بخوف / فهد .. وين فهد ..
سند اللي توه جلس و تكى .. عدل جلسته برعب و بثواني رجع يسترخي على المركى .. و بضحكه / مو نايم ..
رنيم براحه و هي تتذكر / اهاا الا صح .. نايم ..
الكل / هههههههههههههههه ..
طلال بمرح يلتفت على مرام / وين عيالم يا حرمه ..
مرام تطالع فيه و بهدوء / نايمين استودعتهم الله ..
طلال بفخر / يا فديت العاقلين .. بسم الله عليهم ..
الشباب بصوت واحد / لا يكثر ..

:
:
:
:
:

بعد ساعات ..




بغرفة البنات ..



ابرار تطقطق بجواله و تتبوسم .. نوال نايمه على بطنها و تراقب حركات ابرار بنظرات غاضبة ساخره ..
غرام جنب شجون و يتهامسون وواضح ان الجو مكهرب بينهم ..
مرام بضيق وهي مغمضه عيونها و حاطه يدها عليهم و اولادها نايمين جنبها / الي مافيها نوم تنقلع برا الغرفه ..
العنود و قفت و هي تاخذ الظبي و سلطان .. وبتعب / انا طالعه برا العب الظبي و سلطان لحد ما يتعبون وينامون ..
ساره وهي تحت فرشتها بضيق / كله من نايف و بتال هم اللي نيموهم المغرب .. والحين حنا اللي ابتلشنا ..
العنود تلبس عبايتها على البيجاما .. / خلاص ناموا .. و اللي مافيها نوم تطلع لصالة ..
ابرار قفلت جوالها و اعطت البنات ظهرها و نامت .. و شجون كذالك .. غرام بعصبية رفعت الفرشة ودخلت تحتها ..
العنود طلعت و هي تاخذ الطبي و سلطان بعد مالبستهم ثقيل لخارج الشاليه .. فالمكان اللي كانوا سهرانين فيه ..
جلست على الفرشة و نزلت العاب سلطان والظبي على الارض و بداو يلعبون ...
الجو حولها هادي .. صوت الموج و ريحة البحر تاخذك لبعيد .. ضمت رجلينها لصدرها ..
ولفت يدينها حولينها .. ميلت شوي عليها واتكت .. و هي تطالع البحر .. دندت بصوت خافت ...

خاطري الليلة أسولف حاسس بقلبي كلام
لو تحبني يالله اسهر لو تحبني .. لا تنام !
يعني ما تقدر تحمّل تنتظري لين أكمل ؟
ضاق صدري وانا أحكي كل ليلة للظلام
فيني أشياء بخاطري ما أقدر أحكيها لغيرك
فيني زحمة من مشاعر تنتظر رحمة ضميرك
وآهـ يتلعثم صداها بصرخة ما أعرف مداها
وكلمة مخنوقة في صوتي ما تخليني أنام ..


تنهدت بعمق وهي تغمض عيونها بالم .. فتحتهم التفتت على الظبي و سلطان ..
ابتسمت بحب و حنان و هي تشوفهم يلعبون برمل .. مدت يده و مسحت على شعر الظبي .. ورجعت تضم يدينها ..
سلطان و هو يصفق بيدينه و بفرحه / بابااا ..
العنود ما انتبهت للي واقف و راها بمسافه لا هي بعيده ولا هي قريبه ..
العنود ابتسمت و هي تمسح خده / فديت المنطوق .. " نزلت يدها و هي تشوف سلطان يوقف ..
ويمشي مر من عندها التفتت على الجهه اللي رايح لها و شافت بتال واقف و هو لف يدينه على صدرها ..
حست برجفه تسري بجسمها وكان الجو برد فجاه .. صدت عنه ..
بتال جلس على ركبه و هو يفتح يدينه لسلطان .. ضمه و رجع وقف .. تقدم كم خطوة قريبه من الفرشة ..
الظبي رمت لعبتها بغيره و تقدمت منه .. ابتسم و نزل ضمها و رجع وقف .. الظبي و سلطان وهم بين يدينه ..
صوت ضحكاتهم و لغاتهم الطفولية الغير مفهومه .. العنود حست بريقها جاف .. حاولت تبلع جرعه من ريقها ..
لكن عجزت .. وهو واقف بصمت خلفها .. تقدم اكثر و مر من جنبها و تعدا الفرشه .. جلس على الرمل ..
و نزل الظبي و سلطان .. وصار يخطط على الارض و يلعب الظبي و سلطان .. مرت ربع ساعة ..
مانطق حرف .. صمته كان مربك لها .. و شي بقلبها مو مفهوم .. خوف او توتر او شي ثاني ..
وقفت و مشيت بخطوات سريعه مرتبكه لشالية .. وقف اول ما سمعته يناديها بنبره غريبه ..
بتال بنبره غامضه .. هادئة ممزوجه ببرود لدرجة الصقيع ../ العنود ..
العنود وقفت وهي معطيته ظهرها لفت كفوفها ببعض بتوتر /........
بتال بنفس النبرة / ما ادري اذا عندك علم او لا .. باني رجعت طلبتك من راكان ..
العنود لفت عليه وطالعته .. كان يمسح كف الظبي .. وبرود كمل / انا غلطت و اعترف .. وانتي غلطتي ..
العنود تقاطعه / ا....
بتال بهدوء قاطعها / لا تقولين شي الحين .. فكري بالعيال و مستقبلهم .. استخيري .. وانس اللي مضى ..
ومثل ما اقلت .. انا غلطت و اعترف .. و انتِ بعد غلطتي ولا تنكرين ..
العنود عصبت .. كانت بترد بس سمعت صوت نايف وهو يسال باستغراب / ايش فيه ..
بتال ابتسم وهو يطالع عياله يكتم ضحكته .. العنود بقهر / هذا لانكم نيمتوهم المغرب مارضو ينامون الحين ..
استلموهم وانا رايحة انام .. " توجهة لشاليه و هي تمشي بعصبية .. توها دخلت اذن الفجر " ..
بعد ماانتهاء الاذن .. نايف بهدوء وهو يجلس / بخاطرك كلام ..
بتال رفع عينه و رجع يطالع بالعاب الظبي و سلطان .. و بهدوء / انت الوحيد اللي عارف بكل شي صح ..
نايف هز راسه / صح .. كل كلمه و كل حركة وكل نظره ..
بتال بهدوء / انا غلطت .. وهي غلطت .. صح ؟
نايف بهدوء / بس انت اهنتها و جرحتها .. شكيت بعفتها .. و ضربتها و طردتها ولا سالت ..
بتال هز راسه / وانت تدري انها هي سكتت وكانه عجبها .. او حابه تكون مظلومة ..
نايف عقد حواجبه / انت ماعطيتها فرصة ..
بتال ابتسم بسخريه / انت تعرف العنود اكثر مني .. لو بتغت تقول شي تقوله ..
نايف سكت و هو يطالع بالظبي اللي تتثاوب بنعاس .. ابتسم / الظبي شكلها تعبت بتنام ..
بتال يوقف / اصلا صار لزم يدخلون .. والحين تقوم صلاة الفجر .. شوف سلطان كيف نام ..
نايف التفت على سلطان وشافه نايم على الرمل فز واقف و هو يبتسم بخوف / والله لو تشوفنا .. تصير علوم ..
بتال اخذ الظبي بين يدينه و نايف اخذ سلطان .. اول ماوقفوا عند باب الحريم نادا على العنود .. نزل بتال الظبي ..
وراحت تمشي لامها .. العنود طلعت اخذت سلطان ونايف راح يتوضأ لصلاة ..






ـــــــــــــــ






الساعة 10 صباحا ..





العنود بـ ارهاق .. / انا ابي انام .. عن اذنكم ...
الكل باصوات متفرقة / الله معاك .. نوم العوافي ..
ابرار دخلت بوقت خروج العنود .. تقدمت بخجل لامها و انحراج من الموجودين ..
همست لامها .. ام عناد ابتسمت وهز راسها ../ روحي ربي يوفقك ..
ابرار و قفت بخجل و طلعت من الشالية وهي تربط نقابها ..
نوال طالعت ابرار بنظرات .. و رجعت تطقطق بجوالها .. نزلت جوالها و هي مقهوره ..
مرام ضربتها على كتفها و بمزح / اذكري الله .. لا تطقينهم عين و تفرقين بينهم ..
نوال فتحت عيونها / من .. انا .. " عقدت حواجبه بغضب " .. روح هناك .. تحسبني احسدها ..
مرام ابتسمت / العين حق ...
نوال تقلب عيونها وبضيق / لا اله الا الله .. ما شاء الله تبارك الله .. اللهم صل على النبي ..
مرام ابتسمت / على افضل الصلاة و السلام .. طيب قولي لي .. ايش صار بينك و بين سعود ..
نوال تغير وجهه و هي تكتم ابتسامتها / اعتذر لي .. و راضاني ..
مرام رفعت حاجب / انتي ما عندك غير هالكلام ..
نوال تتنهد وهي تعدل جلستها / ايش يدخلك .. بيني و بين زوجي ..
مرام بتفاجاء / اوه حركات .. زوجي .. تطورنا ..
نوال ابتسمت و صدت عنها .. مرام بهمس / مادام للحين تحبينه ليش هالعوابة كلها ..
نوال بضحكة / هههههههههه اذبح الاسد من اول ليلة ..
مرام / ههههههههههههه عوبا ...






ــــــــــــــــــ





بمجلس الرجال ..





سعود قفل جواله و وقف .. كان لبس بلوزه خضرا وبنطلون بيج .. جلس جنب عمه عبدالعزيز وابتسم ..
عبدالعزيز كان يتقهوى ويسولف مع اخوانه و عيال عمه .. استغرب من تصرف سعود التفت عليه ..
و رجع طالع لخوانه .. بس رجع بسرعة لمن شاف ابتسامه غريبة على شفات سعود ..
عبدالعزيز باستغراب / ايش عندك ..
سعود بابتسامه / عمي حبيبي ..
عبدالعزيز بنظرات .. يعني اخلص " .. / هاااا ..
سعود بابتسامه / بنتك نادتني تقول ابي اشوفك لحين لا اموت ..
عبدالعزيز بضحكه / نوال .. هههههه .. ليتها تسمعك والله .. كان عرفت تعلمك كيف تكذب على لسانها ..
سعود يسحب جواله يفتحه حتى يمده لعمه حتى يشوف رسايل نوال على الواتس اب ..
عبدالعزيز يتاكد من الرقم عقد حواجبه و التفت على سلطان بصدمه .. / يتحاكون ..
سلطان بفخر / هههههههههههه ولد سلطان ..
عبدالعزيز بضحكه و هو يرمي الجوال .. / خذ .. خذ العوبا وانقلع انت و اياها .. يا الله .. ههههههههههه ..
سعود وقف وهو يسحب جواله و يطلع من المجلس ..





ــــــــــــــــ






عند جلسه قريبه حيل من البحر ..


ابرار مبتسمه بخجل / الي يعجبك ..
فارس وهو ماسك يدها و يمسح عليها بحب و بابتسامه / اشلون يعني ..
ابرار وهي تسحب الشيله لا تطير .. بخجل / فارس ..
فارس تفهم خجلها و بهدوء وهو مبتسم / طيب يعجبك الاسود .. انا شفت سرير نوم اسود عجبني ..
قلت اخذ رايك بالاول .. و اذا ودك تروحن معاي تختارين ماعندي مانع .. ويفرحني ..
ابرار بخجل / لا ..
فارس يرفع يدها و يقبلها / برو .. حبيبتي .. لا تخلين هالخجل يبني حاجز بينا .. معي ابيك تكوني براحتك ..
ابرار بخجل / .................
فارس رفع يده و سحب النقاب عن وجهها .. ابرار شهقت و بسرعه رفعت يدها بترجع النقاب ..
فارس بحزم / ما فيه احد .. ابرار ..
ابرار بحرج تنزل يدها .. و وجهها مكشوف .. كان احمر من الخجل / اخاف حد يمر ..
فارس رفع حواجبه / يعني لو المكان ممكن يكون مو امن اقولك افتحي .. ليه انا ديوث ..
ابرار بخوف و ارتباك / لا .. بس .. يعني ..
فارس وهو يصد يطالع البحر .. ابرار بضيق تمسك يده / لا تزعل .. مو قصدي ..
فارس بجفاف / عادي .. " رفع جواله و طالع بساعة " .. الساعة قربت على 11 ..
الحين الشمس تحتر اكثر .. قومي نرجع ..
ابرار مسكت يده و شدت عليها قبل لا يوقف .. بخجل قبلته بخده .. و بهمس / اسفه ..
فارس التفت لها و هو مبتسم و بحب / انا ازعل من الدنيا كلها الا منك ما ازعل .. " وهو يقبل جبينها " ..
ابرار بخجل ربطت نقبها .. و قف فارس و وقفها معاه .. مسك يدها و صار يمشي على الشاطى و يسولف معاها ..





ـــــــــــ





نوال و سعود بالسيارة ..



نوال بقهر / لا والله .. انا ابي اكل دجاج ما ابي سمك ..
سعود بلعانه / خلاص مو لا زم تاكلين .. اقعدي قبالي و انتي تنفخين على الاكل .. و تاكليني .. مثل حريم اول ..
نوال فتحت عيونها للاخير / لا و الله .. احلللللللللللف ..
سعود بحزم / هذا امر من زوجك بتعصينه .. تلعنك الملائكة ..
نوال سكتت بقهر / .................
سعود كتم الضحكه بصدرة .. و هو يتحلف بنوال .. و صلوا المطعم و دخلوا و طلب اكل ..
نوال قاعده طول الوقت وي بس تنافخ .. سمعت صوت القرسون وهو يجيب الاكل ..
سعود نزل صحون على الطاوله و نوال ما زالت صاده تطالع البحر من خلف الزجاج ..
سعود يجلس جنبها على نفس الكرسي حشرها .. حتى تقفز بخرعه لجته الزجاج ..
سعود ببتسامه / مدي يدك و كلي ..
نوال بارتباك و عصبية و هي ما زالت صاده / ما ابي و ابعد عني ..
سعود بلعانه / انا ابي و راح تاكليني بيدينك ..
نوال تقلب عيونها بضيق / ماابي سمك مو مشتهيتهه ..
سعود بهمس / طيب شوفي الاكل يمكن مو سمك ..
نوال طالعت الاكل و شافته كله دجاج مافي سمك .. طالعت بسعود و رجعت صدت و هي تحاول تخفي ابتسامتها ..
نقزت وانكمشت على عمرها لمن حست بيد سعود تلف حول كتفها ..
سعود يهمس قريب اذنها / ما اقدر ازعلك يا العوبا .. " و هو يقبل خدها بعمق " ..
نوال اللي بلعت لسانها و صارت قطه مسالمه مالها صوت .. الحمرة اكتستها .. و هي تاكل شوي شوي ..
سعود كل ما حس ان الضحكة بتخونه صد بوجهه عن نوال ..





ـــــــــــــــ





بالغرفه ..


تطالع سقف الغرفة .. تنهدت بتعب .. كل ما تغمض عيونها تذكرت اللي صار ..
سمعت صوت الظبي و سلطان .. معناتها صحيو ..
بعد ما حممتهم و غيرت لهم .. ارسلتهم لنايف .. رفعت جوالها و ارسلت لنايف ..
" لا تخليهم ينامون .. و لا تسمح لابوهم ينيمهم .. مو مثل امس .. انا ابي انام شوي " ..
نزلت الجوال جنبها .. سحبت الفرشه عليها و غمضت عيونها بتعب .. بعد دقايق ..



.....بابتسامه و صوت هامس / عنود ..
..... بتعب و ضيق / شكلها نايمه خليها ..
العنود بين التعب و النوم و التفكير .. فتحت عيونه و هي تفكر نفسها تحلم .. التفتت خلفها و هي عاقده حواجبها ..
الجوري بخجل / ازعجناك ..
العنود مازالت بتسلط النوم / ...............
مشيره بتعب و ضيق / خلاص عنود كملي نومك ..
العنود جلست و هي ترفع شعرها / لالا تعالي ..
الجوري ابتسمت و هي تسلم عليها و سالت عن حالها واحوالها و استأذنت بالخروج ..
العنود سحبت مشيره وجلستها على السرير / ايش صاير ..
مشيره انفجرت بكي بحضن العنود .. بعد وقت / مالي اسبوع من انتهت العده .. وهذا اولها ..
العنود تنهدت بقهر / طيب ايش قال جدي منصور ..
مشيره تمسح دموعها بقفى يدها ../ طردها من البيت .. انتي تعرفين عمتي .. لسانها متبري منها ..
كانت ساكته طول فترة زواجي علشان سمير .. ربي يرحمه و يسكنه فسيح جنانه وجميع اموات المسلمين ..
العنود بضيق / استغفر الله العظيم .. هي بس تبي منصور ..
مشيرة بوجع / انا ما ابي امنعه عنهم .. راح يكون عندهم من الاربعاء الصباح الا مساء الجمعه ..
وطول الاشهر اللي مضت مامنعته عنهم .. بس هي تبيني اسكن عندها في البيت .. تخيلي ..
العنود بثقه / ما راح تقدر تجبرك .. و مالها سلطه عليك .. عندك اخوانك و جدي منصور ما راح يسمح لها ..
مشيره هزت راسها بضعف / انا موكله امري و امر اليتيم لربي ..
العنود تنهدت / والنعم بالله ..
بعد صمت لثواني .. مشيره بهدوء / اخذتي اخباري .. ما بتعطيني اخبارك ..
العنود هزت اكتافها / ما ادري .. احس باشياء كثيره ملخبطه .. " تنهدت " ..
ان حكيت محد فهمني و ان سكت محد فهمني ..
مشيره بهدوء / قولي و انا اساعدك ..
العنود توقف و هي ترفع شعرها / مو الحين .. قومي .. خلنا نشوف الوضع برا ..
مشيره هزت راسه / اصل انا تعبانه وانتي الواحد وهو صاحي ما يفهم كلامك .. كيف و هو تعبانن ينجلط ..
العنود طالعتها بنظرات عتب و صدت عنها .. مشيرة بضحكه خافته / لا تزعلين .. انا ما كذبت ..
العنود هزت راسها و هي تلف شيلتها و تطلع من الغرفة ..







ـــــــــــــ





بمجلس الرجال ..


بتال حضن الظبي و سلطان و بدا يلعب بشعرهم الا ان ناموا و نام معاهم ..
نايف بزاوية المجلس نايم ..




المتواجدين ..
" ابو سطام .. ابو عبدالعزيز .. فهد .. خالد .. سلطان .. عبدالعزيز .. متعب "..



متعب بمزاح / ها يا ابو بتال انت قلتها من قبل ان اصروا عليك تراها بوجهي ..
سلطان بضحكة / و انا عند وعدي ..
خالد بضحكه / لا تسمعك ام بتال ..
سلطان بثقة / وان سمعت .. انا ما امزح بذا الهرج .. انا ناوي التزوج ثانية ..
فهد بتحذير / سلطان ثننتين مابها مزاح ..
سلطان باستغراب و زعل / انتم ايش فيكم .. انا بزر .. و الشرع محلل اربع ..
ابو سطام و ابو عبدالعزيز اللي كانوا مستمعين فقط .. و كل له هم يفكر فيه ..
متعب قطع سرحانهم / هااا يبه .. العروس اللي خطبتها بوجه سلطان ..
ابو عبدالعزيز بحزم / انت ملزم يا ابو بتال ..
سلطان بضحكة / الله الله ..
ابو عبدالعزيز بثقه وكان الموضوع اللي يقوله لان يعاد نقاش فيه / اجل جاتك بنت ولدي و ما تنرد ..
متعب اللي كان مبتسم فجاه بهت لون وجهها و جمد و كانه احد صفعه كف .../..........
الكل بحالة صدمه .. / ....................
ابو عبدالعزيز بحزم / ايش فيك سكت .. ما دام منت قد الهرج ايش له تهرج فيه ..
سلطان شافت نظرات ابوه الحازمه و الغاضبه .. و بثقه وانا ان شاء الله صاينها و حافظها .. ونعم الاصل و الفصل ..
متعب بصدمه / يبه ..
ابو عبدالعزيز بغضب / اصصصصصصصصص ..







ــــــــــــــــــــــ







الساعة 8 .. مساء ..







بجلسة على الشاطي ..



بتال بحضنه سلطان يلعب بجوال ابوه .. و الظبي بحضن سعود ..



بتال / هههههههههههه و مشت ..
سعود بضحكه / مثل الشطوره ..
بتال / هههههههههههه جعله دايم .. مو بس غيره ..
سعود بضحكه / لالا .. دايم ان شاء الله .. عرفت وين الصمام ..
بتال ابتسم و هو يطالع بسلطان / انا ما قلت لك .. كلمت ام سلطان و قلت لها ابي ارجعك ..
سعود بجدية / ايه ايش قالت ..
بتلا تنهد / شايله بقلبها .. " و بصدمه " .. البنت شايله في قلبها بزود عليه .. برغم مو انا لحالي اللي غلطت ..
سعود باستنتاج / يمكن لك مكانه بقلبها عاليه و انت خذلتها .. ان اللي سمعته انها زعلانه على متعب ..
بتال بقهر / احسسسسن جعلهم ما يتراضون .. " و برفعت حاجب " .. وانت كيف تقارني فيه ..
سعود بسخرية / الحين خليت الب و رحت للقشر .. شغل مخك يا اخي ..
بتال بفهاوه / هاااا ..
سعود يعطي المسبحه لـ لظبي .. و با اهتمام / الحين يوم تزعل على راكان و الا احد من اخوانها ..
كيف تعامله .. ايش يقول راكان .. ايشلون هم يراضونها ..
بتال بنظرات ساخره / يعني تشبهني با اخوانها ..
سعود تافف / اوووووف .. طبعا .. انا اللي اقصده ان لو مالك مكانه بقلبها ما عاملتك بذا الطريقه ..
بتال رفع حاجب و بعدم تصديق خارجي و امنيه داخليه / ايش الاستنتاج البايخ ذا .. ما اتوقع ..
سعود جلس الظبي على الارض / طيب .. جربت تدخل نايف بالموضوع ..
بتال هز راسه / ايه .. و شكلها بصفي . وانا دخلت من نقطة الضعف .. العيال ..
سعود هز راسه / حلو .. " انتبه ان الظبي قطعت المسبحه و كانت راح تدخل فص منها بحلقها " ..
سعود شهق بخوف .. وهو ينفض يدها .. الظبي اخترعت .. و صارت تبكي ..
بتال بخوف يحملها بين يدين .. و يحضنها .. يهديها ..
سعود وقف و هو ينفض بنطلونه من الرمل / انتم اللي يقعد معاكم يجيه جلطة بالدماغ .. خلني اشوف عوبتي ..
بتال بفخر و ثقه / الحين تترك هالجلسه اللي توسع الخاطر و تروح لغثاء .. صدق من قال الحب عذاب ..
" قال الاخيره و هو يستهزاء على حاله و حال اخوه "..
سعود / هههههههههههههههههههههههههههه ..







ـــــــــــــــــــــ









ابرار و فارس جالسين بزاوية بعيده عن الكل ..



الحريم مفرشين لهم تحت الشاليه .. و الرجال مو بعيد عنهم ..
الشباب متنتشرين .. اللي يلعب و اللي يجهز العشاء ..
العنود ومشيره جالسين على الشاطي الكل يشوفهم بس ماينسمع صوتهم ..
اماني و روان و البندري و ساره .. يصورون بكاميرا كانون ..




اماني / امسكي ذا الشمعه .. و كانك تنزلين دمع على الورده .. و حطي الدب هينا ..
روان / لا تصير ثقيله كذا .. شيلي الدب ..
البندري و ساره مطنشينهم و يصلحون شغله ثانية ..
واماني و روان مو منتبهين لهم قاعدين يتناقرون ..



