07-06-2022, 07:16 PM
|
#6
|
رد: صغيرات على الحياة / للكاتبة المبدعة أم وسن ، مكتملة
البارت الثالث
وداد:أوووف هااللزقة عسافوه
مزعجني يدق كل ليلة وبالساعات،يحسب إني استحي منه ومن غزله وأنا منقرفة الله يعيني،أشوا صرفته هالأسبوعين ماكلمني على أساس زواجنا قرب وأنا مشغولة بالجهاز و الأسواق
وسن:انا و وليدوووه هذا ماأطيقه ياناس يغار مني من وأحنا بزارين عشان خذت حضن أمي عنه بينا أربع سنوات،
وليد:دخلت الصالة لقيت وسن تشرب شاي ومعطتني ظهرها مشيت بشويش وخبطتها مع راسها لين غطت شفايفها بالشاي الحار،
ههههههههههههه أحسن.
وسن صرخت:يازززززفت جعلك الموت حرقتني.
أم تركي:خيروليد وشفيك على أختك طول الجدار وتحط راسك براسها
وليد بقهر:أحسن تستاهل ليت جواد ماخذها وفاكنا منها.
وسن:حررره موت قهربقعد على راسك(وهذي حالتهم يوميا هي ووليد)
عبدالعزيز:شفت إن الوقت مناسب عشان أقول لأمي تخطب لي إيمان بنت عمتي سلمى خاصه إني متوظف أخصائي اجتماعي بالمستشفى من ثلاث سنين وهذا تركي مابيني وبينه إلاسنه ومتزوج وعنده ولد والثاني بالطريق كنت مابي أخطب لين تخطب أريج أختها بما أنهاالكبيرة بس طولت وأخاف تطيرمني إيمان.
أم تركي:والله ياولدي الساعة المباركة بس ورا ما تاخذ أريج تراها الكبيرة؟
عبدالعزيز:مالك لوا ياميمتي أبي إيمان وأريج بيجيها نصيبها إن شاالله.
أم تركي:خلاص بعد زواج خواتك نشاور أبوك ونخطبها.
(عساف و وداد)
عساف:أوف من هالحريم يحرجون بقزهم..خلاص ودي أروح أنا وعروستي مليت وهم يسحبوني من تصويرللكوشة لتقطيع كيك لخرابيط مالها داعي.
أنا مو قادر حتى أطالع بمدامتي براحة أوف منهم.
أشرت لعنود تنادي أمي وأمها عشان أودعهم وآخذ عروستي
[في الفندق]
آآه ماني مصدق إنا لحالنا ومحد يكدر علينا.
طلبت العشا وبصعوبة قدرت أأكلها كم لقمة!!
تابعنا فلم رومنسي وكلن شكله بعالمه..
وداد:ياربي فيني النوم يومين مانمت وأخاف أنام وينام جنبي وأنا مادريت أووف بس بروح أنام استأذنت إني ببدل ملابسي وأنا ناوية ابدلها وأقفل الغرفة وأنام.
عساف:كنت ماخذ احتياطاتي منها بنصيحة زملاي المتزوجين إني أسحب مفتاح الغرفه عشان ماأبات عالكنبة
دخلت بعد نص ساعة وأنا ابتسم على خباثتي بس طلعت خبل لأني لقيتها بسابع نومة ضربت يدي بالجداربقهر
أمحق عريس.
بدلت ونمت جنبها وأنا ودي أخنقهاعلى هالمقلب تنهدت ونمت لأني تعبااااااان.
جواد:طلبت من وليد بما أنه بنفس عمري وأمون عليه أبي أشوف الخبله وسن قبل ماأسافر..لكن صدمني رده.
