سمو الروح
06-19-2023, 10:16 PM
ليت الورق يقرا وش اللي كتب فيه ..
و ليت القلم يدري وش اللي جرا به ..
ان كان ما تمسي فـ صدري مشاريه ..
و لا اتضايق لو تضيق الرحابــــه ..
___________
البيت بيتك و المواري مـواريـه ..
غريب يوم اصوات غيري تشابــه ..
و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..
ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..
___________
و الغايب اللي يغري الشعر طاريه ..
مـا قــل قــدره لــو يطــول غـيـابــه ..
كم لي و انا احث القصايد تخليه ..
حتـى تلاشـت رغـبـتـي في الكتابـه ..
و الشعر لو يفقد حروفه و اساميه ..
مـدري وش اللـي بعـدها ينبغابــه ..
احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..
يـ اللي تجونه دامني مااقدر اجيه ..
وصــوا ذهـابه .. لا يـشح بــ ايـابـه ..
و قولوا له اني من كثر ماني أغليه ..
اشـرب ســرابـه و ارتوي من سرابه ..
و على كثر ما انسى اذا قلت ناسيه ..
دار الــزمان و جــاب عشقــه و جـابـه ..
حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..
ان لمت قلبي عاقبتني محانيه ..
و ان قـلـت أبرضا عـز نفسي رقابـه ..
البارحه كنت اكسر الروح و انهيه ..
كان الـورق ارض و عيـــوني سحابـه ..
زرعت مااحبه ولا عاد لي فيه ..
و جنـيـت احـبــه لو يطـول غـيـابه ..
و ليت القلم يدري وش اللي جرا به ..
ان كان ما تمسي فـ صدري مشاريه ..
و لا اتضايق لو تضيق الرحابــــه ..
___________
البيت بيتك و المواري مـواريـه ..
غريب يوم اصوات غيري تشابــه ..
و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..
ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..
___________
و الغايب اللي يغري الشعر طاريه ..
مـا قــل قــدره لــو يطــول غـيـابــه ..
كم لي و انا احث القصايد تخليه ..
حتـى تلاشـت رغـبـتـي في الكتابـه ..
و الشعر لو يفقد حروفه و اساميه ..
مـدري وش اللـي بعـدها ينبغابــه ..
احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..
يـ اللي تجونه دامني مااقدر اجيه ..
وصــوا ذهـابه .. لا يـشح بــ ايـابـه ..
و قولوا له اني من كثر ماني أغليه ..
اشـرب ســرابـه و ارتوي من سرابه ..
و على كثر ما انسى اذا قلت ناسيه ..
دار الــزمان و جــاب عشقــه و جـابـه ..
حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..
ان لمت قلبي عاقبتني محانيه ..
و ان قـلـت أبرضا عـز نفسي رقابـه ..
البارحه كنت اكسر الروح و انهيه ..
كان الـورق ارض و عيـــوني سحابـه ..
زرعت مااحبه ولا عاد لي فيه ..
و جنـيـت احـبــه لو يطـول غـيـابه ..