العنود بهمس و هي تطالع البحر قبالها / ابي ابكي مو قادره ..
مشيره بهمس وهي مثل العنود تطالع البحر / طيب ليه ما رحتي لدكتورة نفسية ..
" سكتت شوي .. و كملة بارتباك " .. انتي اللي شفيه مو بسيط .. و اللي كنتِ عايشته و فجاة تغير عليك ..
العنود تنهدت وهي تقاطعها بهمس خافت / رحت ..
مشيره بصدمه سكتت .. العنود كملت / مع نايف .. مره وحده و هربت .. " سكتت بالم " ..
مشيره سكتت الثانيه .. بعد فترة صمت / ايش قلك نايف ..
العنود بغموض / طلب بتال ..!
مشيره تستحثها على الكلام / همممم ..
العنود تنهدت / ما ادري .. مرات اقول علشان الصغار ابي ارجع له .. ومرات يشلني الخوف من الخذلان ..
بتال الوحيد بخذلانه اوجعني .. اوجعني كثير ..
مشيره ابتسمت بالم / تحبينه ..
العنود صمتت لثواني / ما ادري ..ان قلت هذا .." وهي تحط يدها على قلبها "..
لشافه او سمع صوته ما تتغير نبضاته اكون كذابه .. و اذا " و هي تحط يدها لى راسها " .. يرفضه ..
مشيره بعد صمت / لو مات ..
العنود بسرعه التفتت لها / بسم الله عليه .. جعل عمره طويل ..
مشيره ضحكه بالم / اجل لا تقضين باقي عمرك بندم .. و لا تجربين هالندم .. طعمه مر و يوجع ..
العنود طالعت البحر و سكتت .. حست بيد تلف حولها .... وبصوته المازح / ايش تحشون فيه ..
مشيره ابتسمت / فيك اكيد ..
العنود حاولت تبعد يده ما قدرت .. متعب اشر لمشيرة تروح و تتركهم لحالهم ..
مشيرة وقفت و بعدت .. راجعه لجلسة الحريم ..
متعب بهمس / اذا غلطتي اعترفي بغلطك ..
العنود بجمود / لو شخص مايعرفني كان تقبلتها منه ..
متعب بحزم هامس / مو مهم .. انتي عارفه انك غلطانه و انتهاء ..
العنود التفتت عليه وهي رافعه حاجب .. متعب و لا التفت .. / ابوي بيزوج مشيرة لعمك سلطان ..
العنود بصدمه / نعم ..







ــــــــــــــــــــ








بجلسة الرجال ..




ابو عبدالعزيز / الحين اللي اصغر منك تزوجوا و انت قاعد ...
عناد بضحكه / عجبتني .. حر .. محد يقولي و ين رايح و ين جاي .. والا اصير مثل هالخبول ..
و احد جالس هناك حاط راسه براس حرمته .. و الثاني هناك .. " يقصد سعود و فارس " ..
والا اللي يلحقون بزرانهم .. " يقصد بتال و طلال و راكان و سند " .. والا اللي يروح يشتري بذا الاكل..
و يعطي حرمته .. ماكان عمرها اكلت .. " يقصد رعد " ..
ابو سطام يضربه / اذكر الله ..
عناد / ههههههههههه لا اله الا الله .. و لا ازيدك من الشعر بيت .. و احد مغير عاقد الحواجب و يطقطق بذا الجوال ..
" يقصد بدر " .. و ياليت معطينه و جه .. و واحد ميت .. مدري من الشوق و الا الهم .. وبعض الاحيان منسي ..
" يقصد بدر " .. و واحد انخبل .. من شاف اخوانه تزوجوا و هو يصيح ..
سيف يقاطعه / اي والله زوجوني زوجوني .. قبل افسخ عقلي زوجوني ..
ابو عبدالعزيز بضحكه / ليه ما تقول لاهلك يدورون لك ..
سيف حطها بالوجه / يا عمي امي مدحة لي بنتكم .. و انا قلت لابوي ابوي قال انتظر ..
و انا مو قادر انتظر انتي اعتبرني ولدك كيف تزوجني ..
عبدالعزيز فتح عيونه للاخير .. مشهد الظهر للحين ماراح عن باله .. قبل لا يتكلم .. صار اللي خايف منه ..
ابو عبدالعزيز / جاتك .. بس صلح تحاليلك و تعال خذها ..
ابو سطام بفرحه / و النعم يا ابو عبدالعزيز .. زين الاصل و النسب ..
عناد طالع بسيف و طالع ببدر و زياد .. وهو يحرك حواجبه يعني راح فيها ..
سيف من نظرات ابوه صار يتاتا بالكلام ../ ااا .. امممم .. " بلع الكلام من شاف نظرات جده ..
قام و راح يلعب كورة مع طلال و سند و راكان وبتال .. اللي يلعبون صغارهم "..
ابو سطام ضرب رجل عناد بعصاته / انت متى تملك ..
عناد نقز في مكانه منخرع / يبه .. طيب اسمع انا بس لا تضربني ..
ابو سطام فتح عيونه / ...........
عناد بضحكه / هههههههههه على هونك يا ابو سطام .. " و بتغيير الموضوع " .. الا مالك خاطر بمكه ..
ابو سطام هز راسه بسخرية / الا والله .. " تنهد " ... وهو فيه احد ما وده بمكه ..
ابو عبدالعزيز / ايش يردك عنها .. و المدارس كم يوم و تخلص .. رح قبل الزحام ..
فهد / و الله صادق .. ومرة وحده نغير جو حتى العيال ضاقت صدورهم من زمان لا سافروا و لا استانسوا ..
ابو سطام هز راسه / يصير خير ..






ــــــــــــ







جلسة اخر ..





خالد بهدوء / هذا اللي صار و انا ابوك ..
صقر بغصه / و انا و ين كنت .. ليه ما قلتوا لي ..
خالد بحزم / الحين مو وقت وين و ليه .. انت لازم تعرف انك الحين انت رجال البيت ..
كمل دراستك .. و شف امور خواتك .. و بخصوص امور القضية هذا غيث عندك .. اساله ..
غيث كان ساكت و يطالع البحر .. صقر التفت لغيث و شاف عمه يوقف و يروح لجلسة الرجال ..
صقر بضيق / علشان كذا مشاكل بينك و بين ريما ..
غيث بدون لا يطالعه / لا .. انا وريما فيه وعد بيننا .. " تنهد " .. المهم ..
انا اخذت توكيل من ابوك .. يوكلك بكل شي .. " و بدا يسرد له الامور و يوضح له " ..
و صقر يستمع بالم و قهر و حزن ..







ــــــــــــــــــــ








بعد العشاء ..
و بوقت متاخر ..


مابقي الا الشباب و البنات صاحين ..

الشباب على فرشه .. واالبنات مو بعيد عنهم ..


العنود جالسة في بلكونه الشاليه .. ماسكه عيالها و رافضة روحتهم جهة الشباب ..
بس سلطان والظبي جننوها بصياحهم .. فقرر بتال ياخذ له فرشه و يجلس قريب من الشاليه ..


متعب و راكان و طلال و رعد يلعبون ورق ..
نايف و عناد و فارس يعلقون و يضحكون ..


نايف بدا يغني

فـي غــربتي تـغـرب النـــور عــن عــيـني
وش حـاجـتي فـي نور عـيـن غـاب غـاليها
أمر السـفـر يـا نـظر عـيني قــضى فــين
نـفـسي عـلى مـا تـعـاف امـر الله حـاديــهـا
يـمـك حبيـبي عـظيم الشـــوق يـدعيني
يسرى بعروقي كما تسرى الدما فيها
عـلـى خـطــرها حــيـــاتـي يـا مــعنـيــني
بعـدك عـطـبها وشــوفــك حيـــل يـشـفـيـهـا
أخـاوي الـلـيـل وهاجـس ليـل يــخـاويـني
يـمك سرابي داعـي الذكرى بـحـاليها
أقـضي بـدنيــا لــعـيني شـــوفـهـا مــشيني
إلى مـتـى عـيـني عـلى شـــــوفــك تــمـنـيـهـا



الكل سكت و يستمع لصوت نايف .. اماني بعفوية تنهدت ..
حتى يلتفت الكل عليها .. اماني بفجعه / بسم الله ايش فيكم ..
طلال بسخرية / اماني خانوم .. والله خفنا .. حسبنا احد احترق من تنهيدتك ..
نايف ابتسم .. اماني بعبط / لا عاد تحسبون بعدين تموتون ..
الكل طالعها بنظرات حارقة حتى تبلع ريقها و تسكت .. وسط ضحكات البنات الخافته المكتومه ..
سيف بقهر / مالله عطاني خوات سنعات .. جعل العوض فيك يا هيام ..
الكل / ههههههههههههههههههه ...
سعود وهو يرفع حواجبه و يكتم ضحكته / عاد حدك الا نوالتي .. كل العقل فيها .. فديتها ..
الكل طالعه با استغراب .. سند الوحيد اللي انفجر ضحك / ههههههههههههههههههههههههههههه ..








و بجلسه بعيده عن هالجو .. و محد منتبه للوضع ..




بتال يقسم التمره و ياكل نص و النص الثاني يعطيه الظبي ..
الظبي تقزز منها و تروح لامها اللي مو منتبه ان بتال هو اللي يعطيها الظبي و عاجبته الحركة ..
الظبي و هي تطلع بحضن امها و تاكلها التمره ..
العنود مو منتبه تسولف مع مشيره .. و بما ان بتال تحت و المكان أضأته ضعيفه مو شايفته ..
العنود و مشيرة منسجمين بالكلام و هم يتهامسون و لبسين عباياتهم و براقعهم ..
بما ان الاضاءه قوية عندهم .. العنود الظبي ترفع نقابها و تحط التمره بفمها و ترجع لابوها و هي فرحانه ..
و بتال يستمتع بخبثة و هو ياكل نص التمرة و النص الثاني يعطيه سلطان او الظبي ..


العنود بعد فتره و هي خلاص ملت من اكل التمر .. مسكت يد سلطان ..
العنود بحنان / خلاص يا ماما ..
مشيره باستغراب وهي ترفع ودها اللي نام بحضنها و توقف / هم من وين يجيبون هالتمر ..
العنود بدون اهتمام / يمكن من عند ابوهم ..



بتال اللي ارسل لسند .. و ثواني سمع صوت ضحكة سند ..
مشيرة دخلت داخل الشاليه تنيم و لدها .. العنود باستغراب طالعت جهة الشباب ..
وقفت و هي تسمع صوت ضحكات الظبي و سلطان .. شافتهم يلعبون بالرمل ..
و بعفوية طالعت جهة بتال اللي قضم من التمره نص و رمى النص الثاني و هو يضحك ..
العنود و كان الصور ترتبت بعقلها .. بخجل و غثيان رجعت لشاليه وهي معصبه ..
دخلت على طول الحمام .. " اكرمكم الله " .. حولت تطلع اللي ببطنه بس ماطلع شي ..
سمعت طق الباب .. و مشيرة تسالها بخوف / عنود فيك شي ..
العنود غسلت وجهها بقهر .. و طلعت .. و بغضب مع خجل / طلع هو اللي ياكل نصها و يرسل نصها ..
" و بقهر " .. متقصصصد .. " ضربت بطنها " .. ابيه يطلع .. اطلع ..
مشيرة تطالعها بصدمه لثواني و بعدها انفجرت ضحك ..
طلعت رنيم من الغرفة و هي تسال باستغراب .. / ايش فيكم ..
مشيره بضحكة / بتال .. اكل العنود تمر ..
العنود ضربت كتف مشيره بقهر .. رنيم رفعت حواجبها / نعم .. لا فهموني .. كيف صار ..؟







ـــــــــــــــــ








الفجر ..




العنود و نايف جالسين على الشاطى ..
نايف بهدوء / ها .. ايش رايك ..
العنود تنهدت بتعب / نايف ايش فيك .. قلت لك ابي افكر مالي يوم من قلت لك ..
نايف تثاوب / طيب .. انا رايح انام .. الساعة 11 راح نرجع عندك خبر ..
العنود بضيق / ايه .. " و بقهر " .. انا امس ماقلت لك تنيمونهم .. " وهي تطالع سلطان والظبي ..
نايف بضحكه / ههههه اصل داخوا الحين اول ما تحطينهم بفرشتهم ينامون ..
العنود بابتسامه / طيب .. جيبهم لي ..
نايف بخبث / اقول عنود .. كانك لينه بموضوع الرجعه .. مثل اللي يقول مستحي مشتهي ..
العنود فتحت عيونها للاخير .. نايف / هههههههههههه " وهو يبتعد " ..








ــــــــــــــــــــــ








الساعة 11 ..





الكل عند سيارته ..



عناد .. / من اللي بقي من الشباب معطيناه شغله ..
سند / رعد و عمي عبدالعزيز و ابوي و صقر راحوا ..
من بقي .. سيف و فارس و ياسر و بدر و من " و بتذكر " .. راكان و بتال وطلال معاهم اهلهم .. من باقي ..
عناد بثقة / محد ..
سامر / زياد ..
عناد / اووووووووه صح زياد .. " و بمزاح " .. زياد ذا ابد ماله حس .. " ابتسم " ..
يا اخي البنات و جودهم اقوى من وجوده .. هههههههههههه ..
زياد الي كان جالس بسيارته و معطيهم قفاها حتى يحطون شي فيها .. و هو يشوف جواله اللي طاح بالبحر ..
احتراق او سلم .. جمد كل مافيه .. حتى انفاسه صار متقطعه ..
ساره كانت بالسيارة برعب طالعت فيه .. و في ملامح و جهه اللي تغيرت بشكل يخوف ..







بتال كان يربط الحبل على الفرش اللي بالددسن 2013 ..
بتال معصب .. ما شبع نوم .. و لقي الشباب حاطين على ظهره اشغال ..
التفت على فارس اللي مشغل الاغاني و رافع الصوت ..


هيلا هيه
هيلي يلا
هيلا هيه
هيلي هيلي يلا

One two three four five six seven eight nine ten
ولد ولد ولد ولد ولد

سيدي يلبس باروكة
وأنا قرعة قرعة ليه
ليه ليه
قرعة ليه
ليه ليه

سيدي يركب روز رايز
وأنا هوندا هوندا ليه
ليه ليه
هوندا ليه
ليه ليه

سيدي يشرب ريد بول
وأنا كولا ليش ليه
ليه ليه
وأنا كولا
ليه ليه
ليه ليه





بتال التفت بعصبية و صرخ / فااااااارس ..
فارس رفع راسة باستغراب .. كان يراسل ابرار على الواتس و مندمج و ناسي العالم .. ببرود / هلا
بتال بعصبية / و طي صوت هالخربان .. وقوم ساعدنا ..
فارس بابتسامه / روق يا عمي .. و اسمع ..


يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
ثلاث غزلان بعيني وردن ع البير الغيداني
دق الماني دق الماني
ويلي ع غزيل شارد حود ع العين و ما جانمي
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
جانا الخبر من قبله شوقي لابس مبرومه
دق الماني دق الماني
و شلونه و أرباع أرباع بصدر الغالي مبرومه
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني
ثوب المزيون مطرز رماني بس خيوطه
دق الماني دق الماني
و العرجه لون الهدبان فوق جبينا مربوطه
دق الماني دق الماني
يا بو الشويره الحمره و ناشرها ع الرمانه
دق الماني دق الماني
طولك يا عود الريحان و العيون الغزلاني
دق الماني دق الماني




كانت طالعه من الشاليه .. مستعجله .. ساره خوفتها بالمسج اللي ارسلته لها ..
" زياد فيه شي مو طبيعي .. تعالي بسرعه .. انا خايفه " ..



بتال اللي التوى الحبل بطريقة موجعه في اصباعه و جرحه ..
و صل حده من الغضب ..
ترك الحبل .. حتى يسحب عقاله و يرميه بقوة جهة فارس ..



كانت محتاره من فين تعدي .. " تمشي " ..
السيارات مقفلة المدخل ..
اضطرت تمر بين الددسن و سيارة فارس ..




التفت الكل بفزع و استغراب .. لمن سمعوا الصرخه ..

البارت 45 ..







لا تسأله ناسي .. خله مثل ما هو

ياقلبي إحساسي .. ماهو معي هو

والله لا أمر .. صوبه لا امر

أصرخ بامر .. أبكي بامر

ما التفت .. لو هو العمر

وما ينحني راسي ..

كافي .. ترى ذل

يا خل .. ياخل

مكسور انا الخاطر

في نظرة الكل

لا تذكرني .. وجه مع الناس

لا تصبرني .. ما في الجفا إحساس

ضاع العمر .. وانت لا شمس لا ظل

والله لا أمر .. صوبه لا امر

ما التفت .. لو هو العمر

وما ينحني راسي ..

جف الكلام ..وسكت الدمع

الليلة .. با طفي الشمع

باترك ملامح .. صورتك تحت الغبار

واترك شوارع ديرتك .. لارض النهار

با نساه انا ... ما ادري متى

بالصيف يمكن .. او فـ الشتاء

والله لا أمر .. صوبه لا امر

أصرخ بامر .. أبكي بامر

ما التفت .. لو هو العمر

وما ينحني راسي ..



" بدر بن عبدالمحسن " ..






ليلة الرجوع من المزرعة ..



كان و راء مكتبة اللي في البيت ..
يطالع بـ الابتوب ..


دخلت وهي لبسة بيجامة حرير .. بالون السكري .. بدون اكمام ..

دخلت بهدوء و هي راسمه ابتسامة غريبة على شفاتها .. و لفه يدينها على صدرها ..

حس بدخولها .. رفع راسه و شاف ابتسامتها و نظراتها .. قفل الملف اللي كان فاتحه و يشتغل فيه ..
و تركه على صورة فهد الصغير ..

رجع بظهره على الكرسي و هو يتنهد .. و ابتسامه مشاكسه على شفاته .. / ما نمتي ..
وقفت جنبه .. و هو يدور بالكرسي بخفيف .. و ما زالت الابتسامة على شفايفه ..
التفتت على الابتوب و شافت صورة فهد ... و بنبرة / اممم شنو تسوي ..
سند بخبث / اطالع بصور حبي ..
رنيم طالعته بنظرات مقهورة و تركته .. توها تحركت وماتوقعت تجيها حركه من سند ..
شهقت و هي تطيح بحضنه .. سند يحضنها و هو يقبلها على خدها .. و بهمس / ايش تبين ..
رنيم وهي تحاول توقف .. وتبتعد عن حضنه .. سند بجرائة و خباثة ..
عمل لها حركة بيده خلها ترجع لحضنه و هي تصرخ .. همس بـ اذنها / هششششش لا يسمعونك ..
رنيم جمدت بمكانها .. و هي تاكد لنفسها بانه نفس الصوت .. ابعدها عن حضنه سند ووقف ..
قفل شباك المكتب اللي كان فاتح .. التفت و شافها و قفت وجلست على كنبة واسعه ..
توجه لها .. جلس جنبها .. مسك يدها و هو يسالها / فهد نام ..
رنيم هزت راسها و هي تطالع بالطاولة .. و بصوت مرتبك .. / اممم .. سند .. ابغي اسالك ..
قاطعها بصوت هادي اقرب للهمس / عن قصة ابوك ودلال ..
رنيم التفتت له و هي تحبس عبرتها .. طالعته بنظراتها وكانه تستحثه على الكلام ..
سند قدم نفسه و هو يترك يدينه بحضنه .. وقتها جاي اخذكم و اجيبكم الشرقية ..
خالتي طلبت مني .. قاطعته و هي بصوتها حزن و و جع / لانها مضروبه ..
سند تنهد و هز راسه .. / ايه .. جيت اخر الليل .. كان باقي على الفجر 3 ساعات ..
دخلت للبيت و انا عند باب الحوش اللي كانت خالتي مخليته مفتوح .. شفت بنت تجري جهة زاوية من البيت مظلمه ..
خفت ولحقتها .. فالاول مكان واضح لي انها بنت .. خف انه حرامي ..
لكن تاكدت لمن شفتها و اقفه جنب جدار البيت لبسه قميص اورنجي لنص الساق ..
شعرها مضفرته و مرمي باهمال .. خصل متناثره على وجهها .. الي مرسومه عليه ملامح الصدمة ..
ولا انتبهت لوجودي القريب منها .. شفتها وهي تتقدم لجدار وطلعت عليه بخفه ..
ولا خافت بان الخشب الموجد تحت الجدار يجرحها .. قرب اكثر و بهدوء وحذر هالمره ..
وشفت الي شافته .. انصدمت بس قدرت اتمالك نفسي بسرعة لانها مو اول مره اشوف الشخص هذا بذا المنظر ..
انتبهت لملامح البنت .. و عرفتها .. كان لازم ماتشوف ذا الشي .. راح يكسر اشياء كثيرة بداخلها ..
هالشخص ابوها قدوتها .. واول ما جيت ابي اسحبها .. حصل اللي غير متوقع .. انكشف ابوها من اهل البنت ..
شفتها ارتعبت و هي تنزل من الجدر بطريقة خطيرة .. مسكتها باخر لحضه .. بس رجلها نزلت بقوة على الخشب ..
فسبب لها جرح عميق .. صرخت من الوجع و الخوف .. و كتمة صوتها .. " التفت لها و هو يطالع برجلها " ..
رنيم تمسح دموعها / كانت صديقتي .. دائما اكلمها عن ابوي و قد ايش انا احبه .. و اتمنى اتزوج واحد مثله ..
كنت اشوفه اعظم رجل بدنيا .. و امي كانت تدائما تدعي له و هو مسافر او غايب عنا .. كانت توضح لنا انها سعيدة ..
" ضحكت بسخرية " .. هههههههههه ... و حنا نصدق .. لانها كل يوم تحط مكياج ..
ما ندري انها تخفي علامات الضرب .. " حطت يدينها على وجهها و هي تبكي و تشهق " ..
ضمها سند و هو يقبل راسها .. و بصوت حنون / كل شي مقدر و مكتوب .. و كل فيه خير ..
رنيم رفعت راسها / اي خير .. اي خير ..
سند مسك يدها و هي بحضنه / ايش استغفري ربك .. ما تدرين و ين الخير فيه ..
رنيم هزت راسه و راسها على صدر سند .. بهمس / و النعم بالله ..
بعد و قت قصير سمع صوت اذان الفجر .. سند تثاؤب بكسل / اعوذ بالله من الشيطان ..
رنيم ابعدت عنه .. سند وقف / خلني اتوضأ و اروح المسجد قبل لا يغلبني الشيطان و انام ..






ــــــــــــــــ




يوم جديد ..



بيت ابو سند ..


على طاولة الطعام .. و جبة الافطار ..



فارس يطقطق بجواله .. و بيده فنجان الشاهي ..
ام سند باستفسار / يعني مو متقصدها ..
سند بهدوء / لا .. كان متقصد ولدك .. " رفع راسه و طالع بفارس و ابتسم بشماته " .. للحين مارضت ..
فارس بقهر / لا .. و بعد ابشرك زعلت لان اليوم ما صمت .. ايش دراها ..
غرام و هي جالسه على الكنبة قبال التلفزيون / ههههههههههههههههههه ..
الكل طالع عليها و شافوها تاشر بجوالها .. وبخبث / صورتك و انت تشرب الشاهي و ارسلت لها ..
فارس بصدمة / و انا اشوف طلبت صورتي بوضعي الحالي .. و صرت اتميلح على بالي مشتاقه لي ..
الكل / ههههههههههههههههههههههههههه ..
ابو سند بضحكة / كفوك اخت عناد .. الا صوم ايش ..؟
ام سند التفتت على ابو سند / الايام البيض .. " و بخبث انتقام لولدها " .. الا على طاري عناد .. متى يبي يملك ..
سند بضحكة / تم نسف الجبهه .. هههههههههههههههه ..
فارس اول ما شاف غرام اللي غطست بالكنبة .. و قف بفرحة و راح يقبل راس امه / فديت شيخة الحريم انا ..
نزل ياسر و بجفاف / سلام .. " و قف قدام الطاوله .. اخذ قطعة توست و دهن عليها عسل و زبده و اكلها "..
ام سند باستغراب / اجلس و كل زين .. احد يطرد وراك ..
ياسر بقلة احترام و هو ياخذ فنجان شاهي يشرب منه / مو فاضي ..
سند بحدة / ياسر ..
ياسر نزل فنجان الشاهي .. و توجه لـ الباب الرئيسي .. وبنفس الاسلوب / انا مسافر ..
ما فتح الباب الا الي ضرب براسه خله يلتفت غصب .. و هو يتألم ..
شاف سند و اقف و وجه اسود من الغضب .. طالع بالارض وشاف فنجان الشاهي طايح متكسر ..
رفع يده على راسه .. حس بالسائل الساخن اللي ينزل من راسه .. طالع بيده و شاف الدم ..
غرام و اقفه مصدومه و هي حاطه يدها على فمها ..
فارس و ابو سند ماسكين سند الي لو انفلت ليذبح ياسر معروف سند بغضبه ..
ام سند حست برجولها تخونها .. جلست تبكي مو عارفه ايش تسوي ..
ياسر فتح الباب و طلع ركب مع احد أصدقاءه و طلب منه يوديه لـ المستشفى ..







