في فرق إنك تكون طيب ومحترم ومتربي وعارف الأصول وبين إنك تتعرض للأذى أو الإستغلال وتبرر لنفسك ده بإنك طيب ومتربي وعلى نياتك ..!
في فرق إنك تكون طيب ومحترم ومتربي وعارف الأصول وبين إنك تتعرض للأذى أو الإستغلال وتبرر لنفسك ده بإنك طيب ومتربي وعلى نياتك ..!
ربنا مش بيقولك إن الأخلاق إنك تسمح للناس استغلالك أو إنك تكون شايف حد بيأذيك وبتديله فرصة إنه يتمادى دي لا من الأخلاق ولا الطيبة .. دي نابعة عن الضعف ونقطة وآخر سطر مفيش كلام بعده ..
الإنسان السوي هو اللي يقدر يحقق توازن بين أخلاق وطيبة ورحمة وتسامح في كفة .. وحزم وقوة ومايسمحش لحد يستغل طيبته وأخلاقه عشان يؤذيه أو يستغل مشاعره ويستهلكها في الكفة المقابلة ..
ربنا مش عايزك ضعيف .. ربنا عايزك تحافظ وتحمي حقوقك في الوقت المناسب .. وربنا عايزك تكون متسامح في الموقف المناسب .. وربنا عايزك إنسان قوي بأخلاقك العالية .. تعرف تجيب حقك بنفسك بقدر الإمكان .. بتحافظ على نفسك من أي أذى .. ربنا عايز أخلاقك تمنعك من البطش وفي نفس الوقت تمنعك من الهون والضعف ..