وليد:ههههههههههه تقول أنقلع بس ماعاد إلا هالفيل اطلع له يتمقلني هههههه
جواد:أحس من العصبية بخار حاريطلع من وجهي طيب ياوسن والله إن تندمين على هالكلمة يالبقرة!صحيح إني دب ووزني في الثمانينات بس حتى مايحق لها تهزا بي
بصراحة حزت هالكلمة بخاطري بس الشرهة عاللي مسوي لهاحساب وطالب يشوفها وعادها من الحريم مالت عليها بلى في شكلها..على قول عمي فهد
وافي:دقت علي عنود أختي
عنود:السلام عليكم
وافي:وعليكم اخلصي شتبين
عنود:أبيك بمقلط الحريم عند الغسالات ضروري_سكرت على طول عشان ماأعطيه فرصة يرفض وبنفس الوقت قلت لحنين تشيك على غسالات الحريم قبل لايقلطون لايكون ناقصهاشي
طبعاحنين غطت عالكل هي ووسن بماأنهم أحلى بناتنا وحنين فيها شبه كبيرمن باسكال بس أنعم جسم وأقصرولما الكل شبهها بباسكال صارت تقلدها في تسريحات شعرها وماكياجها وقلت حرام هالزين الليلة مايشوفه أخوي نيههههااااااي
وافي:قهرتني هالعنود ماعطتني فرصة اسألها وش تبي وأدق عليها ماترد أكيد من سخافات الحريم
دخلت ولقيتها عند الغسالات معها أعواد أسنان تحطها عالمغسلة وشكلها طربانة تغني بهمس مدري شتقول حبيت أهبل بها
جيت من وراها بشويش ومسكتها بقوة من ورا ولفيت يديني على خصرها خفت تطيح
حنين:صرخت مخترعة والتفت بسرعة بالعن خير هالزفتة اللي روعتني.
وافي:فتحت عيوني على الآخربسم الله من أنتي؟حنين؟
بلمنا في بعض شوي بس تداركت الموقف وحطت يدينها على يديني عشان تبعدني بس أنا ضغطت عليها وقربتها أكثر تأملت فيها وهي تحاول تبعدني،لفيتها بقوة عشان ارجعها على الجدارولصقت فيها أكثرماقدرت أقاوم سكرت عيوني وبستهاعلى شفايفها بقوة وتركتها
التفت أعدل شكلي بالمراية وانصدمت بالروج الأحمرالناري المحيوس على فمي ههههههههههه
هي حطت رجلها وانحاشت وأنا غسلت فمي بالصابونه ثلاث مرات
صحاني عسافوه:وأنا ناسيه أحداث البارحه أوووه زواجي
لقيت هااللزقة بوجهي ويلعب بشعري،
وداد:خيروش جابك عندي
عساف:لاوالله نايمة البارح ولاعبرتيني تبين بعد اللحين أتركك،
وداد:كم الساعه؟قلتهاوأناأعدل بشكلي بعدالنوم
عساف:الساعة ثنتين صلي الفجر والظهرعشان نتغدى ونمرأهلي نسلم عليهم قبل مانسافروأهلك عندهم
وداد:صليت وتشيكت وتغدينا ومشينا.
حنين:حسبي الله عليك ياعنود قلتها ويدي على قلبي والتفت على صوت ضحكة
هههههههههههههه
العنود:هين أوريه مايعطى وجه هالوافي قلنا نظرة بس موشي ثاني.
حنين:ياحيوااااانة كنتي دارية أنتي وياه والله لاأعلم تركي عليه.
العنود:ارررركضي وشوفي إذا تقدرين تقولين له أولا ههههههههههه
وافي:تنهدت وأنا أتذكراللي صارفي زواج عساف بس والله حركه حلوة ياعنيد كاشخة مرة شكل خواتي مكشخينها وإلاهي وش دراها بالموضة
(العرسان طارو لماليزيا وبعدها سنغافورة)
عساف:أرتحنا بعد السفرونمناعلى طول صحيناالمغرب
صلينا الظهروالعصروالمغرب
كنت مروق وشبعان نوم حتى هي
دخلت بالغرفه أدورها لقيتها جالسة عالسرير وتدهن رجولها بكريم بعد ما خذت شور..