ــــــــــــــــ






بيت اولاد سطام ..



دخل نايف و شاف العنود تحط اخر لمسات مكياجها ..
تامل ملامحها .. العنود انتبهت له .. و بنبرة مقصودة / اخفيتها صح ..
نايف ابتسم وبخبث / ضرب الحبيب مثل اكل الزبيب ..
العنود و هي ترمي الفرشة على التسريحة .. و تتوجه لدولاب .. / لا يكثر هرجك ..
نايف طالع بلبسها .. بنطلون اسود و عليه بلوزه بيضاء و فوقه جاكت نمري ..
سحبت شنطتها اليد بجلد النمر .. و جزمة مثل الشنطة .. فتحت دولاب ثاني و سحب منه عبايتها ..
لبست عباتها و لفت شيلتها .. اخذت جوالها .. و رمته بالشنطة .. و بعجله / يا الله ..
كانت بتطلع بس التفتت باستغراب من نايف الي واقف ومتكي على الباب ويطالعها بنظرات و ابتسامه غريبة على شفاته..
العنود تسوي نفسها مو فاهمة / ايش فيك ... " رفعت الشنطة على كتفها " .. امشي بس ..
نايف ابتعد عن طريقها / هههههههههههههههههههههه ..


نزلوا تحت ..


شافت سارة جالسه بعبايتها و واضح عليها الانزعاج .. و قبالها سلطان و الظبي جاهزين ..
العنود و هي على الدرجات الصغيرة الي تنزل على الصالة / هههههههه تاخرت ..
ساره بنبرة سخرية / لا ابد العنود تتاخر ..
نايف يسحب الظبي اللي لبسه فستان ابيض و حاطه بشعرها فلونكه بيضاء .. يرفعها فوق وينزلها وهي تضحك ..
نايف يضحك على ضحك الظبي و صراخ العنود / هوووووب هووووووووووب ههههههههههه ..
العنود بعصبية / نايف سم بالرحمن و نزل البنت .. لا تمصعها .. نويف ..
نايف يخلي الظبي على كتفه .. التفت و هو مبتسم / انا سابقكم على السيارة ..
" سحب سلطان بيد وحدة و حمله على كتفه " .. هههههههههههههه .. " ضحك وهو يسمع شهقة العنود و صراخها " ..
العنود بعصبية و هي تلبس شيلتها / هالولد بيجنني .. بيذبح هالصغار ..
سارة و هي تسحب شنطتها و تتوجه للباب .. بسخرية / اهااا اهاا .. امشي بس ..
العنود و بيدها برقعها .. فتحت عيونها للاخير مستغربة سخرية نايف و سارة .. لبست برقعها و طلعت و راهم ..





ــــــــــــــ








باحد المطاعم ..




راكان بضيق / ما ادري والله .. " هز اكتافه " .. بنسبة لي طول عمري و انا اشوف زياد هادي و بارد ..
بس ولا مره توقعته يكون مرض .. " شرب من كاسة الماء شوي " .. توقعناه مسحور ..
رعد و هو ياكل قباله / لالا .. لو مسحور ما كان شفته با المسجد ..
راكان تنهد بضيق / ما ادري و هو كل ما سألنه قال ما فيني شي .. " عقد حواجبه " .. انا الي مستغرب منه ..
عصبيته بالأيام الاخيرة من رجعنا من الشاليهات و هو يا جالس لحاله يا برا البيت حتى الشركة ما عاد يروح لها ..
رعد بسرعة / راقبه وين يروح ..
راكان هز راسه / امس لحقته .. شفته بصدفه عند الاشارة الي تدخل على الحي .. والحقه ..
راح للبحر .. جلس على جنب و اكل ذره و اذن المغرب وراح للمسجد ..
رعد باستفسار / ما لحضت شي غريب عليه ..
راكان بضيق / لا .. و لا كان احد حوله ..
رعد باستغراب / ليه انت ايش تفكر ..
راكان يقرب منه و بهمس / ارهابي .. ناسي تركي كان صديق لنا كلنا .. يمكن لف على زياد و زياد .........
" هز راسه " .. عارف ايش اقصد ..
رعد سكت لثواني بصدمة .. و بعدها انفجر ضحك .. / هههههههههههههه .. من جدك ..
راكان التفت حولينه بفشلة / وطي صوتك ..
رعد كتم صوته .. و بهمس / بالله راكان انت تتكلم من جد ..
راكان بجدية / ايش رايك .. با الله فكر فيها .. هدوئه و انطوائه .. تصرفات الغريبة ..
رعد بجدية / هو من زمان كذا .. بس احنا مو منتبهين له .. يمكن شي نفسي .. وبصراحة ..
مرة صار موقف .. مخليني شاك بوضعه ..
راكان باهتمام / ايش صار ..
رعد / اخر مرة لمن كنا بالمزرعة .. ما نبح الكلب .. " اكرمكم الله " .. شفت اشلون خاف و ارعب ..
راكان بعدم اهتمام / اهاااااا .. مو الحاله كلنا قمزنا .. لانه نبح فجأة ..
رعد هز راسة / ما اتوقع ..
راكان بتفكير هز راسة / نشوف ..






ــــــــــــــــــــ







بيت ابو عبد العزيز ..




العنود طق باب غرفة مشيرة وقفت لوقت و هي مستغربه عدم رد مشيرة عليها ..
ففحت الباب بهدوء .. و هي تنادي / مشيرة ..
انتبهت ان مشيرة على سجادتها و بجلال الصلاة ..
دخلت و قفلت الباب .. جلست على السرير .. و هي تطالع بمشيرة بحزن ..
" هالبنت ما لها حض .. كل م اقالت راح تضحك الدنيا لي رجعت و كشرت لها ..
هههههه .. يعني انتي اللي حضك ازين من حضها .. " تنهدت بضيق " ..
انتبهت لصوت مشيرة ترحب بها .. التفتت لها و ابتسمت / هلا بك .. " وقفت " ..
وبعد السلام و السؤال عن الحال .. مشيرة جلست جنب العنود / ايش عندك جيتي من بدري ..
العنود بابتسامه / جيت نفطر سوا .. و اااا .. ابي اكلم جدي بالموضوع ..
مشيرة تنهدت .. و بهدوء / لا .. لا تكلمينه ..
العنود باستغراب / ليه ..
مشيرة حطت يدها على راسها / ما ابي احد يكلمها .. انا با الوقت المناسب اكلمها ..
العنود سكتت لثواني / طيب هو شنو قالت اول مرة بعد ما بلغت متعب ..
مشيرة سكتت .. و بعد فترة و بغصة / بس قالي صلي و استخيري ربك ..
العنود بهمس / و استخرتي ..
مشيرة رفعت شعرها و هي تنهد بالم / ضعت اكثر .. خلاص العنود .. انا تعبانه ..
" خانتها العبرة " .. تعبااانه و الله ..
العنود ضمتها .. مشيرة بكت الا ان ارتاحت .. ابتعدت عن العنود و هي تمسح دموعها ..
مشيرة و هي تبعد بقي الخص الي عن وجها .. و وقفت / خلينا ننزل .. و نشوف ايش نسوي ..
مشيرة توجهة للحمام " اكرمكم الله " .. و العنود تمت تنتظرها الى ان طلعت و نزلوا تحت ..







ــــــــــــــــــــ






سمر و بتال و سعود و سامر ..


بجناح بتال ..



سمر بعبرة / مو من صدقك ..
بتال طالعها بنظرات حازمه / ايش يعني . على بالك ابوي يقول شي و ما ينفذه .. من متى ..
سعود تنهد بضيق / مو صفيت الاجواء بينهم ..
بتال بابتسامه ساخرة / من صدقك .. تستغباء انت .. عارف ان الي يسونه تمثيل علشان وليد بس ..
" وبنبرة " .. و شفتهم اكثر من مره .. " و بجديه " .. المهم الحين .. ابوي ملزم على السالفه و ما بأذنه ماء ..
سمر توقف / انا ابي اكلمه ..
بتال بعصبية / اجلسي بس .. انتي ما انتي قادرة تحلين مشاكلك مع راكان تبين تحلين مشكلة ابوي ..
سمر بهت لونها رفع يده سامر و مسك يدها و جلسها .. و بهدوء لبتال / و المطلوب ..
بتال تنهد / يا اليوم او بكرة ابوي بيكلم امي .. فلا تبعدون و خلنا حولها ..
سامر انت عليك تبعد وليد من البيت .. الا ان يهدا الوضع .. و ما ظنيت بيهداء بسرعة ..
بتال سمع صوت شيخه الي كانت نايمه على السرير وراه .. التفت لها و ابتسم ..
حملها بين يدينه و هو يقبلها / يا صح النوم يا حلوة ..
شيخه تطالع حولها بخدر .. بتال يقبل خدها بقوة / فديت ها العيون الحلوة ..





ــــــــــــــــــــــ






بيت ابو طلال ...



ابو طلال بعصبية / انقلع عن وجهي يا سيف ..
سيف وقف وبضيق / لو طلال الي مسويها ما زعلت عليه كذا ..
" سحب مفاتيح سيارته و محفظته و طلع بعصبية " ..
ام سيف و هي تلف هيام / انت ماكنت بتخطب له .. خلاص صار ..
ابو طلال بعصبية / عاجبتك الطريقة ..؟
ام طلال تدخلت / الله يهديك .. مو عاجبتنا طريقته .. بس كتب الله انها تصير كذا .. خلاص ..
ابو طلال تنهد / بعد ما نرجع من مكه نتكلم بالموضوع ..
ام طلال بهدوء / براحتك .. " التفتت على ام سيف و غمزت لها " ..
ام سيف هزت راسه و صدت تطالع بتلفزيون .....





ـــــــــــــ






بشقة طلال ..


طلال كان بصالة يطالع التلفزيون .. وقباله كوب الشاهي الاخضر ..
طلعت مرام من غرفتها .. التفت طلال و ابتسم .. كانت لبسه فستان لركبة ناعم و انيق و واسع بالون الوردي ..
جلست جنبه بهدوء / تاخرت عليك .. كنت اغير لبسي ..
طلال لف يده حولها / لا .. ناموا الصغار ..
مرام تنهدت بتعب / ايه ناموا الله يحفظهم .. تعبوني ..
طلال رفع حواجبة وبضحكه / افااا .. و انا الي قلت ابي الثالث ..
مرام ابتعدت برعب / لاااااااااا ..
طلال يسحب يده .. وبجديه / اجل بتزوج الثانية .. " وكتم ضحكته من سمع شهقة مرام " ..
مرام انتبهت لضحكته .. حتى تضربه على كتفه بقهر / طلااااااال ..
طلال و هو يحضنها / ههههههههههه .. يا روحه ..
مرام تصد عنه وبدلع / لا تكلمني زعلت ..
طلال بخبث ينغزها بجنبها و يقرصها الا ان ضحكت مرام ..





ــــــــــــ






بيت ابو عبدالعزيز ..



بالصالة ..



ابو عبدالعزيز بعصبية / ان تبين تكلميني عن عرس متعب لا تقعدين في بيتي .. الخلاء ..
العنود بضحكه وهي تقبل راسه / افا يبه .. ماتبيني ازين عرسه ..
ابو عبدالعزيز وكانه هدا / هااا ..
العنود بابتسامه / اقول اشلونك عساك بخير ..
ابو عبدالعزيز بنبرة مقصودة / من الله بخير ..
العنود بهدوء / الا ماودكم تخاوونا على مكه ..
ابو عبدالعزيز / كلمني ابو سطام .. لكن انا ودي با الجنوب و اتمم امور ذا الخبل اللي عندي .. الله يستر عليكم ..
العنود هزت راسها / خير ان شاء الله .. و يمكن نمركم انا و اخواني من الطائف ..
ابو عبدالعزيز / زين .. " وبنبرة حازمه " .. وانتي ما ودك ترجعين لبتال ..
العنود صدت / .................
ابو عبدالعزيز بحزم / سمعي يا العنود .. خبالك اللي قبل معاد ينسك عنه .. احكمي الموضوع بعقلك .. مو قلبك ..
و لا تنسين و جع الظبي .. و ايش كانت تتمنى .. و الي ابوك كان يقوله .. الحين عرفتي كل شي ..
و الصورة و ضحت قبلك .. ولا توجعين الصغار .. انتي ذقتي الوجع .. وانا ابوك فكري و ادعي ربك ..
العنود بتهرب / يصير خير ..






ــــــــــ






بيت ابو صقر ..



وقفت سيارته قبال البيت .. نزلت ريما و نزل غيث وراها ..
غيث دخل المجلس وريما دخلت داخل البيت ..
ام صقر لبست جلال الصلاة و دخلت المجلس تسلم على غيث ..
غيث بعد السلام والسؤال عن الحال و الاحوال .. بضيق / والله يا عمه ما ادري ايش اقول ..
ام صقر بخوف / ايش فيه .. قول ..
غيث تنهد و هو يطالع بالطاولة قباله .. وبارتباك / امممم .. انا راح اسافر وبطول واراح اخلي ريما عندكم ..
وامور ابو صقر تكفل بها محامي ثاني اشطر مني واكبر خبره .. " وقف " .. انا استأذن .. " وطلع بسرعه " ..
ام صقر باستغراب وهي تطالع بخياله .. وقفت وهي تتمتم بـ " يا الله سترك " ..
دخلت الصالة وهي تنادي على ريما .. / ريماااا .. ريمااا ..
ريما من بين خواتها الي يطالعون التلفزيون بصوت باهت / نعم ..
ام صقر / تعالي ابيك ..
ريما وقفت وتبعت امها لغرفتها .. ام صقر سحبت جلال الصلاة و رمته على جنب .. و جلست على السرير ..
اشرت لريما تجلس جنبها .. ريما جلست جنبها .. ام صقر بهدوء / ايش بينك وبين غيث ..
ريما بضيق وحزن / ما ادري ..
ام صقر بحزم / كيف مدري .. طيب وين مسافر ..
ريما بتفاجاء / مسافر .. " بسخرية " .. ما ادري ..
ام صقر بعصبية / ما تدري ما تدري .. ايش تدرين عنه اجل ..
ريما بقهر وحزن / انه يبي يطلقني ..





ــــــــــــــ




بعد المغرب ..



مشيرة بهدوء / هدوووووء .. هذا احساسي ..
العنود بهدوء / يمكن عمي يكلم جدي منصور ويتفركش الموضوع ..
مشيرة هزت اكتافها / ما ادري .. " تنهدت " .. خلاص انا لعت كبدي .. خلنا نغير الموضوع ..
ابتسمت وهي تاشر على ذقن العنود / كيف الضربه ..
العنود بضيق وهي تحط يدها مكان الضربه / راح المكياج و وضح .. علشان الوضوء صح .. خف الوجع شوي ..
مشيرة بابتسامه خبيثه / اهاااا .. خف .. شوي .. اهاااا ..
العنود بنظرات / مشيررررره ..
مشيرة بهدوء و جديه عدلت جلستها / جد العنود تكلمي عن بتال .. با الي يقوله قلبك .. كرهته و الا تحبينه ..
العنود تنهدت / كره لا والله ما اكرهه .. احبه .. " هزت اكتافها " .. ما ادري بس .. اهتم لـ سماع اخباره ..
يلفتني حضوره .. امممم ... " بضحكة " .. ما ادري .. بس الي حابه اقوله انه شي مهم و مميز بحياتي ..
مشيرة بضحكة و نظرات استغراب / يا لطيف .. مميز و مهم و حياتي و اخبار و يلفت .. معناته تحبينه الا تعشقينه ..
العنود قرصت عيونها / اعشقه مرة وحدة .. " وبجدية " .. لا مو كذا ..
مشيره ترجع و تريح بنومتها / هاااا ..
العنود بهدوء / امممم يمكن لانه ابو الظبي و سلطان .. لا تنسين انه عشنا سنه انا واياه مع بعض ..
جمعتنا ايام حلوة وايام مرة .. يعني اكيد له مساحة بقلبي ..
مشيرة بهدوء / طيب .. و علشان هالمساحة .. ما تبين ترجعين له علشان اولادك ..
ها شوفي كيف تعنى و جاء لهينا حتى يا خذهم .. عاجبك تشتت اولادك ..
العنود بضيق / لا والله مو عاجبني .. بس في شي .. ما يريحني .. صدقيني .. حاولت اقبل الموضوع بس ..
مشيرة هزت راسها / ربي يكتب لك اللي فيه خير لك و لـ الصغار ..
العنود / امين .. " سمعت رنين جوالها رفعته و شاف المتصل نايف ".. " وقفت " .. / يا الله هذا نايف و صل ..
مشيرة هزت راسه / اهاا .. خلني انادي سارة .. خلصت تصوير و فوتوشوب ولا ..
العنود با عجاب / ما شاء الله تصاميم الجوري و شغلها با الفوتوشوب مرة حلو ..
مشيرة وهي تفتح الباب / ايه مبدعه ما شاء الله عليها ..






ــــــــــ






قبال البحر ..





غيث بحزن / ما في اي امل .. انا عقييييييم ..
عزام بضيق على حال اخوه / لا تياس روح شوف هالدكتور الي دلوك عليه .. و توكل على الله حق توكل ..
غيث بغصة / راح اطلق ريما ..
عزام بحزم / غيث ايش قلنا من قبل .. لا تستعجل .. " رفع يده و شاف الساعة " ..
قوم ما بقى شي على طيارتك .. خلني اوصلك للمطار ..
وقف غيث .. وتنهد .. / عزام اذا ما لقيت نتيجة راح اطلق ريما .. ولا تزعل عليه ولا راح تجبرني على ترجيعها ..
عزام يضرب كتفه / امش بس امش .. الله يهديك ..






ــــــــــــــــــــــ







قبال استراحة البنات .. وقفت سيارة نايف ..
نايف من شباك السيارة / انا رايح للاستراحة .. اليلة سهرة لشباب كلهم .. تبون شي قبل لا اروح ..
العنود و هي تعدل شيلتها على راسها / سلامتك ..
نايف اشر لهم مع السلامة و راح .. العنود التفتت و شافت ساره دخلت الاستراحة ..
طلعت جوالها و اتصلت على عمها .. و خبرها انه بالمكتب و ينتظرها ..







بعد ربع ساعة ..


بيت ابو بتال ..



في المكتب ..



العنود بهدوء / يعني ..
ابو بتال بهدوء / يا بنتي .. لو كنت حاس بواحد بالمية ان هالزواج ما فيه صلاح لا لي و لا لبنت ..
ما كان تممته .. انا صليت الاستخارة و دعيت ربي .. و قلبي تعلق بالصغير منصور ..
العنود بهدوء / ................
ابو بتال باستفسار / هي ايش قالت ..
العنود بخجل .. حولت تسيطر عليه / و لا شيء .. و قفت و هي " تستأذن " .. اخذت من وقتك ..
ابو بتال ابتسم وهو يوقف / حياك في اي وقت .. " مشي معاها لباب المكتب .. فتحه و طلعت العنود وطلع وراها " ..
كان الباب على الصالة .. وقفت و الصالة بكبرها مكشوفه قدامها .. سمعت صوت ضحكات .. التفتت عليهم ..
وشافت سعود يضحك .. وبتال و اقف وبيده كاسة ماي ..
بتال بقهر / تضحك على بنتي .. " سكب كاسة الماي على راس سعود " ..
سعود بشهقة وهو يحاول يبتعد / بتاااال ..
سلطان الصغير هو ياكل من البسكويت ويده بفمه .. / ههههههههههه ..
بتال ينزل الكاسه على الطاولة و يحمل الظبي و ينيمها على كتفه .. و بحنان / حبيبتي تعبانه و بتنام ..
سلطان الصغير بغيرة وقف و مسك برجل ابوه .. بتال / هههههههه يا غيار .. انيم اختك بسريرها و اجيك ..
كان بيطلع لو ما انتبه لسواد الي واقف .. طالعها لثواني و صد عنها و طلع الدرج ..
سعود التفت و شاف العنود واقفه جنب ابوة .. مسك سلطان الصغير و باس خده و اشار على امه ..
سعود و هو ياشر على العنود / سلطوني .. شوووووف ماااااماااا ..
سلطان بفرحة رمى البسكويت وراح يجري لامه .. العنود اول ما وصل لها سلطان ..
مسكته و توجهه للمغاسل غسلت يده و وجهه .. وسلطان الكبير جلس قبال التلفزيون ..
العنود سمعت صوت خلفها .. التفتت و شافت بتال معاه ملابس لسلطان ..
و الظبي جالسه على الكنبة بكسل و مغير ملابسها .. العنود حست بحرج و ندمت انها جات لعمها ..
بتال ترك ملابس سلطان على الطاولة و طلع لغرفته .. العنود لبست سلطان ..
وجات الخدامة واخذت ملابس سلطان الوسخه .. العنود بعد ما عدلت شيلتها .. و اخذت شنطتها ..
جات بتطلع شافت بتال نازل وهو مغير ملابسه .. " بداخله .. ماشاء الله ايش ذا السرعة " ..
سعود جالس مكانه بين الالعاب ..و ياكل باقي بسكويت سلطان .. بتال وهو يمر من عند سعود ..
بتال بابتسامه / تاكل اكل ولدي .. كُل .. كُل .. حتى تكبر .. و تربي عوبتك ..
سعود بخبث هامس / السرعة الجنونية احذر منها لا يصورك ساهر ..
بتال بضحكة / هههههه نذل .. " توجه لـ الظبي و حملها و طلع من البيت " ..
العنود باستغراب طالعته .. مسكت يد سلطان وطلعت .. شافت بتال يمشي متوجه للاستراحها ..
العنود بهمس / اهااا يبي يوصلها للاستراحة .. " وقفت لثواني تفكر تلحقه او لا " ..
شافت بتال ينزل الظبي عند باب الاستراحة .. سمعت صوت بكاء الظبي ..
نزلت بسرعة و هي تسحب سلطان معاها .. و توجهه للاستراحة حتى تلحق على الظبي و تسكتها ..






ــــــــــــــــ





با الاستراحة ..
بحديقة الاستراحة ..



ام سند بضحكة / يا دافع البلاء .. كل وحدة ماسكه ركن و طقطق بذا الخربان ..
ام عناد بضحكة / يكلمون رياجيلهم .. ماهو مثل ايام زواجنا ..
غرام بفضول / الا صدق كيف كان زواجكم .. كيف تزوجتي انتي و ابوي .. من الاول قولي ..
ام سند ابتسمت / زواجنا .. " تنهدت " .. كنت العب و انا عمري تسع سنين .. مع حمدان ولد ابو مطلق .. الله يرحمه ..
كان كبري او اكبر مني بس انه مريض .. الله يرحمه .. و عمي سند شافني .. و اليوم الثاني تزوجت ابوك ..
نوال رمت جوالها و بصدمة / اووووف .. تسع سنين ..
ام سند / ايوه .. تسع داخله با العشر .. فهد كان فاهم شوي .. و كان يتركني العب .. حتى هو صغير تو ماخط شاربه ..
بس الله يرحم عمي .. ياهو كان متجبر و قاسي .. الله يغفر له و يسامحه ..
نوال بابتسامة / طيب ايش صار .. كيف فستانك .. امي تقول فستانها اخضر حق بنت عمها و لا انزفت به امي مريم ..
البنات بصوت واحد / امااااااااااا ..
العنود تدخل / السلام عليكم ..
الكل / وعليكم السلام ..
نوال بحماس / ايوه .. ايوه .. كملي ..
العنود باستغراب طالعتهم ودخلت داخل الاستراحه ..
ام سند بضحكة / انا لبست فستان لونه كحلي .. ازرق هناك .. كانه اخضر ..
غرام رافعه حاجب / ايش هالون ..
ام سند تطالع حولها / اممممم .. مثل .. مثل .. ما عاد فيه من هذاك الون راحت ..
ام طلال بضحكة / لونه كحلي .. بس من كثل الغسيل و البس تغير لونه ..
ابرار باستغراب / عادي تلبسون فساتين غيركم ..
ام عناد / ايوه .. وكلها كانت تتجمع عند الخطابة ام مرزوق جعلها بالجنة ..
الجوهرة بغرور / انا عاد فستاني كان ابيض وبس لي انا محد لبسه قبلي ولا بعدي ..
ام سند / محد لبسه بعدك لانها نحرق .. حرقتيه يا الرفلاء ..
الجوهرة بقهر / ام سند .. بلا فضايح ..
ام عناد دقت ام سند وغمزت لها تسكت عن الجوهرة .. مايبون يضيقونها .. و واضح انها ما تدري عن شي ..
رنا باستفسار / من ام مرزوق ..
ام عناد / ام مرزوق تكون الخطابة و الولادة و الخياطة و الحناية ..
ام سند تضحك / تذكرين يوم رقدتي " نمتي " .. على الفرش .. ههههههههههههههههههه ..
ام عناد بضحكة و الم / الله لا يعودها من ايام .. كنت حامل .. و دي العب .. عمري على 11 او الـ 12 ..
و البنيات يالعبون بالشارع اللي وراءنا .. حمدة و مزون و مسعدة و مستورة و نورة ..
الله يذكرهم بالخير و يرحم اللي ماتوا .. و كان في فرش مطبق و مرتب على جنب من الجدار ..
و اتعلق فيه و اطلع و انسدح حتى لحد يشوفني .. و اشوفهم ينطون و يلعبون و اراقبهم و غفيت ..
ام سند / هههههههههههههههههه و الله يا انقلبت الدنيا عليها صراخ و نداء وهي ولا حس ولا خبر ..
ام عناد بضحكة / ههههههه لو ما انحشرت ما صحيت ولا دريت عن الدنيا .. " تنهدت بوجع " ..
بس والله ياوقتها يا طقني ابوي و سلطان و فد وعمي سند كلهم طقوني مات ولدي الا شوي ..
ام سند بصدق / جعل سطام با الجنة الباردة .. مكان احد يوقف معانا الا هو .. ربي يسامحه ويغفر له ..
ام عناد بغصة مسحت دموعه و صدت .. مياسة اللي كانت خانقتها العبرة من وضعها انفجرت بكي ..
:
:
:
داخل الاستراحة ..
:
:
العنود نيمت الظبي .. و عدلت لبسها و شعرها .. و هي عند المدخل شافت ريما تدخل توها واصله ..
ريما التفتت على المكيف .. وببرود / التكيف بارد ..
العنود عقد حواجبها / انتي متحممه .. بعدي عن المكيف .. لا تتعبين ..
ريما ببرود علقت عبايتها .. وطلعت لحديقة الاستراحة .. / ..........
العنود عقد حواجبها باستغراب من تصرف ريما .. بعد ثواني .. طلعت العنود ..
و باستغراب و هي تشوف الكل يبكي / بسم الله ايش فيكم ..
ساره تشهق و هي بحضن مرام / تذكرنا ابوووووووووي ..






ـــــــــــــــــ







با استراحة الشباب ..




سند يشرب من فنجان القهوة / متى يوصل ..
راكان / بكرة .. و كذالك المحامي ..
سند / خير ان شاء الله .. ام سلطان عندها خبر ..
راكان هز راسه و هو يشرب من القهوة / ايه .. و عمي سلطان و عبدالعزيز و جدي .. ومتعب بعد ..
بتال تنهد / الا جدتك ليش ارضعت متعب و صلاح .. تدري ..
راكان يتكي / تبيهم عزوه لنايف .. بما انه وحيد .. " وبسخرية " .. وعلى قول العنود .. صاروا عزوة لي ..
بتال بسخرية / اهاا اهااا .. لو تتكلم مثل الخلق كان لقت لها عزوة واجد ..
سند بحزم / و ليه هي لقت لها احد تثق فيه .. انت اخذت سوالف حريم و ركبتها براسك على شور ابليس و مشيت ..
لا سالتها ولا استفسرت .. تبيها تثق فيك .. سالمتها عنود سطام .. طول عمرها حكيمة و لا تخالف الشور السليم ..
لكن حضها العاثر طرحها فيك ..
بتال بنظرات نارية لسند / يا شينك لتفلسفت ..
طلال بابتسامه / و انا ا لعبد المسكين .. تم ارضاعي لمساعدة انسانية فقط ..
سند انتبه لدخول بدر و باستفسار غامض / ها وين ..؟
بدر بضيق / في الرياض .. و يمكن يسافر دبي ..
سند بغضب / هذا الولد كبر وجن .. " وقف و هو يسحب جواله من جيبه " ..
راكان يسال بدر / من تقصدون ..؟
بدر تنهد / ياسر .. سألني سند قبل وينه .. و سألت و عرفت انه بالرياض ..
بتال رفع حاجب وبنبرة مقصودة / هالولد يبي له عقاب العصى و الجزرة .. شغل سند .. " و ابتسم " ..
الكل / هههههههههههههههههههههه
راكان يطالع بزياد الي يقلب بجواله .. وبتسال / انت ايش تشوف بذا الجوال ..
زياد طالع براكان / اتصفح بالمنتدى ..
راكان هز راسه .. ثواني حتى يدخل عناد ومعاه كلب " اكرمكم الله " .. / سلاااام عليكم ..
الكل .. باصوات متفرقة / وعليكم السلام ..
طلال بتقرف / يعععع .. طلعه برا ..
راكان بصمت يراقب زياد .. شاف زياد طالع الكلب في البداية بارتباك وبعده صار طبيعي ..
راكان لعناد / ليش جبت ذا ..؟
عناد بشبة ابتسامه / بس كذا .. بكره ارجعه للمزرعة .. " وبتذكر " .. الا ما تدرون ..
صبري حقكم .. حرمته ولدت بالمزرعه ..
راكان بابتسامه / ما شاء الله .. ايش جاهم ..
عناد رافع حاجب / ايش دراني .. انا قالي ابو محمد .. قال الظهر حرمته ولدت حرمة صبري ..
طلال بتقرف /خلاص اسكتوا ..
الكل التفت عليه و شافوا معالم وجهه اشلون متغيره .. طلال وقف بسرعه و راح جهة الحمامات " اكرمكم الله " ..
الكل / هههههههههههههههههههههههههه ..








ـــــــــــــــــــ







يوم جديد ..




على طاولة الفطور ..


راكان و هو يشرب الشاهي / ايه .. سمر راح تروح مع عمي سلطان .. و انتم مع نايف ..
العنود و هي تاكل الظبي / خير ان شاء الله ..
سمر بهدوء / وانت متى تلحقنا ..
راكان بخبث / انا ما ابي الحقكم .. انا اخلص شغلتي و مسافر على الخارج .. اروي ظماي شوي ..
سمر طالعته بنظرات مغرورة و وواثقة / عادي حبيبي .. واثقة بانك ماراح تلقى احسن مني ..
راكان بضحكه .. / اوف ترا بعض الغرور يكسر الراس ..
سمر بغرور / بعض مو كل .. و انا غروري يرفع الراس ..
راكان بضحكه / هههههههههههههه .. قوية يا ام شيخه ..
العنود مبتسمه و تاكل سلطان والظبي .. و ساره تقلب باستديو جوالها ..
راكان انتبه لسارة و شاف جوالها .. سحبه و شاف الصور / ايش هذا ..
ساره بابتسامه / تذكر الصور الي اخذتها بالمزرعة والبحر ..
راكان / اهااا ..
سارة بابتسامة / صلحنا عليها فوتوشوب انا و البندري و الجوري ..
راكان شاف صوره تجمعه مع اخوانه .. و عيال عمه .. و كل وحدة احلى من الثانية ..
وهو يوقف .. ويسحب جواله .. / كلها ارسليها على جوالي .. خلاص ..
ساره باستغلال / بس مافي شي ببلاش ..
راكان رفع حواجبه / افااا .. الحين برصيدك مليون ونص .. و ارض و بيت .. و تبين فلوس على صور ..
ساره بتكشيرة / قل اعوذ برب الفلق .. خلاص .. راح ارسلها و مجانا .. صدقه عني .. دفعة بلاء ..
راكان رفع حواجبه بصدمة / انا بلاء .. " و بخبث " .. اجل مافي روحه لمكه ..
ساره وهي ترجع خصله من شعرها خلف اذنها .. و بابتسامه / جدي ما راح يسمح لك تمنعنا ..
راكان .. ياخذ محفظته من على طاولة قريبة من المدخل .. التفت عليها .. و هو يدخل المحفظه لجيبة ..
و بابتسامة / جدي هاا .. طيب يصير خير .. يا سوير .. نشوف نقدر و الا لا .. يا الله تامرون على شيء ..
العنود و سمر / سلامتك ..






ــــــــــــــــ






بيت ام صقر ..



ريهام بتعب / يمه .. البارح ريما ما خلتنا ننام ..
ام صقر با ستغراب / ليش ..؟
ريهام بتعب / كل شوي رايحة جاية من الحمام اكرمكم الله .. و اتوقع ما بقي شي في بطنها ..
ام صقر بفرحها و قفت ... / خير .. خير .. ان شاء الله .. انا رايحه اشوفها ..
وهي باول الدرجات .. رنا نزلت بسرعة و بخوف / يمه لحقي .. ريما طاحت با الحمام ..

البارت 46 ..








في دروبي رمل لامن جيت ساري
ينبت الأشواك لامن رحت ساري
صاحبي ماجيتك إلا وفي طريقي
من ربيع العام نوّار وخباري
ولا تواعدنا وبه في الأرض زهره
ولا تفارقنا وبه للبرق طاري
لا تأخر دام لي في العمر ساعه
ولا تقدم لين أشوفك في انتظاري
الزمن ورده .. سهرت أحسب ورقها
وإن قضا ماجيت في دموعي عـواري
حبـّني كثـر اللـذي نلقـى بوعـدنا
من ظلال وريح ونجوم وغـداري
صاحبي مثل الخجل لو تكتسي بي
قبل أصير الشال يذهلني انحساري
ياقريب البعد .. للشكوى أسامي
الجفـا .. والخوف .. وآخرها حذاري
وانت لو خان الزمن بقول وافي
لا أنا تركي .. ولا أظنك مشاري


" بدر بن عبد المحسن " ..







دخل البيت و هو يحس بالارهاق والتعب من الشغل و من حرارة الشمس ومن تفكيره بحال اخوه ..
نزل النظارات الشمسية و مسح على عيونه .. رفع نضرة بالصالة .. طالع جهة التلفزيون ما شاف احد ..
سمع صوت من جهة الممر المؤدي لـ المطبخ .. و شاف امه لبسه عباتها و وحده وراها ..
عقد حواجبه و هو يقفل الباب / سلام ..
..... بـ اصوت متفرقة / وعليكم السلام ..
ابو سند الي كان واقف عند مدخل المغاسل اكرمكم الله .. / هلا سند ..
سند باستغراب و هو عاقد حواجبه .. وهو يتقدم وبنظرات لرنيم / و ين رايحين ما شاء الله ..
رنيم باستغراب / لريما .. ما وصلتك الرسالة ..
سند هز راسه .. ( بلا ) .. نزل الشنطه السوداء على طاولة .. دخل يده بجيبه و هو يسال /ايش عندها ريما ..
ابو سند و هو يلبس شماغه / يقولون من صبح بالمستشفى .. و بينومونها .. رايحين نزورها .. و اشوف الدكتور ..
سند الي كان ناسي بانه قفل جواله .. شاف كمية التنبيهات .. من مكالمات ورسايل ..
هز راسه .. و هو يتنهد بتعب / خلاص .. انا اوصلكم و نشوف الوضع ..
ابو سند بحزم / لا .. انت ارتاح و تغداء .. هذي غرام عندك .. " و هو ياشر على الدرج " ..
التفت سند و شاف غرام على الدرج نازلة .. تنهدت و هي تطالع رنيم / فهودي تعبني الين رجع ينام ..
سند ابتسم / لو سويتي له مساج على راسه كان نام ..
غرام ابتسمت و هي تتقدم منه قبلت كتفه / مثلك .. سحرك هالمساج .. " و بتعجب " ..
فهد نسخه منك .. ما شاء الله .. في كل شي ء .. حتى في نومته .. و سدحته ..
ام سند با بتسامه / يقولون اذا الرجال يحب حرمته اكثر يطلع اول بيبي يشبه لها .. و اذا الحرمة تحب زوجها اكثر ..
يطلع اول بيبي شبة ابوة .. " و بخبث " .. يعني رنيم تحب سند زود ..
رنيم الي كانت تلبس نقابها توترت و ما قدرت تربط حبال النقبة .. رجعت نزلته ورجعة ربطته ..
سند شاف و جهها الاحمر و ابتسم .. سحب كرسي قبال الطاولة وهو يجلس علية / غرام اخوك جيعان ..
ابو سند وهو يسحب مفاتيحه الي على الطاولة / يا الله .. مع السلامة .. و هني و عافية .. " و طلع من البيت " ..
ام سند لحقت زوجها و غرام دخلت المطبخ تجيب الغداء لسند .. رنيم بسرعة قربت من سند و قبلت خده ..
و طلعت بسرعة .. سند التفت على الباب و ابتسم .. وهو يشوفها شبة تجري ..
من ليلة المصارحه و كشف الاوراق .. و امروهم هادئة .. و بهمس / استودعتكم الله ..






ـــــــــــــــــ






بالمزرعة ..



العنود و بحضنها ولد زهرة " محمد " .. وبعتب / انا قلت لك اول ما دخلتي التاسع تعالي عندي بس انتي ..
ما ادري ايش الي خلاك تصرين على الجلسه .. عجبك الي صار .. لو قدر الله و اصابك نزيف ..
لو الولد احتاج مساعدة .. بتبلشين هالشيبان الكبار بالسن .. ما حولهم الا الهنود ..
زهرة الي جالسه على الكرسي بابتسامة / الحمد الله ما صار شي .. وعدت الامور بسلام .. وام محمد ما قصرت ..
العنود ابتسمت / تسلمين يا ام محمد .. ربي يجزاك كل خير على هالي سويتيه ..
ام محمد بهدوء ومحبة / الا الله يجازي زهرة وصبري كل خير .. ونسونا و سعدونا و سعوا صدورنا ..
غيروا حياتنا كلها .. و ربي يخلي محمد و يجعله من البارين الصالحين ..
العنود ابتسمت / امين .. ويطول بـ اعماركم .. " و بهدوء " .. كم يوم بنسافر مكه .. تامرون على شي ..
ام محمد / سلامتكم .. و عمرة مقبوله مقدما ..
زهرة بابتسامه / بس لا تنسينا من دعائكم ..
العنود بابتسامة .. و توها بتتكلم .. الا تسمع صراخ محمد الصغير ..
التفتت عليه وهو بحضنها و شافت الظبي تطالع بسلطان .. و سلطان يطالع بامه .. بنظرات غريبة ..
سارة تضحك / سلطان غار من محمد .. و عضه .. هههههههههههه ..
العنود و هي تضم محمد و تحاول تسكته .. بس ما سكت الا لمن امه " زهرة " حضنته و هي تضحك على سلطان ..
و العنود تتعذر منها بخجل و احراج .. وسط ضحكات سارة وام محمد و زهرة ..







ـــــــــــــــــــــ




"







بالمستشفى ..



....../ كح .. كح كح .. كحححح .. اااااااااه ..
ام صقر بضيق / ما شفت الا البنات يصارخون .. و جاء صقر شالها يا روح امه و جبناها المستشفى ..
ام سند بهدوء و تعب / الحمد الله انه التهاب بصدر و لا شي اكبر ..
سمعوا طق على الباب و بعده صوت ابو سند / يا ولد ..
ام صقر ربطة نقابها .. و رفعة عباتها على راسها .. ام سند / تفضل ..
رنيم طلعت من الحمام " اكرمكم الله " وهي تنشف يدينها من الماي بالمناديل .. وقت دخول ابو سند و صقر الغرفة ..
ابو سند بابتسامه و حنان / السلام عليكم .. سلامات و انا ابوك ماتشوفين شر ..
ريما خنقتها الغصة .. غمضت عيونها .. و حاولت تبتسم ..
ابو سند تنهد و هو يجلس على الكرسي القريب من ريما مسك يدها بحنان .. وبهمس / انا ابوك ان احتجتي شي ..
والا غيث اذاك بشي .. انا الي اخذ بحقك منه ..لا تحسبين ما وراك احد ..
غصب نزلت دموع ريما .. و غمضت عيونها .. حست لأول مرة بطعم اليتم و ابوها موجود على قيد الحياة ..
صقر من شاف دموع اخته .. طلع من الغرفة بضيق .. ورنيم الي صدت عنهم بقهر .. ريما غمضت عيونها بالم ..
تحاول تمسك دموعها .. ابو سند بضيق حول يخفيه / الدكتور بشرني .. بكرة ان شاء الله تخرجين ..
بس تخلصين المضادات و المحلول و تخرجين ان شاء الله مثل الحصان .. " و هو يطبطب على يدها " ...
ربي يشافيك و يعافيك .. و يهدي سرك .. " و قف بتعب " .. هي فمان الله .. مشينا يا ام سند ..
" وهو يرفع يده حتى يشوف الساعة قاربت على اذان صلاة العصر " .. و الا اقولك .. مابقى شي على الاذان ..
انا ابغى اروح اصلي بمسجد المستشفى .. " رفع صوته وهو يطلع من الباب " ..
اذا تبون شي و الا ناقصكم شي قولوا لي ..
ام صقر بهدوء مع خجل / نبيك سالم .. ما تقصر ..
ام سند ابتسمت و بهمس / استودعتك الله ..








ــــــــــــــــ







بعد العصر ..





بيت ابو عناد ..