وداد:شفته يقرب مني وعيونه تلمع ويبتسم
لفيت الروب علي أكثر وأناأصرخ عليه ابعد بس قرب أكثر واستفزني وهويحاول يفتح روبي..بس عطيته كف معتبر..
عساف:كنت أفسرتمنعها عني الحيا بس بعد اللي صار عرفت أن أنور للحين بخاطرها عشان كذا حذرتني أقرب منها بس صدمني الكف منها قمت مثل الثور الهايج ورديت الكف بكفين وجريتها من شعرها يالكلبة للحين تبين أنور؟
بس نجوم السما أقرب لك أنتي وياه
تركتها وطلعت
وداد:أي للحين أفكربأنورمقدرأفكر بغيره أوأتقبل وجودأحد مكانه
محمد:عبدالعزيز أخوي خطب إيمان ووافقت
ونطيت أنا لأمي وأنا بعد أبي أمل أختها
أم تركي:سبحان الله كبرو العيال والبنات وأعرسو ماعاد ألا هالوليد مدري متى يعقل ونزوجه؟
وليد:جلست بالصاله وأنا طفشان مالقيت أحد من ربعي ورجعت للبيت شفت وسن طايرة ومعها فلوس شكلها طالبة من البقالة اللي بجنبنا أغراض مرت من جنبي ومديت رجلي بطريقها
هههههههههههه طاحت على خشتها.
وسن:قمت وشفت فلوسي طايرة وخشمي ينزف طالعت بشوف وش تخطرفت فيه لقيت الزفت ولود يضحك..حسبي الله عليه أزين مافيني هالخشم وبيكسره..عصبت وصرخت عليه وناديته بكل أسماءالحيوانات يادب ياحمار ياكلب ياثور كسرت خشمي جعلك السل والجدري وو...قطع علي استرسالي بالدعا صرخت أمي علي.ووووسن لاتدعين عليه.
التفت عليها وأنا أبكي:شوفي وش سوا.
أم تركي ضربت وليدعلى كتفه والله إن تعرضت لها ماتشوف خير.
عساف:حسبي عليها كدرت فرحتي هالوداد.رجعت للفندق متأخرعشان ماشوفها بصراحة لاعت كبدي منها.
وداد:بكيت وبكيت وبكيت لحد ماحسيت راسي كبر الباب والصداع ذابحني تعوذت من الشيطان وغسلت وجهي وطلعت أدور على بندول مالقيت سمعت صوت الباب يفتح ومامداني أدخل لأنه دخل وطالعني باحتقار ولاسلم رمي كيسه بيده عالطاوله وبدون لايلتفت لي:عشاك أكليه.
دخل للغرفه وخذ مفرش ومخدة ونام عالكنبة وعطاني ظهره
عساف:سكري اللمبات والتلفزيون وخذي عشاك داخل.
وداد:يعني طردة طيب عسافوه دخلت بدون لاأطفي شي ولا أخذ العشا وصفقت بالباب وراي.
وافي:خلصت من تجهيزبيتي
قالوا لي عنود وسلطانه أخذ حنين معي عشان تختارمعي الأثاث بس رفضت بشدة أخاف تختار لي شراشيح أكيد بتختار لي كل شي يلمع ويبرق وبكل زاوية بترز لي طاسة ورد كبرها.
طبعا مانقدر نسكن مع أبوي
لأن حمد ساكن معه فطلعنا أنا وعساف بفلة هو الدورالأرضي وأنا العلوي
وبعد أسبوعين زواجي الله يعين.
عساف:قضينا أسبوعين مع بعض وأحنا كلامنا مع بعض يعد على الأصابع وتمشينا مع جروب تبع الفندق ومعنا مرشد سياحي ماقدرت أطول أكثر وقررت أرجع على الأقل ألقى أحد أتكلم معه..
|
|
|
|
|