جالس بمجلس الحريم .. لون المجلس سكري مع خطوط ذهبيه ..
فارس اول مره يشوف المجلس و ترتيبه و تصميمه .. ابتسم بفخر ..
نزل نظرة على الطاولة و شاف الايباد و ملف ازرق و صندوق ذهبي مربوط بشريطة حمراء ..
سمع صوت خطوات و رفع نضرة .. من خمس دقاايق طلع عناد .. هالخمس دقايق حسها ساعات ..
كانت لبسه تنورة بيضاء لحد الركبة ضيقه و بلوزة جوبير كت و فيها ازرارين علوية ذهبية ..
مستشورة شعرها و لفته لفات بسيطه .. و مكياج خفيف و روج وردي ناصع ..
ابتسم بعشق و هو يحس جسمه سخن فجاة .. لدرجة بدا يتعرق .. و بهمس / ما بغيتي ترضين ..
ابرار بغنج عفوي و دلال / واحد قالك تزعلني ..!
فارس الي كان يدقق بكل شي فيها .. جسمها و حركات يدينها و ابتسامتها .. ما انتبه انها قربت منه ..
و صار لزم يوقف حتى يسلم .. انتبه لحمرار وجهها .. وقف وبهدوء عكس البركان اللي بصدرة ..
همس و هو يقبل خدها / نرضيك يا الزعول .. " قبل خدها مره اخر بعمق و هو يهمس لها باذنها " .. احبك ..
ابرار ارتجفت و هي تبتعد عنه بخجل و توتر .. توجهت لطاولة و مسكت ترمس القهوة ..
فارس جلس على الكنبة .. كان لبس ثوب نباتي و شماغ احمر .. حس بالحر فتح اول ازرارين من الثوب ..
ابرار تقدمت و اعطته فنجان القهوة و بهمس / تفضل ..
فارس اخذ الفنجان بيد ومسك يدها بيد ثانية .. سحبها و جلسها بجنبة على نفس الكنبة ..
فارس بهدوء و بساطه / ماني جاي ضيف غثيث .. " ابتسم " .. ابي اكون فارس حبيبك وتكونين ابرار حبيبته ..
ابرار ابتسمت بخجل و هي تنزل راسه لترمس الي بحضنها ..
شافت انعكاس صورته بالترمس وهو يتاملها بنظرات خجلتها .. حتى ترفع راسها ..
و تقول بتوتر و خجل / لا تطالعني كذا ..
فارس تنهد و ابتسم ولف يطالع الابتوب و الملف و الصندوق الذهبي .. و بهدوء عكس الي بصدرة من الشوق ..
وده يضمها لصدرة و يرتوي من عشقه .. / تعالي تشوفي ايش جبت ..
التفت لها .. و بنبرة مقصودة / نبي نختار تصميم البيت و الاثاث ..
ابرار ابتسمت بخجل و توتر وهي تطالع فارس يطلع الاب توب من شنطته السوداء / ................
فارس بهدوء / سند صمم البيت و صور الشكل بالكمبيوتر .. اذا تبين تغيرين في شي ..
ابرار ابتسمت و بنبرة مقصودة / سند .. مو انت ..؟
فرس ابتسم / سند هندسة انا ادارة .. مالي بشغل المسطرة و المرسمه .. " سحب شماغة و رتبها ..
و تركها على طرف الكنبة " .. ضغط على ازرة الكيبورد و فتح التصميم ..
ابرار بعفوية مدت يدها و بدات تحرك بأصابعها فارة الكمبيوتر .. التفت فارس عليها باستغراب و شافها مركزه ..
تذكر سند يوم قاله ابرار تفهم بشغل الهندسة لانها درست تصميم وديكور .. شاف طلعت من ملف دخلت ملف ثاني ..
و شافت الصور وكانها عارفه بان يوجد ملف ثاني يخص تصميم البيت ..
فارس بهدوء / انتي عارفة فين راح يبنا البيت ..
ابرار بعفوية جمعت شعرها وحطته على جنب و مازالت عيونها مركزة بالتصميم ..
وبتوقع وهي مازالت تراقب الشاشة / من الممر الي يطلع للمطبخ و الحديقة الي وراء البيت ..
" اشارة باصباعها على الشاشة " .. هذا المطبخ .. من رسم الكروكي ..
فارس انتبه لتصميم البلوزة الي كانت مفتوحه من الظهر بطريقة الدمعه .. و فيها باسفلها ثلاث اجراس ذهبيه ..
تاملها من جانب وجهها الي كان بجهته .. الى رقبتها و عضدها و ظهرها ..
بدون شعور و هو يقرب يقبل ظهرها بعمق .. تجمدت لفترة ابرار حتى تفز واقفه ووجهها اختفت كل الالوان منه ..
التفتت عليه بصدمة بعد ما مسك يدها .. انفاسها متسارعه .. توتر و خجل و صدمة ..
فارس بتوتر حول يسيطر عليه .. وبهدوء مصطنع / ابرار .. بسم الله .. ايش فيك .. انا زوجك ..
ابرار حمر وجه بعصبية / بعد ما انزف لبيتك تكون زوجي .. اما هينا لا ..
فارس وقف و هو يحاول يشدها له .. بس هي سحبت يدها بقوة من بين يدينه ..
وعيونها مسلطة على فارس تحمل عتب و غضب ../ الافضل تطلع ..
فارس طالعها لفترة بسيطة .. رجع يجلس على نفس الكنبة و هو ياشر لها تجلس جنبة ..
ابرار هزت راسها / لا .. ما ابي اجلس .. و سوي البيت على الي تبيه ..
فارس بحزم / ابرار .. جلسي خلينا نتكلم ..
ابرار تنهدت وجلست على الكنبة الثانية مفردة و هي صاده عنه .. فارس من بين اسنانه / ابرررراااارررر ..
ابرار طالعته .. و شافت عيونه غاضبة .. وبهدوء / نعم ..
فارس بحزم / يا تجلسين جنبي ونتكلم مثل العاقلين .. و الا لـ اتصل على عمي واقول ابي زوجتي الليله ..
ووقتها تعرفين كيف تردين عليه .. " وبحدة " .. تعالي هينا .. " و هو ياشر بعيونه على المكان الي جنبة " ..
وقفت ابرار بخوف و غصة وجلست جنبة على مضض .. و عيونها بالارض / ..............
فارس قرب منها .. وبهدوء هامس / انتي ايش فكرتي .. واحد همجي .. والا ايش بضبط ..
ابرار على نفس الوضع / ............
فارس / ما كنت ابي الا نكسر هالحاجز الي بينا .. و نتقرب اكثر .. يعني بوسة عادية ما تحتاج كل هالي صار ..
ابرار رفعت نظرها له و في عيونها صدمة .. " بوسة عادية "..
فارس بهدوء / يعني يوم قبلتك على خدك ما سويت هالحركة .. وبس بتغير المكان تغيرت الفكرة والمقصد ..
ابرار رفعت حواجبها .. وبنبرة مقصوده / نفسها .. الي هينا " وهي تاشر على خدها " ..
نفسها هينا " وهي تاشر على ظهرها " ..
فارس ابتسم وميل ليقبلها على كتفها بس هي ابتعدت قبل لا يوصل لها / و نفسها هينا ..
ابرار تنهدت وبهدوء / فارس .. الشيطان موجود .. ونحن وحدنا .. " وبهمس خافت " .. وادري اني زوجتك وحلالك ..
بس محد يضمن شيصير .. تخيل ولو تجاوبت معاك .. كنت بتوقف ؟.. " كانت تطالع بعيونه و سالت بطريقة مواجهه "..
ما قدر يكذب .. مسح العرق عن جبينها و همس / بصراحة يمكن لا .. "ابتسم بعشق وجنون " ..
بس خلني اروي ظماي شوي .. بقـُبلات مسروقة ..
ابرار صدت عنه و هي متضايقه .. فارس مسك يدها و باسها بعمق .. و بهمس معتذر / ابرار حبي ..
ابرار ابتسمت ببرود وهي توقف / اذن المغرب .. احسن شي روح الحق الصلاة ..
فارس عارف انها زعلت .. بس ماكان يقصد .. طيب ليه ترفع شعرها وتغرية بهالشكل ..
يمكن بعفوية وكانت ناسية .. وقف وهو يبتسم / يعني افهم انك زعلانه ..
ابرار صدت عنه .. قرب فارس بس هي ابتعدت خطوة .. وقف و تنهد .. و ببرود / براحتك انسة ابرار ..
سحب شماغه وحطها على كتفه .. سحب الاب توب و الايفون و الملف .. دخلهم لشنطة السوداء ..
وهو يطالع لصندوق .. وبنبرة جافه / هذا لك ..
طلع وهو يحس بصداع راح يفجر راسة .. و معصب من ابرار و تفكيرها .. الا تحط حاجز بينهم ..
ابرار التفتت على الصندوق واخذته و توجهت لداخل .. شافت شجون جالسه قبال التلفزيون ..
على براعم .. و تطالع بالاطفال الي يلعبون وينطون بحماس مع امهاتهم ..
انتبهت لإضاءة صدرت من اي فون 5 المحطوط على الطاولة .. جهاز جديد ..
وصل لشجون من العنود .. بعد ما انحرق جوالها .. غيرت الرقم .. و صار بقائمة الاسماء ارقام تعد على الاصابع ..
شجون تغيرت .. تغيرت كثير .. تقدمت منها و هي تبلع غصتها من فارس .. نزلت العلبة على الطاولة ..
التفتت شدون و بتعب / راح ..
ابرار ببرود و ضيق / ايه ..
شجون اعتدلت .. و جلست .. و باهتمام / ايش فيك .. " انتبهت للعلبة .. واشرت بعيونها " .. هدية ..؟
ابرار هزت كتوفها و بضيق / افتحيها ..
شجون رفعت حواجبها باستغراب / من جدك .. " عقدت حواجبها " .. ايش صار ..
ابرار رفعت شعرها و اعطت شجون ظهرها .. و بتساؤل ممزوج بخجل / في علامة ..
شجون هزت راسها / لا .. " غلطت فمها بخجل و هي مبتسمه " .. شاف ظهرك .. انتي ماقلتي عليه الشعر ..
ابرار بخجل مع قهر / ما ادري كيف نسيت ورفعته على جنب ..
شجون ابتسمت /طيب ايش يعني ... فارس زوجك ..
ابرار نزلت راسها و طالعت بالصندوق / بس ما حبيت حركته .. و زعلت منها ..
شجون بلقافة / ايش سوا ..
ابرار احمر و جهها .. و بعصبية / بنت .. لقافه ..
شجون وهي تمد يدينها لصندوق / هههههههههههههه .. طيب انتي اللي قلتي .. ههههههههه ..
" التفتت على ابرار و بتاكيد " .. افتح ..
ابرار هزت راسها /افتحي .. عادي انتي اختي الوحيدة اللي ما عندي اغلى منها ..
شجون وقفت عن سحب الشرايط و رفعت عيونها لابرار و هي مغرقة دموع ..
ابرار فزت و جلست جنبها حتى تضمها و بحنان وخوف / شجون ايش فيك ..
شجون بداخلها " اعذريني م اقدر اقولك شي يا ابرار .. خاصة انك زعلانه من فارس .. اخاف ااثر عليك "..
هزت راسها / ولا شي .. " سحبت الشريطة بسرعة .. و فتحت العلبة " .. بسم الله ..
ابرار طالعت بالصندوق و شافت دبدوب وردي .. و بحضنه جوال اي فون 5 بلون الذهبي و ملزق فيه اكسسوارات ..
شجون من شافتهم / وااااوووو .. ما شاء الله يجنن تصميم الاكسسوار .. هذا طلبيه شكلها ..
مسكت الجهاز بيدينها و تفحصته .. ابتسمت وهي تشوف صورت فارس على الشاشة ..
ابرار مسكت الجهاز و طالعت فيه من الخلف .. فزت بخرعه اول ما هتز بيدها ..
طالعت بالشاشة وشافت رسالة من فارس .. " حبي .. عسى عجبتك الهدية .. و رضيتي علينا " ..
شجون ابتسمت .. و بصدق / ربي يهنيكم .. و يسعدكم ولا يفرقكم ..
ابرار ابتسمت / امين .. " و بلهفة و خوف " .. شجون .. حلفتك بالله .. ايش فيك ..
شجون بغصة / مو الحين ابرار .. بعدين ..
ابرار بحزم / لا .. الحين ...
شجون توقف / بعدين ابرار .. والله بعدين اقولك كل شي .. الحين خلينا نصلي ..
ابرار طالعت باختها و هي متوجه لدرج .. تنهدت بضيق / يارب تحميها ..








ـــــــــــــــ







بعد المغرب ..



بيت ابو بتال ..




و اقف قبال المدخل .. يعدل غترته .. و وجهه مرسومه فيها الضيق .. سعود جالس على الكنبة بقهر ..
سامر نزل من الدرج لبس جينز ازرق و تيشيرت اخضر .. ووليد عند بيت عمه عبدالعزيز يالعب مع ريان ..
بتال شاف صورة سامر العاكسة على المراية .. التفت له و بنبرة / مو رايح معانا ..
سامر بنبرة باردة / لا .. " جلس على الكنبة و سحب الريموت كونترول و غير في قنوات التلفزيون " ..
بتال تنهد بضيق / طيب .. ايش رايكم نسهر الليله عند امي ..
سعود بقهر و عصبية / بتال .. ناسي ايش صار قبل امس ..
بتال غمض عيونه و هو ياخذ نفس طويل .. و يتذكر ايش صار ..


:
:
:


في بيت ام عزام ..


الجوهرة بانهيار .. ووجهها احمر من الغضب و القهر .. و هي تصارخ / هذولاء عيال ..
هذولاء الي اقدر اقول عنهم ربي عوضني فيهم .. زادوني قهر فوق قهر عمري .. سااااكتين ..
عارفييين و ساكتييين .. " وهي تضرب فخوذها بقهر " .. اطلعوا من وجهي .. انقلعوا ..
بتال واقف مسح على وجه و بمحاولة / يمه ....
الجوهرة بقهر و غضب كبير / وحمى .. انت بذات اسكت .. اسككككككت .. قلت لك من قبل ..
هذي عقربة .. شوف كيف .. لفت لفت و با الاخير زوجة ابوك لصديقتها ..
بتال خلاص قفلت معاه .. تنهد .. و حول قد ما يقدر يكون هادي / يمه .. الحين تبين تبقي بيت جدتي ..
الجوهرة بغضب / مالك دخل .. و خذ اخوانك و اطلع .. ولا اشوف احد منكم ..
" و قفت و بغضب توجهت لغرفتها .." .. ام عزام الي طول فترة النقاش كانت صامته .." ..
بهدوء و هي تاشر لبتال و سعود و سامر يجلسون جنبها سعود و اقف و متساند على عمود بنص الصالة ..
بتال جلس على طول .. اما سامر توجه للباب و طلع من البيت .. سعود واقف بمكانه ..
كلهم لبسين ثياب بيضاء بدون شماغ .. بتال اول ما جلس سحب جواله من جيبه و حطة على الطاولة ..
ام عزام طالعت سعود و رجعت طالعت بتال .. حطت يدها على فخذه / مجروحه .. ما تنلام ..
خلوها .. يوم يومين ثلاث .. " طبطبت على فخذه بحنان " .. ابوكم اوجعها .. ربي يسامحه ..
بتال بضيق / يعني ايش السواه .. ابوي و صامل .. ماهو مغير راية .. " مسح وجهه بضيق " ..
و ايش دخل العنود بالسالفه .. يوم حطت كل السالفه عليها ..
ام عزام بهدوء / مغير حرة بصدر و دها تطلعها ..
بتال تنهد بضيق / ............
ام عزام بحنان / روح انت و اخوانك .. و ناموا .. و لا بغيتوا شي كلمني ..
بتال سحب جواله و طق به بضيق بطرف الطاولة / وووو .. وليد .. " التفت على جدته " .. ايش نقوله ..
ام عزام بعد صمت / قوله امي مزنه مريضة .. و لا تبي ازعاج .. و انتم يومين ورايحين مكه .. و بيلتهي الولد ..


:
:
:


سمع صوت ابوة و التفت عليه .. شافه واقف بأول الدرج ..
كان كاشخ بالثوب الابيض و الغترة البيضاء .. ابوه على كثر المسؤولية و تعب الشغل الا انه ما شاء الله ..
جسمه انيق و صحته ممتازة وكانه رجل ببداية الاربعين وليس بمنتصف الخمسين ..
ابو بتال لسامر .. بهدوء / ما تبي تروح ..
سامر ببرود و هو عينه على التلفزيون / لا ..
ابو بتال بامر / انتبه لاخوك .. و لا تغفل عنه .. و نبه ستي على موعد داؤه .. وعشية و نيمة لا تطلع برا ..
سامر ببرود / تامر ..
ابو بتال توجه للباب الرئيسي .. و بهدوء / جدكم و عمامكم ينتظرون بالمجلس .. عجلوا ..







ـــــــــــــ



بيت ابو طلال ..




ام سيف تبخر سيف و هي تقرا عليه و تحصنه بذكر الله .. سيف بضيق / كح .. كح يمه خلاص اختنقت ..
ام سيف بغصة / ليه كم مره ابغى اشوفك و انت رايح تخطب ..
سيف بمزاح / يمكن اطلع عوام مثل ابوي و عمي واتزوج الثانية ..
طلال واقف قريب منهم ياكل من المعمول الي على الطاولة و يشرب قهوة / هههههههه ..
ام سيف ضربت سيف على صدرة / انت شوف عروستك بالاول ..
سيف توتر و بارتباك / ضنكم يخلوني اشوفها ..
طلال بخبث / قول لابوها منصور ابغى اشوف عروسي ..
سيف يطالع بطلال بنظرات ضايعة مايدري مزح والا جد ../ ......
طلال ابتسم / وان شاء الله العصى ما تتعمق كثير بس احولال بالعيون و اختلال بالعقل .. بسيطة ..
سيف بعصبية / بايخ .. " ابتسم بخبث " .. بس مردودة ..
طلال و هو يصب له فنجان قهوة / ما تقدر ..








ــــــــــــــــ







بعد الخطبة .. و تناول العشاء ..




صلاح بهدوء / اذكر الله ..
طارق بقهر / لا اله الا الله .. محمد رسول الله ..
متعب لف يدينه على صدره وواقف يطالع البحر بضيق / ............
صلاح بهدوء / هذا قسمة ونصيب .. اذا الله اراد ان يكون نصيبها مع ابو بتال بيكون نصيبها ماتقدر تعارضة او تغيره ..
طارق مسح وجهه / و النعم بالله .. بس انا مقهور ما عرفت الا من يومين بس ..
طيب مسافر .. على راسي مليون مصيبة شي يخص اختي ما يقولون لي عليه .. ليييييييه ..
صلاح بتافف / قدر الله و ماشاء فعل .. نسيوا .. امك مريضة .. و اختك يالله بحالها ..
و جدك ما تفهم لشيبان بعض الاحيان . ومتعب هذا هو قدامك بس ساكت .. من يومين وهذا حاله ..
متعب طالعهم بنظرات بارده و رجع يطالع البحر / ................
صلاح تنهد / انت ما تقول ايش فيك مغير تطالع بالبحر ..
متعب بنبرة شوق و الم / اشتقت لنايف ..
طارق و صلاح بحزن / الله يرحمه ..
بعد وقت صمت .. و كل منسجم مع صوت الموج .. متعب جلس جنب صلاح ..
متعب بهدوء / متى راجع لـ الرياض ..
صلاح بهدوء / يومين ان شاء الله و تخلص اموري و ارجع ..
متعب بنبرة مقصودة / العنود سوت شي ..
صلاح بتعجب / لا .. ابد .. بالعكس .. كانت هادئه و متجاوبه .. استغربت ..
والي زاد استغرابي .. حصت سند كانت عارفة فيها .. و بالمشروع بعد ..
متعب باستغراب عقد حواجبه / اي مشروع ..
صلاح بهدوء / ابو راكان الله يرحمه .. كان مسوي ملف شامل عن مشروع بناء استثماري .. سكن و ترفيه ..
المشروع مافي منه بمنطقتنا .. كاتصميمه و كا محتواه و فكرته .. مساعدة بالمشروع سند .. و الي عرفته جديد ..
ان رعد بعد معاهم .. الملف بشكل كامل مو مطلع عليه كثير من الاشخاص .. بس تفأجات .. ان العنود عارفة كل شي ..
بكل التفاصيل .. و فاهمه كل الي يحتوية .. كنا متوقعينه ان الملفات احترقت في البيت .. طلع لا .. كلها عند العنود ..
متعب عقد حواجبة / مو قلت لك .. هالبنت جنية ..
صلاح ابتسم / ليه .. لان بدال لا تساعدك قلبت الطاولة عليك ..
متعب ابتسم / لا .. لسع ما صار شي .. و انا مازلت صامد .. لا للعرس لا للعرس ..
طارق بضحكة / والله يا ماجد انحرق .. هههههههههههه ..
متعب ابتسم / انا قلت له .. العنود مو ناسية .. لا تأمن لسكوتها ..
صلاح ابتسم / علشان تأجيل ملكته على بنت عبدالمحسن ..
متعب ابتسم / الله الله .. " سكت لثواني " .. سبحان الله الي كاتب الارزاق .. بتال كم مرة خطب بنت عبدالمحسن ..
طارق عقد حواجبة / مرتين .. مدري ثلاث ..
متعب بابتسامة / ونهايتها الرفض .. وشوف اشلون .. دارة الدنيا .. وابوة خطب بنت عمها له ..
طارق عقد حواجبة بضيق / و الله بدري .. جرحها ما نشف ..
صلاح تنهد / اقدار .. مقدر و مكتوب .. ويمكن يكون علاج لجرحها .. يمكن لا انترك ..
يلتهب و يعفن و تصيبه غرغرينه .. " وهو يطبطب على فخذ طارق " .. لعله خير يا اخوي .. لعله خير ..







ـــــــــــــ






بعد ايام ..



الساعة 8 صباحاً ..


امام قصر ابو سطام ..



جمس يوكن 2013 .. اسود الون .. صعدت فيه .. ميري .. و ام سطام و العنود .. و ابو سطام ..
الكل بالسيارة ماعدا السواق الا باعتقادهم انه سلطان .. الكل ينتظر سلطان ..
شافوا سمر تطلع بسيارة جيب .. معاها سعود و سامر و وليد و سيتي ..
تحرك رعد بسيارته بانوراما و معاه هيفاء و خدامتها .. تحرك عبدالعزيز بالجيب ومعاه حريمة و بناته ..
نايف و سيف يجهزون الدسن الي فيه بعض من المفارش .. و تجهيزات الرحله ..
وبعد أتأكد من تجهيزها .. ركبوا السيارة و تحركوا ..
سند معاه جمس يوكن ذهبي الون 2013.. معاه رنيم و خواتها و صقر و بعد غرام ..
فارس با البي ام .. معاه ابوه و امه و خالته ام صقر ..
فارس التفت وهو يسمع صوت خالته .. ابتسم و طالع للي جالسه جنب امها ..
ابرار الي كانت تطالعه .. اول ما شافته صدت عنه .. ما زالت زعلانه منه و عتبانه ..
عناد بالجيب 2013 اسود .. معاه ابوه و امه و خواته .. و خدامتهم ..
بدر بسبب دوامة ما قدر يروح معاهم .. عناد ابتسم وهو يسمع امه تعيد اتصالها على بدر ..
( مخلية لك اكل بالثلاجة .. بس سخنه و كل .. لا تنام و انت جيعان .. و تدفى زين ..
ما رجعت كلمت رئيسك .. قله يومين و راجعين ما حنا بمتاخرين .. خله يكسب له اجر ..
قله و الله امي لتدعيلك .. " بحزم " .. انت قله و بس .. يمكن يلين قلبه .. " بضيق " .. تضحك ..) ..
عناد الي كان منزل زجاج الشباك .. ضحك على كلام امه .. سند الي كان بيطلع سيارته التفت باستغراب على عناد ..
عناد شاف سند واقف عند سيارته .. و شكله سمع ضحكته .. نزل الشباك الي جهة امه ..
التفت سند عليها و سمعها تقول / لا تنسى الصلاة .. و اذكار المساء و الصباح .. و تحصن .. ولا تسرع ..
ولا اتصلت عليك رد .. لكن ان كنت نايم قولي حتى لا ازعجك ..
سند ضحك و طلع سيارته .. و قبل لا يقفل الباب سمع خالته تقول بزعل / انتم ليش تضحكون عليه ..
ابو عناد ببتسامه / معليك فيهم .. خبول ..
ام عناد طنشتهم و كملت مكالمته / استودعتك الله .. و لا تنسى كلم المدير .. و قولة والله ان فكك لدعي له ..
" و بحب الام " .. ان ما فكك لدعي عليه ..
عناد بشهقة ضاحكة / استغفر الله يمه .. هذا شغله ..
ام عناد بضيق / ما عليه فيكم .. خله يخلي ولدي يروح معاي و انا ادعي له .. و بكيفه ..
ابو عناد الي تلثم بشماغه من الضحك .. ام عناد و هي تقفل الجوال / اها طيب .. فمان الله .. وداعت الله .. مع السلامة ..
ربي يحفظك .. " الا ان قفل بدر الاتصال " ..
ام عناد مسحت دميعاتها .. و بحنان و غصة / و الله ما ادري كيف نروح و نخليه لحالة ..
عناد ابتسم و بحنان / مو لحالة يمه .. راكان وزياد مو رايحين معانا .. بعد يومين ان شاء الله يلحقونا ..
تحرك سند و فارس و عناد .. و لحقهم سعود ..
ابو سطام بضيق / مشينا .. ايش بلاكم ابطيتوا ..
العنود كانت ترتب فرشة سلطان والظبي .. الي مجهزينها لهم باخر السيارة .. و جنبهم جالسه ميري ..
....... بضحكه / و هذا حنا جينا .. بسم الله و توكلنا على الله ..
العنود رفعت راسها بسرعة و شافت السيارة تتحرك .. و بتال هو السواق ..
بتال جات عينه بعين العنود و كان و اضح فيها الصدمة .. صد عنها و هي صدت عنه ..
عدل المراية الامامية .. وهو يردد دعاء السفر بصوت عالي حتى يردد و راه جده و جدته و ميري ..
العنود رفعت جوالها .. و شافت رساله من نايف .. " بتال راح يكون سواق السيارة الي انتي فيها ..
اذا بتغيرين انزلي ".. كانت من اكثر من 20 دقيقة .. يعني بعد ما تحرك نايف ..
الحين ما فيها تغير السيارة مو حلوة لا بحقها ولا بحق جدها و جدتها .. توكلت على الله و التزمت الصمت ..







ـــــــــــــــــ





في بيت ابناء سطام ..




راكان يفطر بكل برود .. و زياد مبتسم ..
ساره بتافف و هي تطالع بالشباك .. / تاخروا .. " دققت بنظر .. سحبت الستارة و هي تقرب وجهها لزجاج " ..
راكان انتبه لحركتها و ببرود / راحوا ..
سارة ببراءة / اشوف السيارات تتحرك ..
راكان وقف و هو يتحمد الله على النعمة .. سحب مفاتيحه .. ومحفظته .. و بكل برود / الناس كلها راحت ..
محد بقي غيرك .. الساعة 2 الظهر راجع .. القي الغداء جاهز .. و بعد العصر القهوة ..
سارة بصدمة تطالعه مو فاهمة .. زياد و قف و حاول يجيد التمثيل / ترا راكان قال للكل انك بتقعدين معاه ..
سارة بسرعة تجمعت الدموع بعيونها .. راكان صد عنها / حتى تعرفين كيف تحطين راسك براسي ..
سارة جلست على الكنب و هي مصدومه و مقهورة و مو مصدقة .. احساس غريب و مؤالم ..
زياد بحزن همس لراكان / حرام عليك .. خلاص ..
رن جوال راكان رفع جواله و شاف طلال .. / الو .. هلا .. " ابتسم " .. طيب .. سلام ..
التفت و بتمثيل الضيق / افففف يا الاخ الملقوف .. الا حلف الا أنك تروحين معاه .. وهو ينتظرك الحين برا ..
سارة قاعدة في مكانها مغير دموعها تنزل .. راكان بضحكه .. / ما تبين تروحين ..
سارة غطت و جها بيديها و صارت تبكي و تشهق ..
راكان عض على شفته السفلية / كاني دفشت معاها .. " تقدم منها و جلس على ركبه قبالها .. حضنها و هو يضحك " ..
ساره بكل قهرها عضته بكتفه .. راكان صرخ / ااااااااااه ..
حتى توقف و تروح جهة زياد و بقهر / احسسسسسسسسن ...
دخل طلال بوقت ما وقف راكان بيمسك ساره .. بس سارة راحت لطلال قبل ما يوصلها راكان ..
الي ما اوجعته العضة كثر ما فجعته و صدمته .. و بحزم / طلال روح توكل على الله .. اما ذي لا ..
سارة رمة الشيلة على وجهها و راحت تجري للباب .. مطنشه شنطتها و نقابها و جوالها ... وكاميرتها ..
اخوانها / ههههههههههههههههههه ..
طلال بضحكة / حرام عليك ..
راكان بضحكة / طولان لسانها ..
طلال ابتسم / يالله .. هات اغراضها و خلني الحق على الجماعة ..
جمع اغراض سارة و ساعده بحملها زياد و راكان ..
بعد ماحط زياد شنطة سارة بالسيارة .. راكان و قف على جنب و بيده كاميرة سارة ..
الي كانت تمشي و تصور كل شي .. لقط لها صورة وهي بسيارة و مسوية له حبتين و هي تعاندة ..
راكان بضحكة وهو يهدد / احسن لك .. كلها يومين و جايكم ..
ساره تاشر له انه مو خايفه .. و بصوت من خلف زجاج الشباك .. " جدي فييييييه .. ما تقدددددر " ..
راكان يحاول يفتح الباب بس مقفل .. و هي ارتعبت جد .. لتصرخ / لالالا امزح امزح ..
طلال فتح باب سيارته البانوراما و هو يضحك .. / يالله مع السلامة نشوفكم بعد يومين ..
راكان ابتسم / باذن الله .. و اذا ما قدرنا .. عاد انتبه للبنات ..
طلال ابتسم / لا توصي حريص .. و لا تطولون علينا .. فمان الله ..
راكان و زياد .. / بحفظ الله .. مع السلامه ..







ــــــــــــــــــ
"






اجواء السيارة هدوء ..
مغير صوت الشخير الصادر من جدتها و جدها ..
كانت مرتبكه .. فتحت جوالها و فتحت المصحف الي بجوالها و صارت تقرا فيه ..
بتال الصداع بيشق راسه .. تنهد و بهدوء و صوت منخفض / ام سلطان معاك بندول ..
العنود كل مافيها تصلب .. سمعت صوت الظبي وهي متضايقة بنومتها .. التفتت لها ..
وشافتها نايمه بطريقة خطاء والفرشة مكشوفه .. عدلت نومت الظبي .. و عدلت فرشتها ..
بتال ما سمع صوت الظبي .. رفع عينه و شاف العنود صادة و تطالع وراها ..
عض على شفته السفليه .. مسك طرف شماغه و لفه على راسه .. ينتظر يشوف محطة و ينزل يشتري بندول ..
العنود بعد ما تاكدت من نومة الظبي .. اعتدلت بجلستها .. و فتحت شنطتها الصغيرة .. طلعت شريط البندول ..
فرغت منه حبتين في المنديل .. مدت يدها وحطته على المسند " المرتبة " .. الي بين السواق و الراكب ..
فتحت ترمس القهوة .. و انتشرت ريحتها بالسيارة .. بتال شم ريحة القهوة .. و زفر بقهر ..
العنود بهمس / ابو سلطان .. شف البندول في المنديل على المرتبه " المسند " ..
بتال انفكت العقدى اللي بين حواجبه .. والتفت على المرتبة .. سحب المنديل و اخذ الحبتين وبلعهم بدون ماي ..
سمع همس العنود / القهوة ..
غصب عنه ابتسم .. وهو يمد يده حتى تناوله الفنجان ..
العنود شافت يده وطنشت .. مدت يدها ونزلت الفنجان على المرتبة ..
بتال انتبه لحركتها .. التفت على المرتبة و اخذ الفنجان .. و بنبرة لعابه / جعل يدينك سالمه ..
العنود صدت و صارت تطالع الطريق .. ثواني و سمعت صوت الظبي و هي تتمغط ..
التفتت لها و شافتها مفتحه عيونها وتطالع حولها كانها مفجوعه .. حملتها و هي تسمي عليها و تحضنها ..
بتال التفت و ابتسم بحب / صح النوم يا روحي .. " و رجع يطالع الطريق " ..
الظبي بكسل صارت تتمغط بحضن امها و انسدحت وهي تطالع الشباك ..
بتال بهمس / الظبي بابا .. حبيبتي ..
الظبي من سمعت صوت ابوها اعتدلت بجلستها و ابتسمت بفرح .. وقفت بحضن العنود ومدت يدها لابوها ..
بتال يمد يدها .. وهو مبتسم / يا فديت هاليد الحلوة ..
رفع عينه و طاحت بعين العنود الي تطالعهم بعفوية و هي مبتسمه .. و كانت واضحة ابتسامتها بعيونها ..
... طييييييييييييييييييييييييييييييييييييط ..
فز بتال و التفت على السيارة الي مرت من جنبة بسرعة و هي تضرب بوري " بوق السيارة " ..
ابو سطام فز برعب و ام سطام كذالك .. و ميري ..
ابوسطام بعصبية / حسبي الله و نعم الوكيل .. هذا ما يخاف الله .. مسرع و ين متلقي ..
بتال بقهر رفع جواله و اتصل .. وبعصبية / يا كلب .. فجعت جداناك .. " ابتسم " .. يا النذل ..
" قفل المكالمه و هو يضحك " .. هذا عناد يبه .. يقول شفت جدي نايم .. و قلت الذيب ليأكل الغزالة ..
ابو سطام ابتسم / ليه هو ايش شاف ..
العنود الي صدت ووجها احمر حرج و قهر ..
بتال عاجبة الي صار / ابد .. ما صار شي .. بس قهوتني و طيبت راسي ..
ابو سطام يعدل شماغه و يعتدل بجلسته .. و بابتسامه / والله .. اجل عطينا يا ام سلطان من دواك ..
العنود بحرج .. حولت تسيطر عليه / يبه .. لك علاج تاخذ الحين ..
ابو سطام / اي والله .. عندي ..
العنود تطلع حافظه فيها فطاير وخبز بر و تمد لجدها / كل شي قبلها يبه .. علاجك بنص الاكل .. و انت مفطر بدري ..
ام سطام وهي تعدل عباتها و برقعها / والله ان راسي يفجني فج ..
العنود ابتسمت / تبين قهوة يمه .. " و هي تمسك ترمس القهوة و تصب لجدتها و بعد لميري " ..
ثواني وصحي سلطان .. و بدا يصارخ عليهم الا يجلس عند جده و ابوه .. و العنود رافضة ..
ابو سطام بضيق/ و انا ابوك هتيه .. مو مضايقني ..
العنود / يبه ان جاك سلطان غارت الظبي و جاتكم ..
بتال بابتسامه و هو يلتفت لسلطان الي يبكي .. مد يده و سحبه .. و سلطان ما صدق خبر .. نقز لابوه ..
العنود بضيق صدت و هي تمسح على شعر الظبي الي جالسة بحضنها و بيدها بسكويت ..
بتال جلس سلطان بحضنه و هو يسوق .. الظبي انتبهت لسلطان و بدات تصارخ بغيرة ..
بتال / هههههههههههههههههه انتي يا بابا لا .. السواقة لـ الاولاد مو البنات ..
الظبي الي بدات تصارخ و ترمي نفسها .. شدتها العنود لحضنها بعد ماسمعت كلام بتال ..
ومسحت فمها و يدينها .. و دفعتها لعند ابوها و جدها ..
بتال انتبه لحركتها ابتسم مد يده اليمين وحضن الظبي و بيدة اليسار ماسك الدريكسون ..
ابو سطام بتنبيه / انتبه لطريق ..







ـــــــــــــــــــ





بعد نصف ساعة تقريبا ..



توقفت بعض السيارات عند المحطة ..
" رعد .. وسند .. وعناد .. وبتال .. " ..
اما البقية فكملوا طريقهم .. " ابو طلال .. و سيف .. فارس .. سعود .. "



بتال وهو فاتح الباب .. وبحضنه سلطان .. التفت / تبون شي من البقالة ..
العنود سكتت .. ابو سطام / جيب شي ناكله و ماء و لصغار جيب لهم سكاته ..
بتال ابتسم " على كلمة سكاته / تامر .. " نزل سلطان و الظبي تنقز تبي تنزل " ..
بتال وهو يقفل الباب / لا يا بابا .. سلطان و يكفي ..
الظبي من تقفل الباب صارت تبكي .. العنود سحبت الظبي وحضنتها ..
بتال و معاه سلطان حامله بيده .. شاف سند يسال عناد / انتي ايش فيك تضرب بوري ..
عناد اول ماشاف بتال قريب منه / هههههههههههههههه .. نطرد الشيطان .. ههههههههههه ..
بتال ابتسم وهو يتقدم لهم / نذل .. بس ترجع لك ان شاء الله ..
سند ابتسم / ايش السالفه ..
بتال رفع حاجب و هو يوقف عندهم / ما فيه شي .. مغير وسوسات عناد .. " ابتسم " .. زوجوه و فكونا ..
عناد / ههههههههه لا والله .. الا فيك انتي .. ماغير اقول يالله تعجل بشفاه ..
بتال كتم ضحكته و هو يعض شفته السفلية .. سند بقهر / تقول والا كيف ..
عناد ابتسم / مريت من جنب بتال .. والا كاني المح جدي نايم .. و اتباطى شوي والا اتاكد ..
ولا بعد .. جدتي و ميري نايمين .. خبرك جمس خالي مو مضلل .. وضح كل شي ..
واركز على بتال و الا هو يتبوسم و يتقهوى .. قلت بس ابليس وصل عندهم .. خلني انقذ بنت خالي ..
ههههههههههههههه " وهو يبتعد متراجع للخلف عن بتال الي رفع يده بيضرب عناد بمزح " .
سند / ههههههههههههههههههه .. " وهو يلتفت على عناد " اجل فعل خير..
" التفت على بتال " .. ها بشر عسى شفت الين منها ..
بتال طالع بعناد و صد عنه و بخبث / اقولك بعدين .. حتى محد يخرب عليه ..
عناد بضحكة / افا .. الا والله ابغى لك كل خير .. وجعل يبتل ريقك اليوم قبل بكره هههههههههههههههههه ..
بتال يقبل سلطان و يدخل البقالة وهو مبتسم .. و يدخل وراه عناد و سند وهم يضحكون ..





:
:
:



بعد مارجع من البقالة .. و ركب السيارة سمع همسها و واضح انها معصبة / لا عاد تفرق بين الظبي و سلطان ..
بتال بهمس وهو يلتفت لها بدون لا يشوفها ولا ينتبه جده / تامرين ..
العنود طالعته بقهر مفكرة انه يتمسخر عليها .. بتال التفت على الجهة الثانية وسحب الظبي ..
و هو يقبلها و يحطها بحضنه .. و حرك السيارة .. بعد ما شاف طلال الي وصل لهم يركب سيارته و يتحرك ..





ــــــــــــــــــــ






بعد المغرب ..




....../ هلا .. لا لسع ما وصلنا .. كلها ساعتين او اقل و نوصل .. باذن الله ..
هههههههههههه .. كله من اخويانا الي معاهم بزرانا و الي حريمهم ما يقدرون يطولون بالجلوس ..
.. لا قدامنا .. سيف وفارس ونايف و طلال و الظاهر ان سند وصل بعد .. ايه .. طيب .. مع السلامه ..
ابو عناد وهو يعدل حرامه .. / لا ان شاء الله كلها ساعة بالكثير وحنا بالحرم ..
ام عناد بلهفه / ما قال بدر ان المدير اعطاه اجازة ..
عناد ابتسم / لا يمه .. " وبغير الموضوع " .. ادعوا و لبكوا .. " لبيك اللهم عمره ..
ام عناد التهت بدعوات و هي تهمس و بناتها جنبها يهمسون بدعوات ..







ـــــــــــــــــ






بعد وصول الكل .. و انتهائهم من العمرة ..



سند واقف عند الفندق الي حاجزين فيه .. بتعب / من راح يجيب العشاء ..
عناد وهو شايل شنطة متوسطة / سامر و نايف و صقر ..
سند هز راسه و هو يلعب بمفتاح السيارة / عسى ما يتاخرون ..
عناد يطلع الدرجات وراء سند بتعب و ارهاق / المطعم قريب .. " ابتسم " .. البنات بيتشرطون بطلباتهم ..
لكن فكنا النوم منهم .. احسن .. " تثاؤب .. وحط يده على فمه " .. يا النوووووووم ..
سند ابتسم الي كان واقف ينتظر المصعد ينفتح .. انفتح ودخل .. و بهدوء / نتعشاء و ننام ان شاء الله ..
عناد و قف جنبه و غمض عيونه و هو يرجع راسه للخلف مستند على المصعد ..





ـــــــــــــــــ

بعد صلاة الفجر ..




سند يشوف جواله .. و يقرا الرسالة الي مرسلتها رنيم بالأشياء الي محتاجينها ..
اخذ الاغراض هو وعناد و بتال من المتجر .. و طلعوا للفندق ..
بعد ساعة ..
سند يتنهد بعد ما قام من سفرة الاكل / يا رب لك الحمد ..
عناد و هو ما زال ياكل / اول مرة اكل بيض و يكون بذا الطعم ..
طلال الي جالس جنب نايف ابتسم / هذي سوات ام سلطان ..
بتال الي مو بعيد عنهم و هو يشرب القهوة .. بهدوء / سلمت يدينها ..
سند بابتسامه و بخبث / الشاهي سوات غرام ..
عناد ابتسم / ودي اتغزل فيها بس ما يجوز .. بكرة ان شاء الله ..
سند ابتسم / ترا للحين ما بلغتها .. و زي ما قلت لك .. ان رفضت ماراح يصير ..
عناد وقف وهو ينفض ثوبه / المهم .. البنت يبغون السوق .. من يوديهم ..
فارس رفع راسه عن الجوال الي يطقطق فيه / انا ..
عناد / وانا معاك .. البنات قبيلة بحالهم ..
سند بصوت ثقيل / اذكر الله ..
عناد ابتسم / لا اله الا الله ..
طلال هز راسه / ترا مو كلهم رايحين .. زوجتي و اخواتي مو رايحين ..
صقر / حتى اخواتي محد رايح منهم غير روان ..
عناد عقد حواجبة / يعني اخواتي ثنتين و خطيبتي و روان و سمر ..
طلال باستغراب / غريب روان تروح و اماني تقعد ..
سيف ابتسم / من قال ان نوال و اماني مو رايحين .. ابرار و روان ما يكونون بمكان بدونهم ..
عناد رفع حاجب / يعني سبعة بنات .. ناخذ جمس عمي فهد ..
سند و هو يشرب قهوة / الله يعينكم عليهم ..








ــــــــــ





بعد صلاة العصر ..



عناد بهمس لجدة / ها يبه .. ايش قلت ..
ابو سطام ابتسم / و اثرك كل هالمدة وانت تنتظر تملك بمكه ..
عناد ابتسم / حتى نتبارك .. خابرني بي جني وهي ما هي بصوحية ..
ابو سطام ضحك / هههههههههه لا تسمعك ..
عناد ابتسم / لا مو سامعتني .. بس قولي معي انتي ..
ابو سطام / خلاص دور على مملك و شوف ايش يحتاج ..
عناد ابتسم و هو يهز راسة / ان شاء الله ..




:
:
:
:




بجناح البنات ..




العنود / خليها عندي .. و انتي روحي انبسطي ..
سمر ابتسمت بامتنان / شكرا ..
روان بهدوء / انا بطلت مو رايحة خلاص ..
اماني بتعب / ولا انا .. راسي مصدع .. احسه بينفجر ..
ساره بهدوء / علشان ما نمتي زين ..
اماني تحط راسها على السرير وهي تفرد شعرها / الحين ابي انام ..
رنيم بتنبيه / لا تنامين الحين .. مو زين ..
العنود / حاولي تصحصحين علشان تصلين المغرب ..
اماني تنام على بطنها / ما عليه .. " وبالم " .. بطني يتقطع ..
العنود عقدة حواجبها / طيب ليه ما تكلمتي .. روحي المستشفى خذي ابره ..
اماني بخنقه / ما ابغى ..
دخلت ام سيف و على طول توجهة لبنتها / اماني .. اذا مرة تعبانه خلنا نوديك للمستشفى ..
اماني انفجرت بكي / مرة يوجعني بطني ..
ام سيف تحط يدها على جبين اماني و شهقة / محمومه .. لزم لك ابرة ..
رفعت العنود جوالها / انا اكلم طلال اخليه ياخذك المستشفى .. " وهي تتصل على طلال " ..
الو السلام عليكم .. كيف ابو عبدالعزيز .. لا ابد سلامتك .. بس اماني تعبانه شوي وتبي المستشفى ..
طيب الحين تنزل .. " قفلت المكالمة التفتت لام سيف الي واقفه عند باب الغرفة ..
و شافت البنات يطلعون من الباب الرئيسي للجناح " ..
التفتت ام سيف عليها / ها كلمتي طلال ..
العنود / ايه وهو ينتظرها .. من يروح معاها ..
امم سيف بضيق / ما ادري .. اماني لا اخذت الابرة يغمى عليها بعدها ..
ام طلال مع خالتي و ام عناد و ام سند و مرام تحت بالحرم .. و البنات راحوا لسوق ..
العنود التفتت على اولادها و شيخة بنت راكان . التفتت على ام سيف / انا اروح معاها ..
الصغار نايمين .. و ان شاء الله ما نطول .. انا شفت المستشفى قريب من الفندق ..
ام سيف و هي تشوف عباية بنتها المعلقه با الشماعه .. اخذتهم و توجهة لاماني و ساعدتها بالبس ..
العنود التفتت على سارة وروان الي جالسين بالصالة يطالعون بالاب توب تبع ريهام ..
العنود / بنات .. انا رايحة مع اماني للمستشفى .. انتم انتبهوا لصغار ماشي ..
سارة هزت راسه / طيب .. " و بتساؤل " .. مرة تعبانه اماني ..
العنود بهدوء وهي تلف شيلتها / بس تاخذ ابره و تصير طيبه ان شاء الله ..
" التفتت على اماني يالي تسحب رجلها سحب .. و سندتها و ساعدتها بالمشي " ..
طلعت رنيم من الحمام اكرمكم الله وعقدة حواجبها / ايش فيه ..
العنود و هي متبرقعه / انتبهي لصغار ها .. ما نطول ان شاء الله ..





ـــــــــــ





عند الشباب ..


طلال بهدوء / لا ان شاء الله مو شي كبير ..
سند بهدوء / من بيروح معاكم .. لان بنروح للمسجد ما بقى كثير على المغرب يا دوب نلحق ..
طلال / بس ام سلطان و اماني ..
بتال رفع راسه باستغراب / و الصغار وين تخليهم .. الكل بالحرم ..
سند بهدوء / تخليهم هينا .. فيه خالتي الجازي و فيه البنات ..
بتال بضيق صد وهو يهمس / ما يصير ترمي العيال كذا .. ولا بعد شيخه فوقهم .. اووووووووف يا العنود ..

البارت 47 ..













بين استثارة جرح ومعاند نفوس

وبين الحسافه يوم صدات الاقراب

وبين العذاب وبين دمعات محبوس

زنزانة الدنيا تحبسه ولا تاب

آخذ بعقلي بين الارجاء وآحوس

واقلب اوراق الخفا وافتح ابواب

امشي على خطه وتكتيك مدروس

ولاهو بهمي اكسب اصوات واعجاب

ويا فكري اللي تملك احساس معكوس

يا **** اليا متى وانت غلاب

ويا قلبي اللي من عنا الهم متروس

ما ابيك تضعف لا قدك عند الاجناب

لا شك ابيك تكون لعداي كابوس

/

خلك كذا كايد ويحسب لك حساب

علم هل النمات نقارة السوس

اللي يزيدون الحكي زود واكذاب

اني ارى قد اينعت للفنا روس

حان القطاف وحان تقطيع الارقاب

صاحب وخاين صار لعداي جاسوس

وصاحب فشى سري كذا دون اسباب

يا رب انا في رفقتي ليه منحوس

برحمتك ترحم صويب ومنصاب

لا جن ليل الهم هب لي الكوس

كنها تذكرني مواعيد الاحباب

آجر صوتي واسحبه سحب منكوس

من خاطر فيه الهواجيس تنتاب

وانا بحبه ناحل القد ( مهووس)

حبه يعذبني يا لبى التعذاب

اغليه ما (امريكا) بها كره للروس

واشتاق له ما خوف الغرب ( الارهاب)

ولو المحبه شي واقع وملموس

ما شفت عاشق يشتكي هم واتعاب

لكن ما دامه شي فالقلب محسوس

تبقى الحقيقه دونها ستر واحجاب

يا قطع كبدي قطعة الجلد بالموس

لا صارت افعال الرياجيل تنعاب

ما يربح اللي يذخر لوقته فلوس

الرابح اللي يذخر لوقته (اصحاب)











" حمد البريدي " ..













بمجمع العرب بجدة ..









غرام وبيدها بنطلون تشوف قماشة ولونه و هي تقلب فيه و سمر تتكلم و هي مو سامعه شي من كلام سمر ..

سمر طالعت بغرام و باستغراب / غرام ايش فيك ساكته ..

غرام بهمس و بقهر / شوفي الي واقفه هناك .." وهي تاشر بعيونه " .. اذت فارس ..

وابرار مغير تصد عنها .. وتوسي نفسها مو شايفه شي .. حتى لايحس احد بضيقتها ..

سمر طالعت بالبنت الي متلثمة و عيونها مرسومه بالكحل .. وريحة العطر تفوح منها / استغفر الله ..

هذي مو كانت معانا بمانجو .. ليكون تلحقنا من اول ..

غرام بفحيح وهي تهمس / ايه من اول .. " فتحت عيونه للاخر لمن شافتها تقرب من عناد ..

و دقت بكتفه و كانها مو شايفته .. و اعتذرت منه بصوت ناعم ..

ابتسمت لمن شافت عناد يصد عنها و يبصق على الارض " .. احسسسسسسن ..

سمر ضحكت / هههههه ايش بتسوين لها اعرفك ..

غرام رمة البنطلون على جنب و اشرت للبنات يطلعون من المحل .. اول وحدة طلعت ابرار و نوال ..

وبعدها شجون و سمر و لحقتها غرام الي كانت تتبطى بمشيتها .. خرج فارس قبل غرام ..

ولمن انتبه عناد لطلوعهم طلع وراهم وهو مستغرب من مشيت غرام .. فتح عيونه للاخير وهو يشوف حركتها ..

البنت صرخت / اااااااااااااه .. عيوني ..

غرام الي كانت عبايتها على الراس و مو باين شي منها .. تقدمة منها و بهمس حاد / انعميتي .. احسن ..

و تركتها وتحركة بسرعة لحقة البنات الي مهم قادرين يشوفون طريقهم من الضحك ..

عناد تحرك وراها و هو يضحك قرب منها / كل هذي غيرة .. " ابتسم اكثر لمن ماردت عليه "..

" تحرك بسرعة يبي يسبق غرام بخطواته و هو يطالع بجواله " .. ترا بكرة ملكتنا .. جهزي نفسك ..

غرام حست برجولها تلتوي في بعضها .. فارس كان واقف عند عامود و البنات مو بعيد عنه ..

غرام مسكت بيده و هي تبلع خجلها .. فارس ابتسم / ايش سويتي ..

غرام تحاول تكون هادية / انتقمت لـ ابرار .. تراها انتبهت وتضايقة ..

فارس تحرك وهو ما زال ماسك يد غرام / ترا من زمان زعلانه عليه .. و ماني عارف كيف اراضيها ..

غرام بتفكير / الحين نروح لمطعم .. واسحبها وكلمها لحالكم ..

فارس تنهد / لا ما راح ترضى كذا ..

غرام بتفكير / طيب خذ لها هدية الحين و فاجأها ..

فارس عض على شفايفه بتفكير / طيب .. ايش اخذ لها ..

غرام بتفكير / مو لزم شي غالي مبالغ فيه .. ترا ابرار حساسة و رومانسية ..

فارس ابتسم و بنبرة مقصودة / رومانسية .. ايه طيب ..

غرام ما انتبهت / يعني لو تجيب لها وردة حمراء و تعطيها اياه بترضى على طول ..

فارس هز راسة وهو يفكر بشي ثاني .. غرام تركت يده و توجهت لسمر و شجون .. و فارس راح لجهة عناد ..















:

:

:















بعد ما خلصوا من المول ..

وركبوا السيارة ..







عناد السواق و فارس جنبة .. فجاة التفت فارس للخلف بعد ما تقفلت البيبان ..

ومد يده بوردة جوري حمرا .. ابرار الي كانت غرام وسمر وشجون و نوال اتفقوا على جلوسها بنص ..

فتحت عيونها بصدمة .. وبداخلها " يا فضحيتي .. عنااااااد شنو راح يقول .. يممممممممه .. هو متى اشترا الورده ..

ما انتبهت له .. اكيد نوال تدري هي و غرام من تساسروا وانا شاكه فيهم " .. قطع عليها تفكيرها صوت فارس ..

فارس بابتسامه و همس مسموع / يعني ما بتاخذينها و ترضين عليه .. خلاص برو انا اسف ..

ابرار بلعت ريقة الجاف من الخجل .. و زاد بضحك عناد و تعليقة ..

عناد بضحكة / اهاااا مزعل اختي .. " التفت لهم وبخبث " .. بكرة ازعل غرام و اخذ بحقك .. وانا اخوك ..

شجون الي كانت جالسه جنب ابرار و خلف فارس صارت تهتز من الضحك ..

اعتدل فارس بعد مااخذت ابرار الوردة وعناد اعتدل وهو يعلق على فارس و فارس يرد عليه ..

شجون سمعت غرام و هي تمتم لسمر و شكلها معصبه / اهاا من اولها استاذ عناد , شكرا انك اعطتنا فكره عن الوضع ..

سمر بهمس / غرام اهدي .. عناد يمزح بس .. انتي ما تعرفين مزح الشباب ..

سمعي كلامه مع فارس وكان شي عادي الي يقولونه وكان ما معاهم بنات ..

غرام تهز رجلها بعصبية وهي صاده تطالع شوارع جده و محلاتها .. / ,,,,

سمر بهمس / غررررااااام .. انتي الي كنتي تنصحين لا اخذ الامور بعصبية و اخرب حياتي ..

غرام قاطعتها وبهمس حاد / بس ما راح اسمح له هو يخرب حياتي ..

سمر طالعت بعيون غرام بعدم فهم لمقصدها .. غرام صدت ورجعت تطالع لشوارع و هي تفكر ..








يوم جديد ..









البنات يجهزون نفسهم لنزول لصلاة الظهر ..

نوال وهي تلف شيلتها / احمدي ربك انك اعتمرتي و صليتي فرض بالحرم ..

والا تخيلي نزلت عليك وانتي ما اعتمرتي .. فشلة بعد ما نبي نرجع لشرقية تقولين لابوي ما اعتمرت ..

اماني جالسه على السرير و هي تشرب من كوب النعناع الي بيدها / وييييييي والله اموت ..

ريما ببرود / يالله الحين تقوم الصلاة ..

البنات طالعوا فيها بحزن و هي تتوجه للباب بتخرج .. لحقتها رنا وروان وريهام ..

رنيم دخلت الغرفة و نزلت فهد النايم على السرير و هدت عليه و غطت بالفرشة ..

التفتت على اماني وهي تهدن فهد و بهمس / توه نام .. انا ابي انزل اصلي و ارجع ..

" نزلت الرضعة على الطاولة " .. اذا صحي اعطية الرضعه .. واذا صار يبكي .. اتصلي على جوال سند ..

اماني فتحت عيونه / ليه وجوالك ..

رنيم بهمس / طاح من يدي بالحمام اكرمكم الله وانكسر .. " وقفت وهي تنزل غطاها على وجها " .. يالله ..

نوال بهمس وهي تتذكر / الا من بيعتمر مرة ثانية مع العنود وسارة ..

غرام / خالي سلطان .. و فارس ..

اماني باستغراب / ليه يعتمرون مرة ثانية ..

ابرار / العنود وسارة عن امهم وابوهم .. وخالي سلطان و فارس .. عن خالي سطام و جدي سند ..

رنيم / العنود عن جدتها الظبي .. و سارة عن امها .. وخالي سلطان عن خالي سطام ... وسيف عن جدي سند ..

وسند اعتمر الفجر عن جدي جابر الله يرحمه .. و اتوقع خالي رعد بعد بيعتمر عن احد بس ما ادري من ..

البنات باصوات متفرقه و باعجاب / ما شاء الله .. الله يجزاهم خير .. يتقبل منهم ..

رنيم باستعجال / يالله يالله .. ماتحلى الهرجة الا وقت الصلاة ..

طلعت من الجناح و لحقوها البنات .. وما بقي الا اماني و فهد الصغير ..















ـــــــــــ















بعد الصلاة ..





عناد بجديه / ملتقانا بعد صلاة العصر .. بالتوسعه ..

ابو سطام ابتسم وبنبرة مقصودة / ما شاء الله خلصت امروك بدري ..

عناد ابتسم و بنفس نبرة جده و هو ينسف شماغه / الله يهديك مضبطها من اول ..

ابو سطام / هههههههههههههههه ..

ابو عناد بفرح / ربي يتمم لكم على خير ..

ابو سند ابتسم / وانا اقول ليش ماخرها .. طلع تبيها بالحرم ملكتك ..

عناد بضحكة / متميزة و متباركه .. ههههههههههه ..

الكل / ههههههههههههههههه ..

ابو سطام / ربي يوفقكم ويرزقكم الذرية الصالحة ..

الكل / امين ..















ــــــــــــــــ















بعد صلاة العصر ..









البنات متجمعين بصالة .. نوال و ابرار وهم يتلفتون كانهم يدورون شي ..

نوال رفعت حاجب / غرام وين مختفية ؟

ابرار بطفش / اففففففف ابي اشوفها وهي توقع ..

رنيم تضحك وهي تغير لولدها .. نوال انتبهت لها ..

ابرار سالت رنيم / على ايش تضحكين ..

رنيم ابتسمت / انتي من شافك وانتي توقعين ..

ابرار تلون وجهها / محد ..

رنيم رفعت حاجب و بسخرية / وتبين تشوفين غيرك ..

ابرار بتبرير / ابي اشوف حرمة اخوي و الزواج بمكه زي الخبر ..

سمر ابتسمت / غرام سمعتكم وانتم تخططون علشان تفششلونها .. فقالت لسند انها راح تكون بجناح الحريم ..

شهقت نوال و قامت بسرعة وابرار وراها .. لبسوا عبياتهم و طلعوا من الجناح .. متوجهين لجناح الكبار ..

شافوا سند وهو متوجه للمصاعد طالع من جناح الكبار و ما بيده شي .. بما انه اخر جناحين بالممر ..

نوال بسرعة طقت باب الجناح اول ما انفتح دخلت .. شافت الكل يسلم على غرام و يبارك لها ..

وغرام بعبايتها و اقفه .. سالتها و هي فاتحه عيونه .. / وقعتي ..

دخلت رنيم و سمر من وراهم و شجون و ريهام ورنا .. غرام هزت راسه بابتسامه خجوله ..

نوال بقهر / ليييييييه ..؟

الكل فتح عيونه بصدمة واستغراب .. ام سطام بعصبة / ايش الي ليه .. ليه ما تبينها توقع ..

نوال بفشلة وتبرير / لا .. ااا

ام سطام بصدمة / اهبي .. يا قليلة الادب ..

نوال بتبرير سريع / ابي اشوفها وهي توقع واغطرف .. لووووولووولووولوووو ..

و هي تتقدم من غرام وتضمها وتبارك لها وغرام تضحك لانها عارفة بالي كانت تبي تسوية نوال ..

جلست غرام بعد ما سلموا عليه البنات وباركوا لها .. كانت هادية و خجوله ..

ام سند التفتت للبنات / ها جهزتوا اغراضكم كلها .. ما عاد فيه شي بالجناح ..

رنيم بهدوء / ايه كل الشنط نزلت والاغراض .. وكلها بالسيارة من قبل العصر ..

العنود و هي ماسكه عباية جدتها / يمه .. هذي عباتك ..

ام سطام بحنان / كيف هيفاء طيبه ..

العنود ابتسمت / ايه الحمدالله .. صحيت و تغداء .. و الحين تلبس عبايتها .. رعد ينتظركم تحت ..

ام طلال طلعت من المطبخ الصغير الموجود بالجناح ومعاها سله فيها ترامس قهوة وشاهي ..

طالعت بالبنات / انتم تبون تكونون بسيارة وحدة ..

البنات بصوت و احد/ ايووووووة ..

ام سطام بعصبية / اصه .. قصروا حسكم حنا مو ببيتنا ..

ام طلال ابتسمت / اها انزلوا .. السيارة تنتظركم .. بـ جمس عمكم فهد ..

ابرار و نوال و غرام و شجون و رنا و اماني و روان ..

طلعوا من الباب و توجهوا لمصعد و لا سالوا من السواق ..

ام سطام وقفت و هي تحط عباتها على راسها .. التفتت للعنود / ها وانا امك تمشين معانا ..

العنود ابتسمت / الله يستر عليكم .. انا اروح مع باقي البنات ..

ام سطام التفت على الحريم ../ هي فمان الله ..

ابتسموا لها و باصوات متفاوتة / فحفظ الرحمن .. فمان الكريم .. استودعناكم الله ..

العنود / ترا جدي مشي مع عمي سلطان و عمي فهد وعمي خالد .. وانتم بتمشون مع عمي عبدالعزيز ..

ام سطام تمشي و هي تستند على عكازها .. / اها استودعتهم الله ..

هيفاء وهي تطلع من الغرفه لبسه عبايتها .. بصوت متعب / مع السلامه .. " و بجنبها شغالتها " ..













:

:

:











تحت بمواقف السيارات ,,







ابرار / بما انها سيارة عمي فهد فأكيد و احد من اولاده .. يعني الي تركب قدام غرام ..

نوال وهي تطلع قبل ابرار / صح .. " بعد ما جلست جنب سمر .. التفتت عليهم " ..

انتي او غرام انا مالي دخل ليش واقفه برا .. وخري " وهي تبعد ابرار عن الباب و تقفله " ..

ابرار فتحت عيونها و البنات ضحكوا عليها " .. غرام فتحت الباب الامامي و هي تركب / خلاص ابرار روحي اركبي ..

الشباب الي كانوا واقفين بعيد شوي و يتفقون على تقسم السيارات .. عناد رفع يده وسلم و توجه لسيارة ..

غرام كانت ملتفته للبنات و تسولف و تضحك ما انتبهت الا على ركوب عناد و هو يسلم / السلام عليكم ..

غرام بسرعة التفتت و شهقت برعب و خجل .. عناد انتبه انها غرام من اول ما كانت تتكلم مع البنات ..

اول ما شاف غرام بتنزل مسك يدها و هو يبتسم / على وين .. " ضغط زر الاقفال و قفل البيبان " ..

غرام لصقة بـ الباب و هي مرتبكة .. عناد حرك السيارة و طلع من المواقف ..

غرام تحاول تتكلم تطلب منه يوقف و تطلع مكانها ابرار .. بس كل الكلام و قف ولا قدرت تقول كلمه ..

تسمع ضحك البنات و همهماتهم و لا هي قادره ترد عليهم .. عناد رفع عينه للمراية و طالع باخته ..

رفع حاجب و بسخرية / خير .. ايش عندكم ..

ابرار بلعت ريقها و هي تحاول تمسك نفسها .. هزت راسها و بهمس مسموع / سلامتك ..

اماني بلقافه / مبروك يا عريس .. آآآآآآآآآآه ..

عناد ابتسم و بخبث / يبارك فيك يا عروس ..

اماني الي كانت جالسه اخر السيارة و جنبها روان و شجون .. انقهرت من ضربة روان لها ..

وبقهر / العروس جنبك .. آآآآآآآآآآآآآآآآآه .. " وهي تمسح مكان القرصة الي جاتها من نوال الي جالسه قدامها ..

اماني ببكيه / ااااااف .. ما يبون ابارك لك ..

عناد بابتسامه و بخبث / خلاص انتي باركتي لي .. وانا ابارك لك بالخطوبة ..

اماني طالعت فيه مفهيه مو فاهمه ايش يقول طنشته و قامت تتهاوش مع نوال و رنا و روان ..

عناد بعد ما وقف عند الاشارة .. اتكاء على المسند الي بين السايق و الراكب .. وهو يهمس / ايش فيك خايفه ..

غرام الي كانت متوتره و كثر توترها من كلام اماني .. و هي تتحسب بداخلها على اماني و تتوعد ..

عناد مد يده و مسك يدها وشدها على جهته جبرت غرام تطاوعه حتى لا ينتبهون البنات ..

ومو عارفة ان البنات عيونهم عليهم .. عناد حس بالهدوء المفاجئ الي صار ..

تكلم و هو يطالع بالاشاره كم الثواني المتبقيه حتى تفتح الاشارة .. موجه كلامه للبنات / تبون شي ناخذه قبل لا نطلع ..

البنات مو فاهمين شي و يحسبونه يكلم غرام .. عناد بعصبية / ابرار ..

البنات نقزوا .. ابرار بارتباك / نعم ..

عناد بحدة / القافة والحركات الي مالها داعي ما احبها و الفهاوه اكرها .. ايش الي تبونه من المتجر قبل لا اطلع الكُر ..

غرام تجمدت بمكانها .. و ابرار صارت تفرك بيدينها من الخوف .. همست للبنات / ايش نبغى ..

نوال بهمس / مكسرات و شبسات شكولاتــ......

قاطعهم عناد / اكتبوا كل شي بالواتس و ارسليه الحين يا ابرار .. اسالي الكل ..

حرك السيارة وبعد ما سمع همهمات البنات و تاكد من انشغالهم .. التفت على غرام وبهمس / مبروك ..

غرام تطالع بالشارع بتشتت و ارتباك .. عناد ابتسم وبخبث / خبري بالسانك يطول اذانك ..

غرام بصدمه طالعت فيه .. شافته يمد لسانه لها .. ابتسمت و صدت عنه .. وبداخلها .. " خبل ..

بس اوريك يا عناد .. كلامك البارح ما نسيته .. اجل بكرة لو صار شي بين فارس و ابرار بتحطه على راسي " ..

حست بيد تشد على يدها .. و بهمس / تبين شي .. " انتبهت انهم موقفين عند المتجر " ..

غرام بهمس خجول / لا .. شكرا .. " وهي تسحب يدها و ترجعها لحضنها " ..

استغربت ان مر وقت و لا نزل .. التفتت عليه و شافته رافع حاجب مبتسم ابتسامه غريبه ..

صدت عنه بخجل .. و زاد خجلها اكثر لمن سمعت ضحكته .. التفتت اول ما سمعت صوت قفل الباب ..

طالعت فيه و هو متوجه للمتجر .. لبس بلوزة زيتيه برسوم رماديه بنص كم و كاب زيتي و بنطلون رمادي ..

و النظارات الشمسية بالون الرمادي .. سمعت ضحكة نوال و تعليقاتها .. التفتت على ابرار و بحزم / انزل .. بادليني ..

" فتحت الباب و نزلت قبل لا تسمع كلام ابرار .. توجهة لباب ابرار و فتحته .."

ابرار بخوف / غرام يا المجنونه و الله لو يشوفنا عناد ليذبحنا ..

غرام بعصبية / انزلِ وان قال شي .. قولي غرام هي الي طلبت و غصبتني .. انزلِ

ابرار نزلت على مضض ولفت من خلف السيارة وطلعت مكان غرام ..

غرام اول ما جلست تنهدت / اوووووه حسيت قلبي بيوقف .. " التفتت على البنات و بعصبية " ..

وانتم يا فرحتكم بس تضحكون ضحكتوا بلا سن ان شاء الله ..

رنا تضربها على كتفها و هي تحاول تمسك ضحكتها .. / استغفري .. استغفري ..

غرام تعدل شيلتها و بعصبية / استغفر الله العظيم ..

انتبهوا لعناد الي خرج و هو محمل اكياس .. فتح الباب و حط الاكياس بحضن غرام الي كان متوقع انها ابرار ..

غرام تصلبت بمكانها .. و رنا و نوال و الي شدو على اجسامهم و بعدوا عنها ..

عناد لانه مستعجل ما انتبه للي حط الكياس بحضنها .. سحب احد الاكياس .. و قفل الباب .. و طلع لمكانه ..

بعد ما قفل الباب و هو يحرك السيارة مد يده بكيس للي جالسه بجنبه .. وبهدوء / خذي ..

ابرار بهدوء وهي خايفه .. همست بصوت مسموع / ايش ..

عناد التفت بصدمه و وقف السيارة باستغراب و التفت على الي جنبه .. رفع حاوجبه لثواني ..

و باستغراب / ابرار .. " رفع عينه و طالع بالمراية و شاف غرام و بعصبية " .. من سمح لكم بالنزول ..

ابرار اول ما صرخ لصقت بالباب .. غرام صدت عن عناد و طالعت بالشارع ..

عناد بغضب رمى الكيس على جهة غرام بقوة .. حتى يضرب براسها .. و يطيح بحضنها ..

عناد بغضب / لو ما كنتم بالشارع كان وريتكم شغلكم ..

" حرك السيارة بسرعة و هو يشد على الدريكسون " .. غرام رمت الكيس الي طاح بحضنها و صدت ..

و البنات التزموا الصمت .. و نظراتهم كل بعد شوي تروح لغرام .. الي ماسكة نفسه بالقوة لا تبكي ..















:

:

:















بنفس الوقت .. عند الفندق ..









جيب ابو عناد .. السايق سند ..







رنيم .. و ريهام .. و ام صقر .. وريما و شغاله تبع ام صقر ..

رنيم طلبت من امها تطلع قدام لكن ام صقر رفضت ..

سند بعد ما شاف السيارات تتحرك .. نسف شماغه و فتح الباب و طلع ..

سند بهدوء / السلام عليكم .. " انتبه لفهد .. اخذه من يدين امه و هو يضحك .. باسه على خده " .. حبيبي انت ..

التفت على رنيم قبل لا يلبس نظارته الشمسية ../ غرام تدرين مع من راحت ..؟

رنيم التفتت للخلف / لا .. " وسالت خواتها " .. البنات مع من راحوا ..

ام صقر / البنات كلهم ركبوا مع بعضهم .. من اخذ سيارة ابوك ..

سند عقد حواجبه و تافف بضيق / فارس اتوقع .. " عض شفته " .. غرام تدوخ من الكُر ..

كنت ابيها تكون معاي و الا مع رعد .. " وهو يشغل السيارة " .. خلني اتصل عليها و اذكرها .. هي تنسى ..

اتصل و تنهد بضيق و هو ينزل الجوال / الظاهر يامقفله جوالها يا مافي ارسال بالمكان الي هم فيه ..

حرك سيارته و هو يهوجس بغرام .. رفع جواله و رجع يتصل على فارس .. اول مارد عليه فارس ..

سند بهدوء / من معاك ..؟ " سمع فارس و عقد حواجبه " .. طيب غرام مع من راحت ..

" رفع حواجبه و ابتسم بعدها " .. يعني لعب علينا عناد .. طيب يصير خير ..

نزل جواله و هو يلف بالدركسون .. رجع رفع جواله و اتصل على عناد بس بعد كان ما في تغطية ..

تافف و رمى الجوال و هو عاقد حواجبة و صدرة ضايق .. همس / ربي يستر ..

















:

:

:

بنص خط الكُر .. الي كان يسوق فيه عناد بجنون ..

و البنات متحمسين .. غرام شدت على يد رنا وهي تهمس / ابي استفرغ .. " اكرمكم الله " ..

رنا الي كانت جالسه بين نوال و غرام انتبهت لهمس غرام .. شهقت وهي تسحب احد الاكياس و تفرغ محتواه ..

حطت الكيس بيد غرام .. غرام رفعت نقابها .. حتى تميل و تطلع كل الي في بطنها .. البنات شهقوا بخوف ..

عناد انتبه و باستغراب / ايش فيكم ..

ابرار التفتت للبنات .. و بخوف / ايش فيها غرام ..

نوال بهمس / شكلها داخت .. غرام تدوخ من الكُر ..

عناد خفف سرعته و وقف على جنب .. و بخوف .. وهو يطالع بالمرايا / غرام ..

غرام سحبت منديل من يد رنا و مسحت فمها .. همست / خلاص .. بس ابي انام .. " و حطت يدها على فمها " ..

عناد فتح الباب ونزل .. وفتح الباب الي من جهتها .. مسكها من يدها .. و بهمس هادي / انزلي ..

غرام حست بان السيارة تزيدها ضيقه و دوخه .. نزلت معاه بدون اعتراض ..

لف بها و جلسها خلف احد الأرصفة الكبيرة و ظهرها لشارع .. سحب عنها النقاب لمن سمعها تكح ..

عناد و هو مغطيها عن البنات .. مسح على راسها و بحنان / تنفسي بهدوء ..

غرام حطت يدها على عيونها بخجل .. عناد ابتسم و التفت على جهة السيارة اشر لـ ابرار .. بانها تجيب علبة ماي ..

نزلت ابرار و بيدها علبة ماي و منديل .. اعطتهم عناد .. عناد بهمس / انتي اطلعي مكانها .. " واشر لها ترجع " ..

ابرار بارتباك وخجل رجعت و رجولها تخبط في بعض .. ما توقعت جرائة عناد هذي ابد ..

التفت على غرام و هو يفتح لها علبة الماي .. و بهمس / اشربي شوي ..

غرام شربت شوي واخذت نفس .. وبعد فتره .. عناد بهمس / ليه ما قلتي لي انك تدوخين ..

غرام زمت شفايفها .. عناد وهو يفتح علبة الماي و يرفعها / مدي يدينك .. غسلي وجهك ..

غرام بخجل مدت يدينها و غسلت وجها .. و بعدها مدت يدها و اخذت مناديل و نشفته وجها ..

عناد حط يده على خدها ومسح عليها بحنان .. و بهمس / نمشي و الا ترتاحين شوي كمان ..

غرام بارتباك وخجل ابتعدت و هي تربط نقابها .. / لا خلاص ..

سمع صوت سيارة وراه .. التفت و شاف جيب خالة سلطان ويسال بخوف / عناد .. فيكم شي ..

وقف اول ما شاف عمه فهد و ابوه ينزلون من السيارة اول ما شافوا الشي الاسود الي معاه و اقفه قباله ..

غرام صدت بخجل .. عناد ابتسم و بخبث / يا خالو ما اخبرك هادم الاذات ..

ابو بتال اول ما عرف البنت الي معاه ضحك و فهم ابوسطام الي يساله عن البنت ..

ابو سطام ضحك وياشر لعناد بعصاته .. ابو سند بخوف / غرام انتي طيبه ..

عناد بهدوء وهو مبتسم / بخير الحمد الله .. بس من الحين بتدلع عليه ..

ابو عناد و ابو سند / هههههههههههههه ..

غرام الي كانت تبي تبكي من الخجل و الي صار قبل ..

ابو سند و هو فرحان / ربي يسعدكم .. انتبه للخط ترا غرام تدوخ .. " اشر بيده و هو يرجع يركب السيارة " ..

عناد هز راسه و بابتسامه / لا توصي حريص ..

طلع ابو عناد و ابو سند لسيارة ابو بتال .. و تحركوا مكملين طريقهم ..

غرام رجعت لسيارة و فتحت الباب بس شافته مقفل .. ابرار نزلت الزجاج تبع الشباك / اطلعي قدام ..

غرام حست بيد عناد .. التفتت له و هو يقول لها / يالله اطلعي بسرعه .. " وهو ياشر لها على المقعده الاماميه " ..

غرام تعبانه و مازالت تحس بالدوخه .. راحت بدون لا تعترض .. و عناد مستغرب هدوئها ..

بعد ما حرك السيارة و عدل طريقة سواقته .. التفت عليها و هو يسال / تحسين بدوخه ..

غرام مغمضه عيونها هزت راسها بهدوء " لا " .. حست بيده تمسك يدها .. حست بحراره تسري بجسمها ..

سحبت يدها و هي تفتح عيونها و تصد عنه .. عناد انتبه للبنات يصورون و يهمسون لبعض و واضح انشغلهم عنهم ..

همس لغرام / زعلانه ..؟

غرام تفأجات من كلمته .. التفتت عليه و شافته يطالع الطريق صدت عنه و سكتت ..

بعد ما وصلوا الهدا .. و الدوران والفلفه فيها حتى يلقون مكان يريحون فيه ..

و قف عناد تحت شجره و قال للبنات ينزلون .. و البنات ما صدقوا خبر ..

نزلوا و كل وحده تتأوه من رجولها .. و بداو يمشون .. ما عدا غرام الي ما كانت تقدر تمشي من الدوخه ..

فرش لها عناد فرشة و هو توجه لمدخل الي يدخل على المكان الي متواجدين فيه .. و يكلم تلفون ..

رنا تطمنت على غرام الي اول ما شافت عناد يبتعد انسدحت على المسنده الموجوده على الفرشة ..

سحبت النقاب و تركته جنبها .. و غمضت عيونها بتعب .. رنا بخفه و قفت و رجعت للبنات ..

عناد انتبه ان غرام لحالها .. رجع و جلس جنبها و اتكى على نفس المسنده ..

مسح على خدها .. شاف كم شعره نازله على وجهها .. بسبب ارتخاء الشيله ..رجعه تحت الشيله ..

غرام فتحت عيونها بتعب و شافته .. جات بتقعد بس هو ما سمح لها .. حط يده على كتفها و همس / ارتاحي ..

غرام دفعت يده بحده و هي تصد عنه وتعدل شيلتها .. لمن جات بتربط النقاب .. مسك يدها عناد ..

غرام تاففت .. و صدت عنه .. عناد يده اليمين ماسك بها يدها الي تحاول تفلتها و يده اليسار مسك بها المسنده و ابعدها ..

بعد ما ابعد المسنده .. مسك يدها بيده اليسار .. و لف يديه اليمين على اكتوفها ..

غرام بخجل و عصبية من بين اسنانها / عناااااد ..

عناد بابتسامه و بهمس / لبيه .. " صمت لثواني .. و بعدها همس " .. زعلانه ..؟

غرام تحاول تفلت يدها وتبعد يده الثانية عن كتوفها .. وهي مستغربه جرائته وهالاسلوب ..

ابدا عناد ما كان لطيف او رومانسي .. عناد رص على كتوفها و بحزم هامس / غرااام ..

غرام بضيق طالعت فيه .. عناد قرب وجهه من وجهها و بهمس / ايش فيك ..؟

غرام بضيق و غصه / ولا شي .. بعد عني ..

عناد طالع بعيونها شوي و تركها و قف و ابتعد وهو يسحب جواله من جيبه و يتصل ..

غرام ربطت نقابها و وقفت و توجهت لـ البنات .. عناد التفت على الفرشة بعد ما قفل المكالمه ..

ما شافها .. رجع للفرشة وانسدح و غمض عيونها .. تنهد بضيق .. سمع صوت سيارة ..

رفع راسه و التفت و شاف جيب خالة ابو بتال ..

نزل ابو بتال و ابو سطام و ابو عناد وابو سند و نزل وليد وريان ..

ابو سطام يتعكز على عصاته و هو يتاوة من رجوله / اووووه يا عظامي .. اااه ..

عناد و قف و هو يتوجه لهم .. ابو بتال فتح اخر السيارة وسحب كرسي ..

حتى يفرده لابوه و يجلس عليه ابو سطام .. ابو سند يطالع في البنات .. و بتعب / غرام طيبه ..؟

عناد وهو يقرب منهم ابتسم ,, و بخبث / طيبه .. توها قامت من عندي ..

ابو بتال و ابو عناد / ههههههههههههههههههههه ..

ابو سند ابتسم / سواتك امرها بيد سند .. عاد تخالص معه .. انا مالي دخل ..

ابو بتال سحب فرشه .. و ارسلها لـ البنات .. مع وليد و ريان ..

التفتوا على ابو سند الي يتكلم بالجوال .. / هلا .. الحمدالله و صلنا .. غرام .. طيبه .. بس دوخه الخط اتعبتها شوي ..

عناد قبلنا وصل .. مسرع ؟!! .. ما ادري .. " التفتت على عناد " .. انت لوصلت تشوفها .. انتبه لا تسرع ..

فمان الله .. " قفل المكالمه و التفت على عناد .. ابتسم " .. سند زعل .. عاد دبر عمرك ..

عناد و قف و بمزاح / اجل ابخطف غرامي قبل لا يجي الاسد .. هههههههههههههههه ..

الكل / ههههههههههههههههههههههههه ..

ابو سطام ياشر بعصاه .. و بحزم / اقعد .. ما خذ البنات و انا قايل ما تاخذهم ..

عناد ابتسم و هو يتقدم من جده و يقبل راسه / يبه عطشان و ابي اروي ظماي .. " نقز اول ما جده رفع العصا " ..

الكل / هههههههههههههههههه ..

عناد / ههههههههههههه يبه لا تطيح هبتي قدام الغزلان ..

ابو سطام صد عنه و هو يطالع بسلطان / شوف العيال لقوا لهم بيت .. والا لا ..

سلطان ضغط على جواله .. / ما لقوا يبه .. بس ننتظر سند يشوف الوضع ..

ابو سند و هو يجلس على الفرشه / الحين خلنا نقعد نريح شوي .. وبعدها نشوف البيت ..

ابو عناد يطالع بالمكان .. من كل الجهات جبل .. معاد جهه و حده ممر للسيارات ..

ابو عناد بتفكير / ان سدينا هالطريق .. محد يدخل علينا .. ان مالقينا بيت فرشنا هينا ونمنا ..

سلطان / لا مايصير .. هالمكان قريب من جبل الكُر .. القرود تجي اخر اليل ..

ثواني حتى يشوفون البنات هاجمين عليهم .. اماني / قرد .. قرد ..

سلطان ياشر / ها .. بس طاحت الشمس .. جاتك .. " هز راسه " .. ما يصير هالمكان ..

ابو سطام يوقف حتى يتقدم من الفرشه و يجلس عليها .. و ينسدح ..

ابو سند بتعب / و الله يا الجو يجيب النوم ..

عناد التفت لابوة و شافه منسدح و مغمض عيونه .. تقدم منه و بهدوء / يبه .. اخذت علاجك ..

ابو عناد و هو مازال مغمض / ايوة ..

البنات .. سحبوا الفرشه و حطوها قريب من سيارة ابو بتال قريب من الرجال ..

وكل شوي يطالعون جهة المكان الي شافوا فيه القرود .. ريان و وليد صاروا يلعبون كورة ..









بجمس ابو بتال .. السواق .. بتال و نايف ..









كانوا و اقفين على جنب .. و بتال يتكلم مع نايف .. و هم ياشرون على الاماكن و المحلات ..

نايف بتافف / شوف سند وين وصل ..

بتال رفع جواله و اتصل على سند ..

كان معاه العنود .. و سارة .. و سمر .. و شغالة وليد .. و ميري ..

العنود تطالع بسلطان الي شكله دايخ من الخط .. و الظبي نايمه بحضن ساره ..

العنود تمسح على راس سلطان وهي تهمس / ما ادري اخاف انيمه يكون مضر ..

سمر و شيخه الي كانت نايمه مثل الظبي من قبل لا يطلعوا لجبل الكُر .. همست / لا ان شاء الله مافيه شي ..

سلطان يبكي بضيق و يتثاؤب .. نايف بهدوء / اقري عليه و نيميه .. و ان شاء الله ما عليه الا العافية ..

بتال يلتفت للخلف .. و بحنان / سلطان بابا .. تجي عندي ..

سلطان ترك حضن امه و هو يتوجه لابوه .. بتال حضنه و هو يقبل خده و يمسح على شعره ..

فتح الباب و نزل و صار يمشي على الرصيف و هو يلعب سلطان ..

نايف نزل و توجه لهم .. لعب شوي مع سلطان .. الا ان شافوا سند الي اشر لهم بيده و هو ماشي ..

نايف وبتال التفتوا لبعض باستغراب من حركة سند .. نايف اشر لبتال / انا اسوق عنك ..

بتال هز راسه و رجع لسياره .. اول ما ركب نيم سلطان بحضنه و بدا يقرا عليه و هو يلعب بشعره الا ان نام سلطان ..













:

:

:

:











في سيارة عبدالعزيز ..









عبد العزيز بمزاح / الحين هذي اخرتها .. ما اشيل الا العجايز ..

الجازي رفعت حاجب و بغرور / يعني مو عاجبينك ..

عبدالعزيز بابتسامه و مزاح / يعني لبست الجينز و الكاب على الفاضي .. انا ابغى لي بنات ..

يلبسون مثلي جينز و برموده و من الحركات الي ترد الروح ..

مريم ابتسمت / بس هذا الي تبغيه .. ابشر .. بكره نلبسه لك ..

عبدالعزيز بخبث / وابي لي بنت صغيره تلعبني و العبها و ترجع شبابي ..

مريم و الجازي فهموا قصده .. بس قلبوا الكلام .. الجازي ترفع له هيام / هذي هي البنت لعبها ..

عبد العزيز يمد يده و يمسح خد هيام و بضحكه / فاهمين قصدي .. بس تستغبون عليه يعني ..

انا اول مره اشوف طباين يتفقون .. " التفت على مريم الي جالسه بجنبه ".. ترا ان تزوجت تجي عليها الحرمه ..

مريم / وعليه بعد .. يعني الشر لحقنا اثنينا ..

الجازي طالعت في ابو طلال و بخبث / تبينا ما نتفق طيب .. موافقين .. و محد بيتضرر كثرك ..

عبدالعزيز / هههههههههههه لالا ههههههه اخاف اصير مثل سليمان ابو الريش اتجنن .. فاتفقوا احسن لي ..

مريم و الجازي / ههههههههههه















ـــــــــــــــــ













سيارة رعد ..









هيفاء بتعب / لا ما فيني شيء .. بس ارهاق ..

رعد مد يده وحطها على بطن هيفاء و هو يمسح عليها بحنان ..

هيفاء بعد صمت دام لدقيقة .. / ليه ما اصريت على خالتي تطلع معانا ..

رعد تنهد / اصريت عليها لكن حلفت .. و فارس ماصدق رمى مفتاح الجيمس على عناد ..

ورجع للبي ام حقته .. واخذ امي و امه ..

هيفاء مدت يدها لشغالة واخذت منها الفطاير الي اخذهم رعد من احد المحلات ..

رعد رفع جواله وهو يتصل / خلني اشوف لقيوا بيت والا لا ..

هيفاء وهي تاكل / مداهم وصلوا ..

رعد / اوووه من زمان وصلوا .. " اول ماسمع الصوت " .. الو .. سلام .. ها لقيتوا بيت .. والله .. زحمه اجل ..

الله يعين .. ماعليه تدبر ان شاء الله .. شوي بس و حنا عندكم .. يالله مع السلامه ..













ـــــــــــــــــــ













اول ما وصل سند للجلسة ..







وقف السيارة نزل منها التفت على جلسة الرجال و اعطى عناد نظرة غضب و توجه لجلسة الحريم ..

سند ينادي / غررررااام ..

غرام الي كانت منسدحه .. من سمعت صوت سند فتحت عيونها .. قامت بسرعة و هي تمسك عبرتها ..

سند اول ماشافها فتح يدينه .. غرام ارتمت بحضنه وهي تشهق .. سند حضنها وهو يبتسم بحنان ..

مسح على راسها وهو يهمس لها / هالدموع علشان الدوخه و التعب و الا عناد ضايقك ..

لمن شاف ان شهقاتها زادت فهم .. ضمها اكثر وهو يهديها و يتوعد في عناد الا ان سمع ضحكتها ..

سند ابعدها وبمزح / ها بابا .. ايش تبغين عقاب عنيد ..

غرام ضحكت وهي تحط راسها على صدر اخوها / ههههههههههه ولا شي ..

سند بخبث وضحكه / اوووووه .. هههههههههههه .. عناد خربك ..

غرام ابتعدت وضربته على صدرة .. ورجعت للجلسة وهي تمسح دموعها ..

















ـــــــــــــ













طلال ..







مرام بخوف / طلال بلا هالجنان ..

طلال اليي يلف بسيارة بسرعة مطلع صوت الكفرات .. و يضحك على صرخات الرعب الي تطلع من مرام ..

ويضحك على ضحكات مريم الصغيرة .. الي بحضن الشغاله المرعوبه .. وما على السانه .. الا .. " الله .. الله " ..

مرام بغصة وهي تضم عبدالعزيز لصدرها / والله ان عدت الحركة لزعل ..

طلال الي بدا يعدل سواقتها / هههههههههه عاد الا زعل ام عزوزي .. ما اقدر عليه ..

مرام بعد فترة ارتاحت بالجلسة .. طلال مد يده ومسك يدها شدها و قبل كفها بدفا ..

مرام سحبت يدها بخجل و هي تلتفت على السيارات ..

طلال بضحكة / محد شايفنا ههههههه ..















ــــــــــــــــ















الساعة .. 10:30 ليلا ..









سلطان يتكلم بالجوال مع سند .. / يعني ..؟

سند بتعب / الشباب يجلسون بالمكان الي انتم فيه الحين مع كم سيارة ..

و الحريم و البنات يجون المنتجع .. علشان البرد و ياخذون راحتهم بالنوم ..

سلطان هز راسة / خلاص .. صار ..

سند بهدوء / مع السلامه ..

سلطان / مع السلامه .. " التفت على الموجودين ".. سند يقول لقاء جناحين بمنتجع ..

وحده غرفة بحمام " كرمتوا " و صاله و مطبخ صغير .. و الثانيه غرفتين و صاله و حمام " كرمتوا " و مطبخ ...

ابو سطام عقد حواجبه / ما تشيل .. حنا نبي بيت كامل وياله يكفي .. " وبعصبية " .. انا قايل خلنا نرجع ديرتنا ..

سلطان ابتسم و بهدوء / الله يهديك يبه .. العيال ما استانسوا ..

ابو سند بتعب / سند ايش قال ..

سلطان / نتقسم .. الشباب يقعدون بهالمكان .. و الحريم و البنات يروحون المنتجع ..

ابو عناد / ليه نقعد بذا المكان .. ؟

سلطان عقد حواجبة / الظاهر المنتجع مو عاجب سند بالحيل .. المهم .. انا ابى ابقعد مع الشباب ..

عبد العزيز و هو مستند على المسند / و انا بعد ..

سلطان / سند و رعد و ابوي و انت يا فهد و خالد .. روحوا المنتجع .. و ارتاحوا ..

ابو عناد يعتدل بجلسته و هو يعدل شماغه / و ين هالمنتجع ..؟

سلطان / الشباب الحين يجون .. " التفت جهزت البنات و بصوت عالي " .. يا ولد .. اجهزوا ..













ــــــــــــــــــــ











الساعة 3:00 فجرا ..







البنات قاسمين الصالة بين النص .. و مفرشين الفرشات .. نايمين على بطنهم .. وجهيههم بوجه بعض ..

نوال تنفخ / اووف .. لو نطلع برا مو احسن ..

غرام وهي تاكل عنب / تدرون العنود برا ..

مرام الي جالسه على الكنبه و تهز عبدالعزيز على رجولها / ايه صدق ترا من زمان وهي برا ايش عندها ..

ابرار التفتت على البنات / حتى ساره ..

اماني بغيرة / ساره نايمه بحضن جدتي ..

البنات رفعوا حاجب وباستغراب / بحضنها ..

اماني هزت راسها .. و بغيرة / ايه و لعبت بشعرها جدتي و ظفرته لها .. " تنهدت " .. انا قلت لجدتي ظفرية .....

" قاطعتها ضحكت روان .. الي تذكرت حركة جدتها لمن ضربت اماني بعصاتها " .. / هههههههههههههههههههههههه ..

اماني طالعتها بقهر / ضحكتي بلا سن ان شاء الله ..

ريهام ورنا ضربوها على كتفها وبوقت واحد / استغفري ..

اماني بخرعه / اهبووووو .. فجعتوني .. " التفتت على اختها نوال " .. يضربون اختك ما تفزعين لي ..

نوال و قفت و نطت على رنا و ريهام الي صرخوا بوجع .. / آآآآآآآآآآآآآآآآآآآآه ..

.......... بصراخ حاد / بـــــــــــــنـــــــــــت .. والله لو ما تنامون لنرجعكم بكره للخبر ..

فجاه الكل صمت .. حتى النفس معاد انسمع ..













:

:

:











بالخارج ..









بتال / هههههههههههه قطعت نفسهم ..

سند بضيق / اوف ما ادري متى هالناس اتنام .. " و هو ياشر على اجنحه مقابل لجناحهم " ..

بتال التفت على جهة الجناح الي اشر عليه سند .. وشاف قباله فرشه عليها بنات و شباب ..

و هم يضحكون و يلعبون كيريم و صوت الاغاني راج المنتجع كله " ..

بتال بحزم / الحين اروح لـ الادارة و ابلغهم بالازعاج الي مسوينه ..

سند تنهد / روح لهم الله يعطيك العافية .. انا ما اقدر امشي خطوتين .. " و بالم " ..

انا مدري ايش خلاني البس جنيز و امشي هالمسافه كلها ..

بتال باهتمام / الا ايش سويت ..

سند ابتسم / ام سلطان ماقصرت ارسلت مرهم حطيت منه على فخوذي و الحمد الله هدي الالم .. و خف الاحمرار ..

بتال ابتسم / ليكون مرهم الحراره تبع حفايظ عيالي .. " وبمزح " .. هالمره المرهم المره الجايه اخاف تاخذ حفاظه ..

" ضحك بتال وهو يبتعد عن سند الي ابتسم و هو يرفع السبحه يبي يضرب بتال .. " .. ههههههههههه ..

سند بضحكه / روح للادارة و بعدها ارجع لشباب مالك مكان هينا يالله ..

بتال رفع يده يعني سلام .. و هو يتوجه لمكتب الادارة يشتكي على المسببين للازعاج ..

مكتب الادارة كان خلف الاجنحه الي حاجزينها الي كانت باخر المنتجع .. اول ما طلع على الممر ..

شاف العنود جاية من خلف الجناح المخصص للبنات .. و بصمة و استغراب / العنود ..

العنود التفتت عليه باستغراب و برود تركته و هي تدخل الجناح ..

بتال بصدمة و غضب .. توجه للمكان الي طلعت منه .. ماشاف احد باول نضره ..

لكن انتبه على شاب كان يمشي لكن بسرعة اختفاء وهو يدخل على ممر ثاني ..

بتال راح يركض لجهة الشاب لكن ما لقاء له اثر .. و بعصبية / العنوووووووووود ..

سكت و هو يتعوذ من الشيطان .. و يستغفر / لا تظلمها .. لا تظلمها .. استغفر الله العظيم .. استغفر الله العظيم ..

" رجع و توجه للادارة .. وتفاجاء بسند الي و اقف باول الممر .. و كان يطالعه بنظرات بارده غريبه " ..

سند بهدوء / ايش فيك ..؟

بتال بغضب / الـ*** شفتها جاية من مكان مظلم .. و لحالها .. و يوم ناديتها طالعت فيني و طنشت ..

سند رفع حاجب و برود / ويعني ..؟

بتال بغضب /ايش الي يعني .. ايش تسوي بمكان خالي و مهجور هينا .. مافيه الا عمال سرنبت ..

سند ببرود / اركب سيارتك و توكل .. انا اكلم الادارة ..

بتال رفع حواجبه و بستنكار / سند ..

سند تركه ببرود و توجه لـ الادارة ..

بتال بغضب مشي متوجه لسيارته .. ركبها .. و جلس فيها لدقايق .. رجع فتح الباب و نزل ..

انتبه لسند راجع للجناح .. سند ببرود / ما رحت ..

بتال بحدة / مو رايح ..

سند رفع حاجب و طالعه ببرود / اذا ما كنت تثق فيها .. استحاله ترجع لك ..

بتال وقف و التفت عليه / اثق فيها .. بس تجاوبني عن اسالتي ..

سند صمت لثواني و هو يطالعه بنظرات غامضة و بهدوء / اذا انتي تقولها لو تجاوبين مو مصدقك ..

فليش تتعب نفسها و تجاوب .. للاسف انت ما تعرف العنود .. العنود كتاب مفتوح للي يعطيها الامان و الثقه ..

" قرب من بتال و هو يحط اصباعه على راس بتال " .. هذا لزم تشغله .. و تنظفه من كل الشوائب ..

" نزل اصباعه و حطها على صدر بتال " .. واذا صدق حبه .. يوضح بعيونك .. فلا تكذب عليها ..

اكرم العنود . .تكرمك .. وهذي اخر مره يا بتال انصحك فيها .. ان ما فهمت كلامي ..

" هز راسه باسف .. و تركه و دخل الجناح الي اخذوه الرجال " ..

بتال بضيق حط يدينه على خصره و هو ينفخ بضيق / اووووووووف يا العنود بتهبلين فيني ..













ـــــــــــــــــــ













يوم جديد ..

الساعة 11:00 صباحاً ..





عائلة الفارس تركت المنتجع ..

ورجعت لأول مكان جلسوا فيه ..









فارس يلبس الكاب الصوفي على راسه .. تنحنح حتى يعدل صوته / و الله يالبرد نفخ فينا نفخ ..

سيف يشرب من كوب الحليب / والله ان احسن و حدة العنود .. فكرتن فينا .. وسوت لنا هالحليب بالزنجبيل ..

توني حسيت بجسمي .. و الا قبل تصلب من البرد .. " مد يده و قطع من فطاير الكريب الي سوتها العنود " ..

ابو سطام ابتسم و بنغزة / العنود مافي مثلها .. مير من يثمن ..؟

بتال بنبرة مقصوده /ابو سطاااام ..

ابو سطام التفت عليه و بحدة / وايش عندك .. و انا صادق . .لو انت تثمن .. و تعرف بالزين ما تركتها ..

بتال نزل الكوب بضيق وقف و ابتعد عن الجلسه ..

سند ببرود طالعه .. التفت بعدها لابوه الي غير الموضوع / من جاب السمن ذا و العسل ..

سند بهدوء / ام سلطان طلبته و اشتريته من محل دلني عليه بدر .. يوم اخذ الدورة هينا علموه زملائه عليه ..

ابو عناد / ما شاء الله يلذعت العسل بلسان .. واضح انه اصلي مو مغشوش ..

سند بهدوء / يبه .. لا تكثر ناسي ان معك السكر ..

ابو سند بضيق / حاطينه قدامي و تبوني امتنع عنه ..

سند سحب صحن العسل و السمن .. و وقف / خلاص اجل .. مو نافعكم كثرته .. لا انت و لا جدي ..

توجه لجلسة الحريم الي كانت تحت ظل شجره و نادى على غرام الي جاته و اخذت منه صحن العسل و السمن ..

وهو راجع لجلسة الرجال .. الي تحت ظل شجرة مو بعيده عن جلسة الحريم وبينهم الجمسين ..

رفع يده و شاف الساعة .. التفت على خالة سلطان .. وبهدوء / خال .. نروح لجهة سوق الغنم ..

سلطان وهو يشرب من فنجان القهوة / اي والله .. معاد فيه وقت .. " وقف والتفت على سيف و فارس " ..

سيف انت و فارس روحوا لـ البقالة .. وجيبوا الاغراض الي ناقصة ..

فارس الي مغمض عيونه علشان الشمس / ايش هي الاغراض ..؟

سيف وهو يلتفت عليه و بضحكه / للحين ما صحصحت .. " التفت على خاله " ..

وصلتني النواقص الحين نروح نجيبها .. ان شاء الله ..

سلطان اشر لسند على الجيب / مشينا ..

سـلـمت انامـلـك ويعطيـك العافية
لا عدمنآ هـالعطآء ولا هَالمجهود
في انـتـظـار لكـل جـديـدك دومـا